كره ذكور أم عشق الإناث الراجلات
ممكن أقول رأي؛
البنت دي صعبانة علي لأنها جواها صراعات كتير جدا وسببها الرجاله، كل واحدة فينا نفسها تحب وتتحب بس من شخص يصون الحب ده ويعطيها الحنان والحب اللي هي بتعطيه له لكن للأسف مش بتلاقي غير غدر وواحد بيعمل علشانها كل حاجة تدل على الحب لحد ما يتمكن من مشاعرها ومن جسمها وبعد لما يزهق تلاقي أسوأ نوع من البشر قدامها وطبعا بتتصدم مش ده اللي أنا حبيته وضحيت علشانه وطبعا في النهاية بنسمع كلمة واحدة (إحنا مش متفقين ولازم نسيب بعض) وللأسف ارتباطهم بينا هما اللي بيبدئوا بيه وبنعيشهم أحلى أيام في حياتهم وانفصالهم عنا هما برده اللي بيبدئوا فيه وبيعيشونا أسوأ سنين في حياتنا، وكل عقدنا في الحياة بتكون سبب رجل.
اللي أنت فيه ده مش شذوذ لا أنت بتدوري على الحنية اللي موجودة أصلا في البنات مش بتدوري على الجنس، أنا سمعت في برنامج على روتانا كانوا جايبين بنت شاذة وولد شاذ وبيحوروهم، البنت دي قالت كلمة أنا عمري ماهنساها... قالت أنا بحب البنات لأنهم حنينين ومخلصين ومش بيخونوا، ووقتها فكرت في أني اعمل زيها وارتبط ببنت يمكن ألاقي الحنان اللي أنا نفسي فيه بس مقدرتش لعدم ميولي لأي ممارسات شاذة والحمد لله.
مش عارفه أقول لك إيه بس ربنا يعينك
1/11/2008
رد المستشار
أهلا بالأخت الكريمة وشكرا لمشاركتك
هو التعميم كخطأ في آلية التفكير ما تشاركين فيه الأخت السابقة..
من هم الرجال؟! ومن هم النساء؟!
عزيزتي: هو جنس بيولوجي، والتعميم أن الرجال هكذا.. والنساء هكذا.. في الغالب خاطئ..
علماً أن أهم رجل في حياتي هو أبي أو الذكر الذي رباني، وأهم امرأة في حياتي هي أمي أو الأنثى التي ربتني. والمشكلة الأساسية لما يكونا أو أحدهما نموذج غير جيد، حينها أعمم على كل الرجال أو على كل الإناث بتعميمات لا تخلو من الخطأ.
أهلا بك مع أمنياتي لك وللأخت صاحبة الاستشارة بكل الخير .