|
| 
|
مش قادرة أقرر
السلام عليكم ورحمة الله وبركاته
أنا من حوالي ثلاث سنين ونص تعرفت على شاب عن طريق الانترنت يكبرني بعامين، وجمع بيننا الحب لا أعرف هل هو حب صادق أم مراهقة ولكنني استسلمت للتيار وأحببته، بس هو كان إنسان كويس قدر يغير فيا حاجات كتير وحشه: أولها أني كنت دايما بكلمه في الجنس، وكنت دايما ببقي عاوزة أوصل معاه في التليفون للجنس الشفهي حيث كنت مدمنة العادة السرية، ولكنه بطريقة ما قدر يغير فيا اهتمامي بالجنس ده وقدرت بفضل الله تعالى أني أبطل العادة السرية دي.
ما كنتش وقتها متأكدة من عذريتي عشان كده كنت بأحاول أبعد عنه وخلال أكتر من سنة ونص ببعد عنه مع أني بحبه أوي.
في الآخر قلت له أني أشك في عذريتي قال لي مش مهم وأنا رحت عند دكتور واطمأننت بنفسي وفضلنا مع بعض عادي
بعدها هو اتعرف على إخواني عن طريق النت برضه وجه عندنا البيت مع أنه يبعد عن مدينتنا بحوالي300 كم وفي مرة جه عندنا في دكان أخويا وأخويا أصر أنه يبات عندنا.
ماما كانت عندها فكرة عن الموضوع ولما عرفت إن هو ده قامت الدنيا ولم تقعد وقالت عليه كلام وحش أوي أنا مع ماما في أنها رفضت الشخص ده بس هيه لسه ما عرفتهوش وهيه قالت لي الجواب باين من عنوانه وأنا قبلها كنت حلمت بيه وهو في نفس الوضع ده كأنه كان بايت عندنا وقايم واخد هدومه وماشي وكل اللي في البيت بيقول أيه اللي جابه هنا ده
بعدها أخويا شاف إيميله بالصدفه في الماسنجر بتاعي قعد ما كلمنيش أكتر من شهرين وكنت كل يوم بنام معيطة عشان أخويا الكبير أنا بحبه أوي وما كنتش أتصور أنه يقدر يخاصمني كده أنا كنت بالنسبة له بمثابه الأم التانية
مش عارفه أقول أيه تاني بس أنا بعتت إيميل لأخويا لأنه كان بيرفض يكلمني تماما وقلت له واستسمحته ولسه من حوالي أسبوعين بس بدأ يكلمني بس ما رجعش زي الأول، أنا حمدت الله عز وجل أنه بدأ يكلمني تاني
مشكلتي هي أني في صراع قوي جدا جدا
أنا بخون ثقة أهلي فيا وماما طلبت مني أني أقطع علاقتي بيه وأنا قلت لها حاضر، بس مش قادره وكنت بكذب عليها كتير وأقول إني رايحة الكلية وأروح أقابله، أنا بجد ضميري بيعذبني أوي أوي.
دلوقتي هو راح الجيش وقدرت في بعده عني أتأقلم على الوضع وأحاول أنسى حبه وذلك بدافع أن اللي أنا بعمله ده حرام أنا نفسي ربنا يتوب عني.
أنا كلمت حبيبي قبل كده وقلت له أنا حاسة أننا مش ها نكون لبعض، وأنا تقريبا عندي الحاسة السادسة والله أعلم تقريبا كل حاجه بحسها أو بحلم بيها بتحصل، وهو قال لي ما تستلميش للإحساس ده بس أنا بجد مش قادرة ما فكرش في الموضوع ده.
أنا صليت استخاره كذا مره وكل مره أحس بعد الصلاة أنه مش ليا، أنا مش عارفه أيه دليل صلاه الاستخارة بس أنا نفسي أتحرر من الإحساس ده، أنا بتعذب كل مرة بكلمة أو بقابله.
دلوقتي أنا عاوزة أبعد عنه لأني متأكدة أن أهلي مش حيوافقو عليه، وهو كمان قدامه كتير أوي، على الأقل تلات أو أربع سنين عشان يكون جاهز ويقدر يجي يتقدم لي، وأنا دلوقتي عندي 21 سنه يعني على الأقل هاكون 25 سنة لما ييجي يتقدم.
أنا ممكن يجي لي فرصه أحسن خلال السنين دي، أنا خايفه أضيع على نفسي ناس كويسة عشان خاطر واحد أنا متأكدة أن أهلي مش ها يوافقوا عليه، ده غير أنه هل يضطر أنه يسكني بعيد عن أهلي وأنا البنت الوحيدة ومش أقدر أعيش بعيد عنهم.
فيه حاجه كمان أنا حاسة أني مش راضيه عنه كشكل يعني هو يا دوب طولي، وأنا نفسي في راجل أطول مني يا ريت ما تتريقش على أمنيتي
تقريبا ده كل الموضوع هو بيعاملني كويس بس حاسة أنه عاوز يسيطر على شخصيتي وعاوز يلغيها، وبيبرر ده بيقول إن إحنا الاثنين واحد، يعني بيطلب الباسورد بتاعت إيميلى، ومش عاوزني أخطو أي خطوة من غير ما آخد رأيه وفي أغلب الأحيان بيعترض.
أنا آسفة إني طولت عليكم بس بجد أنا محتاجة حد يقول لي أعمل إيه، أنا نفسي أبعد عنه بس بحس أني مش حلاقي حد يحبني زيه، ولما بأكون معاه ببقي عاوزة أبعد عنه عشان أنا نفسي في فرصه أحسن مع العلم أن ظروفه المادية أقل مننا
هل أنا مترددة ومش قادرة آخذ أي قرار؟ أم أنا ضعيفة الشخصية وبستسلم للإحساس ده باسم الحب؟
أنا آسفة للمرة الثانية أني طولت عليكم بس أنا تعبانه بجد لو فيه حل يا ريت تردوا عليا بسرعة...
