|
| 
|
تبحثين عن الحب أم الزواج مشاركة 2
هسأل سؤال لصاحب أو صاحبة المشكلة:
ليه دايما بنعتبر الحب في حياتنا هو حب لشخص أخر سيتم الارتباط به وإن لم يتم يبقى انتهت الحياة.
يا ترى حياتنا فيها شخص واحد بس -طيب كل اللي حوالي في الكون مطلوب مني أكرهه وأحب شخص واحد بس- هل الدن يا ربنا خلقها حول الإنسان صغيرة قوى ومحصورة في شخص واحد بس.
ولو شخص قدر عليه عدم الجواز يروح ينتحر يعنى ولا إيه مفيش حد عايش وسعيد أو لو جزء من السعادة في حياته بدون ارتباط بشخص آخر.
حياتنا مليانة حاجات كتير وربنا طلب مننا نحب بعض مش نكره بعض حب الحياة بشكل عام -حب الطبيعة النبات الحيوان الزهور السما الأرض الميه البحر النيل كل حاجة لازم نشوفها بعيون المحب- الأهل الأخوات الجيران القرايب الصحاب في الشغل المدرسة كل دول مطلوب منى أحبهم وأكون مفيد ليهم -لو الحياة مليانة حب وتفاعل أكيد هيكون الناتج حب- الزرع بيحب صاحبه إللي يعتني به وإللي بيحب الزرع فعلا بيحس بي ده - الحياة كبيرة ومليانة حب وخير بس أحنا نحس به ونستمتع به عمرنا ما هنحس بفراغ أو عدم ضرورة في وجودنا الحب في كل مكان ولو دورنا عليه هنلاقيه هو قريب قوى مننا، وإللي بيزرع حب هيلاقى حب.
29/10/2008
رد المستشار
السلام عليكم:
الأخت سعاد: أحمد الله أنك قد أخذت من اسمك الكثير، وأوافقك الرأي 100%، وأرجو أن يسمع المحبون كلامك...، لكن بعضهم يعلل بأن: (حبك للشيء يعمي ويصم)، ولهذا لا يرى المحبون في الدنيا غير محبوبهم، ويَعْمَون عن رؤية ما سواه من الأمور الجميلة والقبيحة!
ويتبع>>>>>>>>>>>>>>>>> تبحثين عن الحب أم الزواج مشاركة 4
تعليقات الأعضاء