|
| 
|
نفسي أعيّط مش عارفة!
أولا من فضلا احذف اللي بين الأقواس
عارف يا دكتور لمّا تبقى عايز تبكي ومش عارف وحاسس إنك لوحدك أوي أوي أوي؟؟ عارف أمّا تبقى عاوز تترمي في حضن أمك وأبوك ومش لاقيهم؟؟
بتمنى ما تبقاش عارف عشان دي مؤلمة أوي خصوصا فسن صغيّر كده ... أبويا وأمي ماتوا في حادثة مشهورة طلعت فالجرانين، بس اللي ما حدش يعرفه إن دي كانت حادثة مدبرة عارف من مين؟؟ من البوي فرند بتاع أمي أصلها كت ماشية على حل شعرها دايما ..ها ها تخيّل؟؟!
عشان كانت على علاقة بيه وفركشت فعمل كدا فيهم وبعد ما ماتوا جا قال لي أنه عمل كده ووراني صور ليهم مع بعض "أوي" وإني ممكن كمان أكون بنته!! يعني كان في بينهم علاقة في السرير......
طبعا أنا الكلام دا ما قولتوش لحد -أنا عايشة مع جدتي - مامة مامتي الطاهرة، حتى جدتي قرفانة منها وهي اللي ربّت بنتها كده ما شاء الله يعني ..أنا فيه واحد كان عاوز يتقدم لي وجا البيت وطردته برة بعد ما وافقت مش عرفا عملت كدا ليه بس حسيت بعدها براحة وبعد كدا جاء لي عريس تاني من طرف جدتي الكريمة وطلعت من غرفتي وقابلته..هاها.. طلع صاحب أمي القديم وجدتي ما كنتش تعرفه طبعا المهم دخلت وسابتنا مع بعض شوية نتعرّف وقال لي "لو مش حا ينفع تبقي بنتي تبقي مراتي لحسن إنت مزّة زي أمك" !!!!!!!
آسفة فالكلمة دي بس كان لازم أقول استفزني أد إيه المهم رحت ضاحكة بصوت عالي لدرجة إن جدتي طلعت تشوف في إيه ورحت (ضرباه في مكان ...... بركبتي جامد) المهم وقع طبعا وجدتي صوّتت وأنا برده بضحك ولاقيت جدتي الملاك بتتصل بالإسعاف اتنرفزت عليها وقلت لها كل حاجة لاقيتها بتشتمني وتقول لي إزاي تقولي كده على أمك وطردتني .
أنا دلوقتي بتكلم من بيت واحدة صحبتي أهلها مسافرين مفهماها إني اتخانئت معاها عادي..
وإدتني سيجارة من بتوعنا (أصلي بقيت أحشش)
قول لي بقي يا دكتور أعمل إيه في حياتي الحلوة ؟؟؟؟
تحب تبدل شوية؟؟
2/2/2006
رد المستشار
لأ يا بنتي متشكر جدا، ربنا يعافيك،
حضرتك تكتبين لنا وأنت تحت تأثير الحشيش غالبا، شكرا إذن على هذه الخبرة الجديدة، فبعدما اعتدنا الرد على الموسوسين والمكتئبين والقلقى والشاعرين بالذنب أو الخوف ها نحن نرد على "المحششين"!!
أتصدقين يا ابنتي بالله العظيم أنا أصدقك فيما تقولين بقلبي لكنني عاجزٌ عن ذلك بالعقل، ولذلك عدة أسباب علني سأذكر بعضها هنا.
في بداية الاستشارة قلت : (أولا من فضلا احذف اللي بين الأقواس)، وحتى انتهت الاستشارة لم تضعي بين قوسين غير عبارتين أنت فيهما تبوحين بما يسيء إليك مباشرة وليس عبر أحد، ولكنهما في ذات الوقت مهمتان لإظهار خلفيات الاستشارة، ولذلك لم نخفي غير كلمة واحدة وضعنا مكانها بعض النقط ... (.....اطمئني لن أقولها)، وإن كنت أخاف أن تكوني أصلا قد بحتِ بأكثر مما كنت تودين البوح به، وربما كان ذلك بسببِ سيجارة سابقة على السيجارة الأخيرة؟
يعني هل نأخذ كلامك باعتباره كلاما كتبته وأنت تحت تأثير الحشيش؟ يعني مش كفايه مجانين، كمان "محششين"؟
يعني أقولك رد المهدي على صاحب مشكلة لا يسلمُ الشرفُ الرفيع من ال..
من فضلك تخلصي من أثر الحشيش ثم اكتبي كل شيء لمجانين، وتأكدي يا بنيتي أنك إذا نويت خيرا ستجدين ربك يسخرُ من يعين،
هداك الله وتابعينا من غير حشيش.
ويتبع >>>>>>>>>: مش كفاية مجانين لا شاربين حشيش! م
تعليقات الأعضاء