|
| 
|
أريد حــــــــلا (مشكلة اكيد كلنا مرينا بيها).
المشكلة دي أكيد معظم مستخدمي النت مروا بيها الموضوع أكيد بيبدا بتسلية بس في الآخر أكيد بيتغير الاسم دا حسب الحالة اللي بتوصل ليها المهم، تبدأ القصة من حوالي سنة أو أقل كدة بدأ الموضوع عادي جدا مجرد تشات على النت كلام هزار ساعات طناش، ومع مرور الوقت عرفتها أوي لأني تقريبا كل يوم كنت بكون عل اللاين وهي كمان وباقعد نتكلم كتير أوي في أي حاجة وفي كل حاجة.
قعدنا حوالي 5 شهور نتكلم كل يوم عرفتها كويس جدا بالرغم أني مشفتهاش على الطبيعة مجرد صورة اتبعتت فعرفت الملامح بس مع مرور الوقت قدرت أعرفها كويس أوي تقريبا عرفت عنها كل حاجة والموضوع عادي جدا احنا إيه إحنا أصحاب بنتكلم!!!
لحد العملية اتغيرت على الأقل من ناحيتي وابتدى المشوار، حسيت أني لاقيت الانسانة اللي طول عمري حلمت أني أقابلها حلمت يعني صعب أنه يكون واقع لاقيتها شبهي تقرييا في كل الصفات حسيت أن من الصعب أني حد يفهمني بالطريقة اللي هي فهمتني بيها.
المهم أنا فى الأول قلت دا عادي تعلق لأننا بصفة دايمة بتقابل فا دا شيء طبيعي بس هوا ماكنتش طبيعي أبدا لأنني كنت أول مرة أحس بأني أشتاق لأحد بالرغم من أني عمري ما قابلتها وبالعكس أنا عرفت بنات كتير أوي من النت ومن غير النت وشفتهم وكنت بعمل قصص عليهم قال يعني أنا حبيتهم وكدا بس دا كان كلة هبل وعبط بس المرة دي كانت حاجة تانية لأني حسيت أني لاقيت إنسانة أعرفها قبل كده كنت معتقد أن اللحظة دي صعب تيجي على الأقل دلوقتي.
المهم فل الفترة دى كنا بقالنا تاريبا 7 شهور نعرف بعض اكيد بعد الوقت دا كل واحد كان عرف التانى كويس وانا كنت دايما صريح معاها لانى كنت عايزهاة تعرفنى كويس وفعلا حصل واتكد ان كل واحد عرف التانى اوى بس دا اكيد جميل طب اية المشكلة اقولها انى معجب بيها و الحياة بقا لونها بامبىّّّ!!!!
بس العكس أكيد مش لونها بامبى لأن المشكلة إن أنا من إسكندرية وهي من القاهرة ازاي ممكن تتكون علاقة وتنجح والمسافة دي موجودة أكيد دا شيء صعب المهم أنا فكرت كتير حاولت كتير أني أنسى أو أطلع أي سبب وأقنع نفسى بيه ماعرفتش وكل الفترة دي وأنا بحاول احسسها عادى انا وهى اصحاب بس مع الوقت اكيد هى حست بانى معجب بيها.
المهم اتردتت كتير انى اقولها مع انى مش متردد بالعكس انا مندفع اوى المهم بعد طول تافكير قولتاها على اللى انا حاسة تجاها واتكلمنا وكدة واتقابلنا حوالى مرتين فل المرتين دول كانت كل مرة فيهم 5 دقايق و كان الموضوع اللى بنتكلم فية ان العلاقة دى غلط مش حتنفع جتفشل بسبب حاجتين المسافة والسن لاننا تاقريبا فى سن بعض20 سنة وكانت نتيجة المناقشة دى اننا مش عارفين اية اللى يتم اكيد النقاش دا ماكنش فل الخمس دقايق كان عل النت والتليفون المهم كل واحد ابتدى يبعد عن التانى بس مع الوقت يفشل اتككررت الحكاية دى كتي اوى و بردة تفشل.
اتمسكت بيها كتير اوى ماكنتش عايز ان دا يحصل بقالى كتير اوى مشفتهاش او اتكلمنا ولا عل النت او التليفون المفروض دلوقتى ان كل واحد بيحاول يبعد عشان الفشل بس أنا عارف ان كل دا من غير جدوى لأني حبيتها بجد ومش عارف اية الحل ياترى البعد هو دا الحل بس بالنسبة لية البعد دا شىء صعب نتج عنو حاجات كتير ليا عصبية زيادة حاجات منيلا كتير اوى عملتها بس مش عارف انا اية اللى مرفرض اعملة.
أرجو الاهتمام وآسف عل الإطالة وإذا كانت فية أي حاجة مش مفهومة من كلامي ياريت تبعتلي عل الميل للايضاح، شكرا أوي وأتمنى الرد السريع بحل مجدي.
