|
| 
|
دي باقية مشكلتي
أنا بعت لكم مشكلتي قبل كده كوكي وأين الأسرة، بس أنا الحمد لله تخلصت منها تماما وسبت الشخص اللي كنت بحبه بلا ألم ولا دموع مش عارفه أزاي مشاعري تجمدت وقدرت أسيبه كده الله أعلم إني كنت محتاجة له وبحبه وياما بكيت عشان مش يبعد عني بس اللي أدركته في النهاية إني ما كنتش بحبه بس كنت بحب الحب اللي بيديهولي وكنت محتاجا له فعلا للحب مش للشخص، دلوقتي أنا الحمد لله علاقتي بقيت كويسة مع كل الأسرة ومع أخويا الكبير هو نسي الموضوع وقولت لأمي إني مش هأكلمه تاني وقررت إني أقفل قلبي وأفتحه لأول واحد أشوفه مناسب يقدرني ويجي لحد البيت.
أنا مش مشكلة إذا كان زواج صالونات أو غيره بس فترة الخطوبة تكون كافية إننا نتعرف على بعض، مش هاطول عليكم، كل اللي أنا خايفة منه دلوقتي خايفة إن إحساسي بأي راجل يكون زي إحساسي بأول واحد مجرد احتياج للحب وبس، ياريت تفيدوني، أنا خايفة أوي من الإحساس ده وخايفة ماعرفش أحب تاني أو من كتر خوفي مش أصدق نفسي، خايفة لما ألاقي الشخص المناسب يضيع مني بسبب وهم جوايا هو إني مش بحب عشان الشخص إنما عشان الحب، أنا متلخبطة ومش عارفة أعبر صح عن اللي جوايا بس ياريت تكون فهمتني.
وشكرا جزيلا ليكم.
26/05/2006
رد المستشار
الأخت العزيزة "كوكي"؛
إن ما فعلته هو عين الصواب، أن تخليت عن الحب الذي لا تدعمه الدعامات الاجتماعية والذي لا ترضى عنه الأعراف والنواميس الاجتماعية متمثلة في رضا الأسرة والمجتمع عمن تحبين أو تتزوجين.
أما عن الخوف الذي تشعرين فهو أمر متوقع بعد أن يفقد الإنسان شيئا كان هو كل حياته، وكان قد رسم شكل الحياة ولونها في وجود هذا الشيء أقصد الحب، لذا فالوساوس التي تخيفك من أنك لن تعوضي هذا الحب كانت متوقعة وعليك أن تطمئني نفسك أن الأمر كله لله في أن تصادفي حبا أو يكون ذلك الحب من نصيبك فتتزوجينه. أما أنت فعليك أن تشكلي حياتك من جديد في وجود أشخاص كثيرين كالأصدقاء والزملاء وأفراد أسرتك الذين صفت أنفسهم لنفسك من جديد....ودعي الأمر كله لله فهو الذي بيده مصائر القلوب العاشقة، وان أفضل العشق هو العشق الإلهي وعشق رسول الله (ص).
أما الحب الذي كان فاحتسبيه في عداد الذكريات وتذكريه وخذي منه عبرة وعظة لما هو آت من أيامك بحيث لا تندفعي وراء قلبك ثانية وبحيث تحكمين العقل والمنطق في ذلك الشخص الذي تهدينه فؤادك...
مع تمنياتي بالسعادة.
تعليقات الأعضاء