|
| 
|
محتاج لرد بأقصى سرعة
السلام عليكم أرجوكم أنا يهمني التفسير أكتر من العلاج إيه اللي كان بيحصلي أنا في شهر1 اللي فات كنت سعيد وراضي في يوم وليلة صحيت في الفجر عاوز أموت لأن الدنيا دي كدبه شفت الموت بعيني ألم وصداع بس كل ده ميجيش حاجة جنب الأهوال اللي شفتها وهي اختلاط الحلم بالواقع والكفر.
كنت لا أستطيع أن أرى السماء الموت أهون إني أرى السماء كمان شيء غريب حصل لي إن كان جسمي غريب علي يعني إيه أنا وكمان معرفتش البشر كأنهم كائنات غريبة وحسيت لفترة إني وهم ومش موجود أنا فكرت في الموت وكان ده أملي وقتها كشفت والدكتور قالي وسواس قهري بس ما قتنعتش كشفت ثاني قالي اكتئاب وأخذت العلاج وخفيت تدريجيا بس أنا لسه مش طبيعي مش بفرح وحاسس إني محبوس جوه جسمي وعاوز أخرج منه أرجوكم فهموني أنا إيه حصلي وعلى فكرة جاءت لي أفكار غريبة وقتها.
مين اللي خلق ربنا وإحنا ليه والناس ليه وكان في نظري إن ده شيء تافه ملوش لزوم أنا إيه حصلي بس على فكرة أنا عندي أسباب اللي حصلي أولا حياتي انتهت في تانية سنوي بموت أغلى وأحلى حاجة عندي وهي بابا بس ده يظهر دلوقت كمان أنا عندي كبت جنسى لأني خجول جدا وبكتم شهوتي في نفسي.
أرجوكم ردوا عليا هل أنا عقلي سليم بس على فكرة وأنا في اشد حالات تعبى كنت بختبر عقلى كان سليم تماما وانا على فكرة حصلي فقدان مشاعر بعاني منه لدلوقتي أعمل إيه وفقدت الزمان والمكان وقتها يمكن عقلي تعب من الدراسة أنا بدرس اتصالات ولا ده ملوش علاقة هي الناس قالتلي الدراسة بس اشمعنا أنا أرجوكم أنا سليم ولا لا وأعمل إيه في فقدان المشاعر دي هموت ويعني إيه جسمي غريب عني على فكرة وأنا صغير في تانية إعدادي حصلي إني أيام الامتحانات خوفت أوي من إيديا وكنت مش بحب أشوفها وبخاف من نفسي إيه دهههههههههههههههههه أرجوكم ردوا أنا عاوز تفسير أرجوكم مش عارف أعيش.
06/07/2007
رد المستشار
عزيزي "محمد محمد محمد"؛
أهلا بك صارخا بقوة وبعزم دائما على مجانين، تريد بحق إجابة على سؤالك أم أنه استمرار للصراخ ورغبة في الهروب من مواجهة المشكلة؟
ما معنى أنك سليم أو مريض وأنت في قمة معاناتك النفسية، هل تقصد هل أنت مريض نفسي أم عقلي؟ أم تفصد نوع الاضطراب الذي تعانيه؟ أم تريد أن تنتهي من معاناتك؟
أطمئنك عقلك سليم وقادر على الدراسة والعمل ولكن بعد أن تعالج أفكارك المتطفلة التي أفقدتك ثقتك في نفسك وفي الثوابت وأدخلتك في الاكتئاب. وعن علاقة اضطرابك بوفاة والدك فالعلاقة لا تزيد على أنه أدى إلى ظهور المشكلة فقط التي كانت ستظهر مع أي ضغوط أخرى.
عزيزي لديك اضطراب الوسواس القهري مع الاكتئاب الثانوي وستجد على الموقع العديد من الردود على هذه المشكلة فاقرأها وستجد أفكارك ومخاوفك فيها، وطرق التحكم في هذه الأفكار
وفي النهاية أنصح طبيبك بإضافة جرعة صغيرة من مضادات الذهان إلى علاجك الحالي مع العلاج النفسي، وفقك الله.
* ويضيف الدكتور وائل أبو هندي الابن العزيز أهلا وسهلا بك على موقعكم مجانين وشكرا على ثقتك، ليست لدي إضافة بعد ما تفضل به أخي الدكتور علي غير الإشارة إلى رد سؤال ربما أغفله مجيبك في غمرة انفعاله بصرخاتك المتلاحقة وهو ما حدث لك بداية ومثل لحظة البدء فهو ما يشبه نوبة الهلع Panic Like Attack أو قد يكون نوبة هلع Panic Attack كاملة، وكثيرا ما يكون حدوث مثل هذه النوبة افتتاحا لعديد من الاضطرابات النفسية العصابية، وكما تبين حالتك فقد مررت بعدها بعدد من أعراض خلطة القلق والاكتئاب كاختلال الإنية وغيرها ثم تبلورت بالتدريج لتأخذ شكل الوسواس القهري والاكتئاب كما وضح لك مجيبك.
تعليقات الأعضاء