MD360
18/12/2003
رد المستشار
الأخ السائل، أرجو الانتباه لبعض الحقائق... أولا من المستحيل أن تعرف شخصا معرفة حقيقية من خلال النت أو التشات أو الصورة أو التليفون... في دراسة بجامعة كاليفورنيا بلوس أنجيليس وجدوا أن 7% فقط من معنى التواصل يكون في الكلام.. 38% في نبرة الصوت وطريقة الكلام و55% في لغة الجسد...
ولغة الجسد لا يمكن أن تعرفها بدون مشاهدة الشخص في الحياة اليومية وفي تعاملاته مع الناس الآخرين لمدة طويلة... يقولون "تعرف فلان؟.. أيوه.. عاشرته؟.. لا.. يبقى ما تعرفهوش"، والحب يلزمه أربعة أركان لنستطيع أن نسميه حبا: المعرفة والاهتمام والاحترام والمسئولية... وبالتالي أظن أنه من الواضح أن الذي تحس به هو انجذاب وإعجاب لكن لا يمكن أن يكون حبا.. فليس هناك معرفة حقيقية وليست هناك مسئولية... من ناحية المسافة فهي مسألة معرقلة ولكن المسافة ليست بعيدة بحيث تجعل العلاقة مستحيلة.
ساعتين زمن.. لكن المشكلة إنكما أحسستما بالانجذاب لبعضكما البعض وأيضا بعدم مقدرتكما على الاستمرار في العلاقة لأن استمرارها صعب.. وصعب أيضا لأنكما ما زلتما صغيرين... عواطفكما يؤثر فيها رغباتكما وأحلامكما.. لا شك أن كل منا يريد أن يحب وأن يحب..
وعندما نقابل أناسا على النت نقدر أن نكون أنفسنا أو على حقيقتنا أو أن نمثل ونكون على غير حقيقتنا دون أن نخاف من أن يكشفنا أحد... أنت وهي تودان أن تعيشا قصة حب.. لكنكما تعرفان (على الأقل على مستوى العقل الباطن أو اللاوعي) أنكما غير متأكدين من هذا الحب ومن أنكما قادران على مسئولية وجدية ومجهود الحب...
الحب عرفه عالم النفس م. سكوت بيك على أنه: إرادة بذل الجهد من أجل رعاية النمو الروحي لي وللآخر، لاحظ أن هذا تعريف قوي جدا وليس فيه ذكر للمشاعر والأحاسيس ولكنه فعلا يضمن أن المشاعر والأحاسيس تظل جميلة وحية وصادقة على المدى الطويل.
إذا كنتما فعلا على استعداد لهذا فالمسافة والسن ليسا مشكلة وخصوصا إذا كنتما قد أنميتما العلاقة للدرجة المطلوبة.. لكن أعتقد انك تستعجل الحصول على الرضا من الآخرين عن طريق قصة حب... لماذا لا تحس بأنك مرغوب وممكن أن يحبك أخريات؟؟ هذا ما يجعلك تتعجل..
والغريب انك لم تجد في محيط معارفك أي إنسانة مناسبة وفضلت العلاقة التي فيها مسافة... ألا يمكن أن يكون هذا لأنك تشك في أنك ممكن أن تكون محبوبا؟؟ أليس هذا سبب الاستعجال والتعلق بها؟؟؟ ما رأيك أن تستمر في الصداقة معها على النت وأيضا تكون صداقات في الواقع حولك.. وبعدها تعرف وتستطيع أن تقرر أين الحب ومع من.
أرجو أن تتابع معنا وتتابعنا بالتطورات لأن هناك أناس كثيرون كما قلت على النت يمرون بنفس المشكلة.
* ويضيف الدكتور وائل أبو هندي، الأخ العزيز السائل أهلا وسهلا بك، ونشكرك على ثقتك في صفحتنا استشارات مجانين، ما أود إضافته فقط بعد الإجابة الشاملة للأخ الزميل الاستاذ علاء مرسي، هو إحالتك إلى عدد من الردود السابقة على صفحتنا استشارات مجانين التي تناولنا فيها العلاقات الإليكترونية وتبعاتها وتداعياتها المختلفة، وذلك تحت العناوين التالية
حب سابق التجهيز: من النت إلى الجوال! مشاركة
الكائن الافتراضي (الرجل الحلم)، والفتاة الطيبة
الكيس الأحمر، والكذب على النت
36 عاما من التعميم: على مشارف العنوسة م
العلاقة عبر الهاتف ليست صداقة شكر ومتابعة
من النت إلى الجوال: عجائب الخليج العصري
حبيبة النت مسلمة
وفي النهاية نتمنى أن نكونَ قد ساعدناك، كما ندعوك إلى الكتابة بالفصحى في المرة القادمة لأننا نفضل ذلك وأهلا وسهلا بك دائما.
تعليقات الأعضاء