|
| 
|
فضفضة
السلام عليكم، دكتورة حنان متشكرة لمساعدتك؛ اسمحي لي أفضفض معاكى شوية يمكن ألاقي معاكى حل. قلت إنك مش قادرة تساعديني لأنك مش عارفة طبيعة المشكلة. يمكن مش حتصدقينى إني حاولت أكتبها لك أكتر من مرة وكل مرة أنسحب قبل الإرسال، لكن المرة دي عندي أمل أنها توصلك يمكن ارتاح.
الأيام دي حتجنن وألاقي صاحبتي اللي حكيت ليك عنها، ذكرياتي معها أجمل ذكريات حياتي يمكن لأنها أطهر ذكريات .كلها طاعة .في الأيام دي كانت بتشتغل زي النحلة عشان تجمع شنطة تحط فيها الأكل الأساسي لرمضان وتوزعه على الغلابة. وتنظم للجروب كله زيارات للملاجئ والمستشفيات.
حياة حلوة حرمت نفسي منها حاولت أعمل كده مع نفسي لكن ما عرفتش. هي كانت عندها القدرة على تنظيم الحاجات دي جمع أكبر عدد من الجروب وتجمع تبرعات مالية للمحتاجين بجد كانت مدرسة والأجمل أنها كانت بتوزع علينا الأدوار وتحسس كل واحدة فينا إنها هي صاحبة الفضل، مش قلت لك نادرة الوجود ويمكن عشان كده حتجنن عليها، نرجع لأساس المشكلة.
كنت دايما بتكلم عليها أحيانا بشكر في الغالب شكر لكن أحيان بسيطة بحس أني متغاظة منها لكن والله كنت بحبها، المهم واحد من أصحابي راهني عليها عارفة إن كده غباء ومش مسامحة نفسي على اللي عملته لكن حكيلك كل حاجة بس عشان ألاقي حل والله ما كان قصدي وحش. قلت لنفسي وماله شوية فن. ما فيش مشاكل وكنت متأكدة أنها حتوقفه عند حده، الرهان كان إنه يوقعها في حبه. وأنا قلت له أنها مستحيل تحبه ما فيش ملائكة تحب شياطين لكن راهني. وهو كسب الرهان، وده ماليش دخل بيه. هيه اللي حبته. والله حاولت أبعدها عنه 100 مرة لكن هيه اللي كانت متمسكة بيه.
صاحبي ده (((صايع كبير وبتاع بنات وشايف نفسه))) آسفة عالألفاظ دي بس ده وصفه والكل عارف عنه كده، ولد شكله حلو عاش في أوروبا فترة. اتجوز بنت غنية جدا من غير حب بس فلوس. بيحاول يكون رجل أعمال كبير وأكيد حينجح.له غراميات بعدد شعر رأسه. وعلاقات كثيرة جدا حرام_(زنا يعنى) أكبر من صاحبتي ب10 سنين، دي فكرة مختصرة عنه. آه نسيت مالوش كبير .مامته وباباه منفصلين من وهو بيبي، سألني عن مدخل لصاحبتي قلته الالتزام يا أخ بتريقة قال اربي ذقني من الصبح، وأخذت الموضوع كله هزار في هزار.
صاحبتي كانت بتمر بمشكلة في الوقت اللي نويت أعرفها بيه ما عرفتش أقدمه ليها، اديها الميل بتاعي تستخدمه وخليته يتعرف عليها وكأنها صدفة وكأني مش عارفة حاجة خالص، تعرفت عليه فعلا كلمته مرة أو مرتين. لكن رفضت تكلمه تاني قالت لي حاجة غريبة,الشخص ده أنا حساه استغربت من كلامها رفضت تكلمه تاني، إديته تليفونها وعلمته الحاجات اللى ممكن تشد انتباهها وهو كان ذكي كفاية وعرف مداخلها كويس، فهمها أنه تايب ومحتاج حد يساعده وحاجات كتير.
الشيء اللي فزعني أنها حبته بجنون، كان بيحكى لها عن صلاته وصيامه ويخليها تعلمه حاجات في الدين، والأغرب مكالماته لها.... كلام محترم جدا لدرجة أني ماكنتش مصدقة كلامه معاها وكأنه شخص جديد.
سألته إيه الموضوع قال (الرهان أنا مافيش حد يهزمني) نسيت أقولك انه مدخن وكان بيقول لها أنه عشانها حيبطل.. المهم صعبت عليه وحبيت افهمها إن دي مش حقيقته رفضت كلامي. وهو أنكر معرفته بيه وده اللي خوفني عليها منه. أنا عارفاه كويس ده شخص أناني ما بيحبش إلا نفسه. وقع بيني وبينها كتير جدا وهى دايما ماتكدبهوش.
