وسواس الحسد وسواس الكفر و.ذ.ت.ق م

وسواس الحسد وسواس الكفر و.ذ.ت.ق
 لدي وساوس كثيرة وفي كل شيء
 
 السلام عليكم أرسلت لكم استشارتي من يوم وتقريبا حسيت تسميتي للاستشارة مش منطقية أو ما حبيتها فإذا بصير تبدلون اسم الاستشارة وبدي أوضح كم نقطة لأني مبارح اختصرت الموضوع قلت لكم إني شفت الفيديو يلي بحكي أنه في ناس بتسب ربنا وبلش معي وسواس أني أسمع أصوات بتسب ربنا بعدها تجاهلت الموضوع بس ما طولت قلت جملة معينة فحسيتها استهزاء انجنيت وصرت أبحث وأدور على مواقع وحرفيا ما كنت أوقف كل دقيقة أبحث كنت مرعوبة جننت إلا شوي ورحت عن شيوخ وما أرضى أقتنع أقول لا هاي بنت مش شيخ علما أنها دارسة شريعة، ظللت على هاد الحال مبالغة مرعبة لحد ما تفاقم معي الموضوع وصرت أربط الأفكار بحركاتي وإلى آخره
 
 وانتقلت بعدها لوسواس حقوق العباد ما بعرف لو في هيك شيء المهم إني قلت لكم عن قذف المحصنات وبرضه صرت أرتعب لما أتذكر أني حكيت عن أحد وأروح أطلب يسامحني ومرات أخليهم يسامحون عيلتي بالرغم إنه عادي هما بحكوا عني أغلبهم وصرت بعدين أعتذر من الناس يلي المفروض هم يعتذرون لي لأني حكيت عنهم ومن هدول الأشخاص هما يلي تنمر علي ما بعرف بصراحة لو الحق علي أو أنا أستأهل أو أني عملت لهم شيء أو شخصيتي كانت مش منيحة بوجهة نظر الناس المهم إنه ما كنت أقدر أنام لو تذكرت أني أذيت أحد أو عملت شيء زي هيك كنت أنجن
 
 عانيت من توتر وقلق كبير كتير أنا تعبت رأسي طلع فيه الشيب والله العظيم وكان شعري كثيف صار فيه فراغات عيطت لما نشفت دموعي، قعدت فترة ما بحس بأي مشاعر وقلت لكم قرأت عن الحسد والعين فصرت أي سيارة بيت إنسان أقول ما شاء الله ألف مرة كل ما أشوف شيء وبعد فترة زهقت من ها القصة وبرضه ظللت أحكي وقلت لكم المواقف وأقسم بالله تعبت زهقت نفسي أعيش زي الناس ليه طيب بدي أحقق أحلامي بدي أدرس
 
 تعبت من الوضع يلي أنا فيه ومرات أحس لا مش وسواس هاي أنا طب ليه يوصل الموضوع لهون ما أنا كنت أخاف أحكي على أحد خلاص تعبت ليه يلي بخاف منه بصير وحضلني هسا مخربطة حياتي لتردوا علي ولاحظت إنه فيه أحد الناس يلي بعرفهم صاير معها نفس المواقف يلي صارت معي فهل هاي كمان صدفة ولا وسواس؟ المواقف يلي هي من ناحية العين بس أنا بحكي جد ليش شو هاي الإشارات وحلمت الحلم من رمضان وفسرته بوقتها وتجاهلت القتل العمد كان عندي لا مبالاة وقبل يومين تذكرت الحلم وجننت اللحظات لما تذكرت المواقف وبعدين قلت لا شو مستحيل غالبا ذكرت ربنا وقررت إني أنسى
 
 ثاني يوم أصحى وأسمع الآية؟؟ ليه طيب هاد مش دليل أنا خائفة والله خلص زهقت تعبت ما أقدر أنا أظل هيك ما أقدر وشو قصة إني أحس بمشاعر زي حرارة هاد شعور حقد كره ولا شو وليه أنا بربط إنه حقد وبسببه أصيب الناس بالعين يعني جد هاد حقد ولا إيش علما إني بحس بمثله قبل ها الموضوع ودايما بذكر ربنا بس معقول أكون نسيت أو إنه بالرغم من إني ذكرت ربنا هيك صار طب يلي فكرت وظيفته لو صابته عيني المفروض يخسر وظيفته مش يموت والمعلمة يلي ماتت أنا ما عجبني فيها شيء بس جاءت في بالي لما جاءني الشعور والسبب أني تفاجئت من الشعور قلت يعني عمين هسا وجائت صورتها برأسي وذكرت ربنا أو ما بعرف يمكن قلت لا شو بدي فيها وذكرت ربنا بس تأخرت الزلمة يلي عجبني كلامه إنه قال حرام الأغاني برمضان طبيعي كل الناس ممكن تحب هيك موقف من إنسان بس قلت لكم رجع لي هداك الإحساس زي حقد ولا بعرفش شو مع فكرة العين
 
 ما أدري بصراحة شو أعمل هسا ولما أحكي لأحد بقعد يقول إني بتوهم ومش عارف مين أصدق وبخصوص الإشارات لما قبل ما أسمع الآية وقت ما كنت معلقة على حلم شفت فيديو بحكي عن الأوهام فلأنه فيديو مو حلم قلت لا مش إشارة
 
 ولما شفت الآية بكتابي شفت حديث (إن الله تجاوز عن أمتي ما حدثت به أنفسها ما لم تعمل أو تتكلم) هاد دليل ولا لا؟
 وشكرا وآسفة على أسلوب لو كنت ما سلمت وبلشت فورا بالموضوع
 19/8/2024