|
| 
|
حكايتي
صدقوني لو قلت لكم على اللي حصل بس والله دي حكايتي؛ أنا من سنتين أقمت علاقة مع واحدة وكنت ساعتها الدنيا وحشة جدا معايا وكنت ساخط جدا على الدنيا ومكنتش ملتزم أو بصلي أو حتى بقرأ قرأن وكنت عايش حياتي عادي جدا لغاية من سنة فاتت بدأت أني ألتزم وأني أصلي والحمد لله بقيت أقدر أقول إني بدأت أكون بني آدم في الدنيا وبدأت أحس إن الدنيا جميلة جدا معايا
بس في نفس الوقت بدأت أحس أني تعبان وأني مش قادر من ساعة ما بدأت أني ألتزم في صلاتي والحمد لله أنا لغاية ساعة كتابة الكلام ده وأنا ملتزم بصلاتي وبشريعة الإسلام في حياتي بس أنا بدأت هواجس المرض تدخل جسمي
الأول أنا فكرت أني أصبت بسرطان وأني بموت وبعد كده بدأت أفكر أني أصبت بمرض الإيدز عشان اللي نمت معاها من سنة ونصف، وبعد كده بدأت إني أدور على أعراض الأمراض كلها وألقى أنها تنطبق عليّ يوم ويوم تاني لا وأي أعراض أقرأها ومش عندي أنا وأصحى ألاقيها في جسمي لغاية ما تعبت ورحت حللت جميع أنواع التحليلات بما فيها تحليل الإيدز اللي عملته 3 مرات والنتيجة كانت سليمة الحمد لله بس مع كل التحليلات اللي عملتها وأنا حاسس إني فيّ حاجة بتاكل جسمي من جوه وأن الدكاترة كلها بتضحك علي عشان معرفش أني تعبان.
أنا الحمد لله ملتزم ومش ناوي أني أسيب الصلاة حتى لو مت أنا مش خايف بس المشكلة أني مش مستعد إني أقابل ربنا وده أكبر حاجة مخوفاني وآخر دكتور قال لي إن أنا عندي وسواس قهري من المرض.
أنا وصلت لدرجة أن كل ما أروح لدكاترة عشان أكشف يضحكوا عليّ وحتى الدكتور النفسي معرفش أنه يعالجني وأنا يوم ورا التاني حالتي تسوء أكتر من الأول لغاية ما تقدروا تقولوا أني قربت إني أتجننن ومش لاقي أي حد يقف جنبي ومش عارف أعيش زى ما كنت الأول.
أنا عارف إن ممكن ناس كتير مش تهتم باللي أنا كاتبة بس والله أنا عارف إن في ناس هتهتم وتحاول أنها تساعدني أنا حياتي بتتدمر ومش عارف أنا هفضل صامد لغاية إمتى؟ ومش عارف لما تنهار مقاومتي أنا هعمل إيه؟؟
ياريت على الأقل ألقى حد يكون عاش نفس المشكلة وأنه يحاول إنه يساعدني أخرج من اللي أنا فيه
محمود حسن.
19/2/2008
رد المستشار
السلام عليك يا أستاذ "محمود"؛
أجيبك مبدئيا، أن التوبة لا تؤدي للجنون ولا حاجة، الحكاية كلها أن الأعراض التي تشتكي منها كما ذكرت يمكن لي أن أجملها في تشخيص واحد وهو ما يسمى لدينا في الطب النفسي (توهم المرض) وإذا كانت هذه الأعراض تعيق عملك اليومي سواء العمل الوظيفي أو الاجتماعي فيمكن أن تكون من أعراض مرض (الوسواس القهري)، ويمكن لك أن تستزيد أكثر عند دخولك على الروابط:...................
عشرون عاما مع وسواس المرض
هل هو وسواس؟
وسواس مرض
مشاركة في وسواس المرض
وسواس المرض: أشكال وأصناف
إذن، اعتقد أن تشخيص طبيبك النفساني لك صحيح، فداوم معه على ما نصحك به من علاج، وتوكل على الله وخذ بأسباب التداوي ففي الحديث الشريف (ما خلق الله داء إلا خلق له دواء).
تعليقات الأعضاء