قالها انه طلق مراته في حين انه كان جوازه مستمر مش ممكن يطلقها دي غنية جدا حتى لوما بيحبهاش مش ممكن يطلقها، كنت منهارة من جوايا على رد فعلها ازاي ملتزمة وتحب أحد كده ازاي مش قادرة أفهم.دي رفضت أخويا عشان ما بيصليش بالرغم أنه بيموت فيها ورافض لحد دلوقتى يتجوز غيرها، ازاي تحب ده ازاي، في عجالة وقفت له وهددته أني حبلغ مراتها إن ما بطلشى لعب وبعد عن صاحبتي.
آخر حاجة قالها لي (أنا كسبت الرهان على أي حال)، في الوقت نفسه صاحبتي انهارت وهو عايش حياته وكأن شيء لم يكن، المصيبة إن صاحبتي لسه بتحبه ومكذباني..... والمصيبة الأكبر أنها حتتجوز راجل قد أبوها.
25/8/2007
رد المستشار
السلام عليكم ورحمة الله وبركاته؛
من البداية هناك إشارات في حديثك يصنفك ضمن الشخصيات البينية لكني قررت تجاهلها ولكن التجاهل لم يعد ممكنا, أنت بحاجة لمساعدة متخصصة إن أردت فعلا الوصول للراحة والسعادة في حياتك فالأمر تجاوز أمر صديقتك لخلل واضح في شخصيتك.
يتميز نمط الشخصية هذا بأنه مدلل ومستسلم لرغباته ولا شيء سوى نفسه ورغباتها يحوز على انتباهه أو اهتمامه وأنت عندما قررت انتزاع معجب أختك فعلت دون تردد ولكن لا يبدو أنك سعيدة بهذا الانتصار بعد تحقيقه.
عندما أعجبك نموذج المتدينة قررت تقليده ظاهريا دون رغبة حقيقية في التغيير فالتوبة متاحة للجميع وفي أي وقت ولكنها لم تكن توبة من جانبك بل مجرد أمر آخر تريدين الحصول عليه هيبة التدين.
بريئة أنت طبعا من معاناة صديقتك فأنت فقط أعطيت مفاتيح شخصيتها لمن راهن على التسلية بها وأنت أقررت أن شيء من الفن لن يضرك فلم لا وتشجيعا منك لرغبتك في التسلية سهلت له التواصل معها عبر الايميل ثم زودته برقم هاتفها فعلا أنت غير مسئولة البتة عن معاناتها فهي من أحبته وبالتالي مسئولة عن معاناتها ولكن الحقيقة أن قولك هذا دليل إضافي على اضطراب شخصيتك.
صديقتك ستكون مأجورة إن شاء الله بمعاناتها لأنها كالطبيب الذي يلتقط أحيانا إن لم يكن حذرا فيروسات مرضاه ولكن لأنه واعي يستطيع عادة معالجة نفسه ولذا فاختيارها الزواج من شخص يكبرها سنا ليس رد فعل عشوائي بل محاولة منها لجبر ثقتها بذاتها التي هزها عبثك وصديقك فدعيها وشأنها, ولا تبالغي في الحزن عليها لأن جميع أمر المؤمن خير فمعاناتها ستزيد من توجهها لله وتزيد خشوعها في عبادتها وانتبهي لمعالجة نفسك حيث أنك تكبين فقدانك وأنت من لا تستطيع تحمل أي درجة من الإحباط.
انتبهي لنفسك وحاولي أن تساعديها اطلبي المساعدة النفسية التي تستطيع أن تعلمك فضيلة الالتزام بالقيم الخلقية وهو سؤال حاضر دائما لطلابي بأن حسن الخلق والقدرة على تبني القيم الأخلاقية وحب الناس جوانب ودلائل للصحة النفسية ومن الواضح أنك تفتقدينها وهي السبب الحقيقي في معاناتك فإن أردت الشعور بالراحة فلن يكون في غفران داعيتك ولا في الفضفضة بل في مساعدة نفسك, قد تكوني بنفسك ضحية لظروف نشأتك وقيم بيئتك ولكنك الآن ناضجة وعاقلة قادرة على الاختيار وعندما تنجحين في تحجيم أنانيتك ستزدادين سعادة وهناء فللعطاء لذة يسبقها صدق توجه النوايا لله فاعملي من الآن لتحقيق مصلحتك بحق ولا تقبلي لنفسك لذات عابرة مقابل ضياع ونبذ أكيد الذي هو مصير مثل هذه الشخصيات.
ويتبع>>>>>>>>>>>>>>>>>>> ليس زمن الملائكة مشاركة على م
تعليقات الأعضاء