|
| 
|
مشاكل الخطوبة والحموات
أنا كنت مخطوبة وحصل مشاكل عروسة أخو خطيبي كانت كل حاجة بتحصل بينها وبين عريسها وأهله معاها بتحكي لواحدة صاحبتها فزعلت مع صاحبتها وصاحبتها اتصلت بعريسها وأهل عريسها وقالت على الكلام اللي كان بيحصل كله معاها وجابوا سيرتي في الموضوع وقالوا أني بتكلم على أهل عريسي وسبته بس هو عايز يرجع بس أهله مش راضيين ومامته بالذات أعمل إيه؟؟؟
أنا بحبه أوي وتعبانة ومش عارفة أذاكر الموضوع شاغلني مش هقدر أعيش من غيره أصل أنا كنت بكلم صاحبتها بس عشان هي تليفونها استقبال كنت بتصلها بيها أقولها كلميها اللي هي اسمها سمر عروسة أخو عريسي وتكلمها وسمر دي اللي هية عروسة أخو عريسي وأنا كنت بحكي مع سمر عادي بنية صافية ما كنتش أتوقع أنها تتكلم علي اللي هي عروسة أخو عريسي أعمل إيه؟؟؟
نفسيتي تعبانة أوي مامته مش راضية وأهله سابوا سمر وأنا كمان بس أنا عايزاه أعمل إيه؟؟
أرجو الرد بسرعة تعبانة وحاسة أني هسقط 24ساعة بفكر فيه هو مش في بورسعيد في دبي بيشتغل هناك أعمل إيه؟؟
نفسي أكلم أهله بس محروجة ومامته عمالة تجيب له في عروسة وهو مش راضي قلت له يقولها إنه عايزني لو عايزني بيقولي صعب، وعايز يكلمني كده وبس ولما يرجع عايز يعيش معايا وخلاص كده بيقولي أنا معشتش معاكي زي أي واحد كان خاطب واحدة هو كان معايا أسبوع بس قبل الخطوبة شافني مرة وبعد كده قعدت معاه أسبوع وخطبني وأهله مش كانوا راضين بي لأني كنت بكلم واحد قبله والناس كلها قالت له لا بس هو تحدى الناس وأهله وأخذني وبرضه كنت معاه أسبوع بعد الخطوبة وسافر وحصل اللي حصل واتفصلنا ومامته ما صدقت مسكت غلطة علي، وأخوه برضة مش بيحبني مش بيطيقني اللي هو عروسته سمرهما اللي معرضين بس رغم أنه صغير عنده 18سنة ممكن الحل بسرعة.
27/5/2008
رد المستشار
السلام عليكم ورحمة الله وبركاته...
عزيزتي مرمر (إيه كل ده يا بنتي) ما كل هذه (اللخبطة) الذهنية... كان الله في عونك يا حبيبتي!! هل ما أنت فيه هو نتيجة لوقوعك في براثن القلق من الامتحان مثل كل أقرانك؟ أو ما أطلق عليه "متلازمة الثانوية العامة" أم المشكلة أعمق من هذا كأن تكوني في حالة من الفراغ أو عدم الاتزان العاطفي دفعتك إلي تلك العلاقة الغريبة التي تناولتها في مشكلتك؟
إن حالتك هي ما يوصف في علم النفس بـ "تجمد الأفكار" أو "thought block" أو الحصار الذهني كما أحب تسميته فأنت عاجزة عن التفكير السليم لحل مشاكل المذاكرة تماما كالجندي الذي يصاب بالتخشب في ساحة المعركة ولا يقدر على التفكير أو الحركة لحل مشكلته فلا هو قادر على القيام بواجبه من القتال ولا هو قادر على الفرار والنجاة بنفسه وهذا يحدق للإنسان عندما يواجه ضغطا عصبيا يفوق احتماله يجعله غير قادر على الاستجابة المناسبة وتزدحم رأسه بالأفكار الخاطئة أو غير المفيدة تماما كما يحدث معك فهل بالله عليك التفكير في هذا الشخص 24 ساعة سوف يحل المشكلة، بل إن الأنكت من هذا إلقاؤك بنفسك قربانا لتلك المشاعر الكاذبة!!!!!! يا حبيبتي أستطيع أن أؤكد لك خطأ تلك المشاعر وأنا لن أعظك كالكبار ولن أخبرك أن الارتباط الآن هو خطأ شنيع ولا حاجة لا سمح الله ولكن هل هان عليك مستقبلك لتضحي به هكذا دون مقابل ومن هذا الشخص الذي يستحق ذلك!!!!!!!!!!
إن من تظنين نفسك تحبينه بشغف غير موجود الآن ببساطة لا بجسده فهو مسافر ولا بقلبه فهو لا يحبك ولا بعقله فهو لا يحترمك ولديك مشكلة مع أهله ويجب أن تواجهي تلك الحقيقة ولا تتركي مستقبلك ينادي عليك أكثر من هذا.
اطوِ تلك الصفحة المؤلمة واخرجي منها أكثر نضجا ولا تستسلمي لتلك الأفكار الهدامة أو تلك المشاعر الكاذبة التي تفرض نفسها على ذهنك دون استئذان وبدلا من أن تواجهي مشكلة الامتحان جعلتك تلك المشاعر تغرقين في الوساوس!!!!!!!!!!!!!!!!!!!!!!!!!
حاولي كلما هاجمتك تلك المشاعر أن ترددي عبارة سرية بينك وبين نفسك تبعدها عن ذهنك "مش وقته دي الوقتي" مثلا أو "سأترك هذه اللخبطة لما بعد الامتحان" وتوكلي على الله وابدئي المذاكرة واجعلي لكل مقام مقال ومن فضلك الجئي لأحد أفراد الأسرة لمساندتك فإن لم يتوفر فبسرعة الجئي للطبيب النفسي و"ربنا معك".
واقرأ أيضًا:
في ثانوية عامة كيف أذاكر؟
متلازمة الإنهاك أو الاحتراق : الثانوية وسنينها !
رعب الثانوية : خطوات عملية م
قلق واكتئاب وقيء مستمر : وثانوية عامة !
الثانوية العامة: عنق الزجاجة
كابوس اسمه ثانوية عامة
تعليقات الأعضاء