مص الإبهام بين المتعة والسخرية مشاركة

 مص الإبهام بين المتعة والسخرية
 لست وحدك على هذا الكوكب
 
 أنا كنت أعاني من هذه المشكلة حتى سن 20 تصوري... وحياتي تقريبا مشابهة لحياتك بشكل كبير يعني عندي دائرة أصحاب كتير ومحبوبة جدا منهم ومميزة كنت في المدرسة وكان كل حد يقابلني يقول عليه عبقرية، الحمد لله كل الصفات دي لم تعد موجودة إلى جانب أني بطلت مص صباعي من سنتين، السؤال المنطقي هو إزاي حصل...
 
 في الأول طبعا أهلي حاولوا معظم الطرق التقليدية.. بس أنا لحد قريب كنت بلوم عليهم أنهم مفروض كانوا يهتموا اكتر بالموضوع، بعدين لما بقيت تقريبا في سنك كنت بسأل نفسي هو جوزي حيصحى الصبح يشيلي صباعي من فمي؟؟ وبعدين ولادي حقلهم إيه؟؟
 
 فأكيد أصبح الموضوع مسألة كرامة وكبرياء وحاجات من اللي كنت بتأثر فيه ده، فعملت لنفسي إصبع من الشاش والبلستر بحطه قبل ما أنام... بس أي حاجة تضايقني كنت لازم أروح أمص صباعي بكامل إرادتي.
 
 المهم كان المرحلة الأخيرة أن أسناني كانت مشوهة برغم أن طول عمري أنا عارفة أن أسناني مشوهة لكن مرة شفت واحدة بضب يومها قدرت أد إيه أنا مشوهة.. وثاني يوم دورت على نمرة دكتور السنان علشان أعمل التقويم اللي كنت مأجلاه من أكتر من عشر سنين، ولما حطيت السلك بقى يضايقني وبكده بطلت مص صباعي.
  
 أنا حكيت لك هذا السر الخطير والذي يعتبر الجانب الذي لا يعرفه أحد تقريبا علشان أقول لك أنك من لوحدك وممكن ناس تقلك أنها نوع من أنواع الردة للطفولة وناس حتقلك أنه مشكلة في دماغك سبيك من كل ده هيه عادة كريهة وأنت لازم تبطليها... زي ما الدكتور قال بالتنفير لازم تحسي أنك بتعملي حاجة إنت مش عايزاها.
  19/3/2008