أنا كنت ها روح لدكتور نفساني بس اللي منعني إني مش معايا فلوس تكفي، أنا آه الحمد لله معايا فلوس بس ما تغطيش تكاليف الدكتور النفساني.
الحمد لله أني لاقيت دكتور يسمع مشكلتي في موقعكم الكريم جزاكم الله كل خير.
"من فرج عن مسلم كربة من كرب الدنيا فرج الله عنه كربة من كرب يوم القيامة " حديث شريف
اللهم يجعلكم من مفرجي كروب المسلمين....
آمين
30/09/2005
رد المستشار
الأخت "كوكي":
آسف جدا للأخ أ.د. وائل عن تأخري في الرد على بعض الرسائل وكانت هذه الرسالة من ذلك النوع الذي يصعب علي الرد فيه لأن الأمانة تتطلب أن أكون على قدر كبير من المسئولية في التعليق أو الرد على أي شكوى.خصوصا إن كانت الرسالة لا تمس الطب النفسي ولكن تخص بعض التخصصات الأخرى كإخواننا الأخصائيين النفسيين أو الأخصائيين الاجتماعيين أو رجال الفقه والدين. ....... ففي طيات هذه الرسالة لا توجد مشكلة نفسية ولكن يتضح فيها مشاكل اجتماعية أسرية وأخلاقية دينية ثم هناك أزمة كبرى تفوح من سياق الرسالة وهي مشكلة الانترنت وتأثيرها السلبي على كيان مجتمعنا الذي نعده مجتمعا من المجتمعات المتدينة والمحافظة.
فالأخت كوكي تتواصل عن طريق الانترنت لتمارس الجنس التخيلي من خلال هذا التواصل ثم تقع في علاقة مع الشاب الذي لا تعرف عنه شيئا سوى أنه حاول أن يغير مجرى تفكيرها عن ممارسة العادة السرية والتي شكت أنها فقدت عذريتها بسببها فذهبت لتطمئن من الطبيب.
ثم يأتي الشاب ليدخل منزلها دون سابق معرفة ولا لهدف سوى أنه يعرفها عن طريق النت ويتعرف على أهلها فمنهم من يوافق على وجوده ومنهم من يعترض. ثم يبدأ الشاب في ممارسة حقوق ليست له عليها. ثم تتردد هي وتقف في حيرة الاختيار بينه وهو غير المناسب لها من ناحية الشكل والإمكانيات وبين فرصة الحصول على عريس آخر يناسبها. ثم تصلى صلاة استخارة وترى في نفسها أنها تمتلك الحاسة السادسة لدرجة أن أخوها شاف الإيميل بتاعها وبدلا أن يقف بجوارها خاصمها لمدة شهرين.
ابنتي العزيزة:
أنت محتاجة لوقفة متأنية مع نفسك ومراجعة نفسك مرات ومرات. قد نجد لنفسنا الأعذار لسلوكياتنا ولكن إذا أعطينا أنفسنا الوقت اللازم لتحجيمها والسيطرة على غرائزها وتوجيهها الوجهة الصحيحة بأن نقوم بأنشطة مختلفة كالرياضة، القراءة، التعلم عن طريق النت، حضور الدروس الدينية، مساعدة الأم في شئون المنزل ... وعليك بالصوم والصلاة واصبري عليها.
وكنت أتمنى من أخيك وقد علم بالمشكلة أن يناقشك فيها بهدوء فتقنعيه أو يقنعك بالعدول عن ذلك. وأما بالنسبة للارتباط بشخص من أجل الزواج فهذا أمر آخر فيجب على الشخص الذي تودين الارتباط به أن يكون ذا دين وخلق ثم يجب أن يتوافق معك نفسيا وعاطفيا واجتماعيا وجسديا ثم بعد ذلك يأتي التوفيق من الله.
لقد تحدثت إليك الآن كوالد على قدر المستطاع وقدر الخوف الذي أحمله بين طيات نفسي من أجل الآخرين والآن أحدثك عن دوري كطبيب نفسي فالطب النفسي هو طب يختص باكتشاف ومعالجة الآفات السلوكية التي تتظاهر بأعراض على المستوى المعرفي أو الوجداني أو الحركي تؤدى بصاحبها إلى ألم في النفس وضرر للآخرين أو تأثيرات سلبية لدرجة الإعاقة على المستويات الاجتماعية والأكاديمية والعمل.
وأسبابه متعددة منها ما هو بيولوجي ومنها ما هو نفسي ومنها ما هو اجتماعي. كما أن أنواع العلاج متعددة منها ما هو دوائي ومنها ما هو كهربي ومنها ما هو نفسي ومنها ما هو تأهيلي. فلا داعي بداية للذهاب لطبيب نفسي إلا إذا كنت تعانين من مشكلة نفسية أدت إلى توقفك على أي من المستوليات السالفة الذكر (الاجتماعي أو الأكاديمي (الدراسي) أو العمل) .....، واقرئي من على مجانين:
أنا والجنس والنت: وتشوشٌ أقدم !
عاشقة الأكشن : شراب الجنس وسرابه مشاركة3
عبء الاختيار في الزواج
حيرة كل فتاة عند اختيار شريك الحياة
فن اختيار شريك الحياة (5)
والله ولى التوفيق.
ويتبع >>>>>>>>>>>>>>>: كوكي وأين الأسرة؟؟؟ م
تعليقات الأعضاء