|
| 
|
تعبت جدا وخايف جدا
أنا ترددت كتير أوي قبل ما أبعت الرسالة دي عشان دي بالنسبة لي ولعرفنا في مصر بتعتبر فضيحة هحكي القصة يا رب تساعدوني ويكون في قدرة بالرد بحاجة تقنعني وحاجة منطقية لحالتي دي أنا طالب بكلية الآداب عندي 23 سنة سنة تالتة وطبعا هتسألوا إزاي وهتقولوا إني فاشل وكل ده بس أنا اللي عملت في نفسي كد عشان خايف جدا وأنا اللي كنت بأسقط ومحدش عارف السبب مع أني معروف عندنا إني طالب كويس ومجتهد
القصة بدأت وأنا صغير في الثانوي كنت مش بطيق كبت والدي ووالدتي وإجباري على المذاكرة والدروس الخصوصية الكتير فكنت بمشي بره البيت وبقعد كذا يوم عند أي حد من صحابي وأرجع تاني لحد في يوم من الأيام ملقتش حد أروح عنده فبت في الشارع وحصل إني قابلت حد واستدرجني واغتصبني كنت طفل ومش فاهم حاجة وبعد كدا لما بقيت بخرج بره بيتنا مكنتش بلاقي غير واحد أعرفه وكان بيتقال عليه أنه شاذ فحصل ورحت وقعدت عنده وتبادلت معه الموضوع بجد مش قادر أنطقها عشان عارف أنه حاجة غلط وضد الدين والعرف والمجتمع اللي إحنا فيه بص ده حصل غصب عني وشهوة.
المهم تبادلت معه الجنس وبدأ الموضوع يغريني وكنت كل ما أبقى في حالة من دي كنت بروح له مع العلم أن الموضوع ده محصلش غير مرتين أو تلاتة طبعا مكنتش بفكر في موضوع الجيش والكشف الطبي ولا كانوا شاغلين بالي خالص لحد ما لقيت أصحابي واحد واحد بيدخلوا يكشفوا الجيش وبيحكوا لي على الكشف وكدا ابتديت أفتكر اللي كنت بعمله زمان، مع العلم أن الموضوع ده بعيد عني الحمد لله بقالي مثلا 6 سنين بس في حاجات بقى لحد دلوقت كل ما تحصل أخاف أوي وأفتكر اللي حصل زمان وأفكر في الفضيحة لو حصلت وأفكر هعرف أعيش وله لأ وهعمل إيه لو ده حصل.
الحاجات دي مثلا زي كل ما أدخل الحمام وأبص للبراز بتاعي بحس إن حجمه كبير عن العادي فبقول ده من اللي كنت بعمله واتساع فتحة الشرج من الموضوع ده ودايما في سؤال مسيطر علي كل ما واحد صاحبي يقولي أنه هيكشف جيش بروح أسأله الكشف الطبي إزاي وأنا عندي السكر واللي عندهم السكر إيه اللي بيحصل معاهم بيرد علي إن اللي عندهم سكر مش بيدخلوا الجيش وبيسألوهم في الأول اللي عنده حاجة من الأمراض دي يتقدم خطوة لقدام ومنهم مرض السكر بقول الحمد لله بس برجع أسأل بيكملوا كشفهم عادي الكشف كله وخصوصا الكشف على المناطق الحساسة بيتقالي أيوة بيكملوا الكشف عادي ساعتها ببيان أني كويس وعادي بس أنا في الأصل ببقى في قمة القلق وخايف جدا.
وكنت قريت كام رسالة هنا أن اللي كدا يقول للضابط قبل ما يكشف أنه حصله اغتصاب أو حصل معاه أي حاجة أنا تعبان جدا خصوصا أنها هانت ومش هخليني أسقط طول العمر وأكيد السنة الجاية هتقدم لكشف الجيش ياريت تساعدوني أنا بجد خايف جدا خصوصا أن خلاص الإنسان كبر والموضوع ده وقسما بالله كان شيطان وراح لحالة بس مكنتش أعرف نتايجه دي وحامل الهم جدا وأملي في ربنا وفيكوا تساعدوني وتقولوا لي اللي بيحصل بالضبط والكام مرة اللي حصل فيهم ده معايا فعلا ممكن يوسعوا فتحة الشرج لدرجة أنها تتعرف في كشف الجيش هكون شاكر جدا وآسف أني طولت عليكوا وأرجوا الفائده شكرا ليكوا طلب أخير أني مش عاوزكوا تهدوني عرفوني الحقيقة كاملة مش عاوز كلام يريحني دلوقت وآجي أتفاجىء بعد كدا شكرا تاني.
04/06/2011
رد المستشار
أخي الحبيب القلقان علي روحه، أهلا ومرحبا بك؛
قبل أن أنطلق لتحليل رسالتك لأن بها بعض التناقضات التي لا أعلم هل بسبب قلقك أم أشياء أخرى، أود أن أطمئنك على عدة أشياء أولها أنك كما تقول مريض بالبول السكري وبالتالي من البداية أنت غير لائق طبيا لدخول الجيش فما هو مبرر الكشف الطبي عليك، ثانيا تقول أن هذا حدث 3-4 مرات وهذا غير كافٍ لتوسيع فتحة الشرج بالصورة التي تخيفك، ثالثا أنك ابتعدت عن هذا منذ سنوات مع قلة عدد المرات يجعل الجسم لا يظهر به شيء، رابعا وبما أنني دخلت الجيش وكنت طبيبا به فلا كشف يتم إلا في حالة الشك فقط. أرجو أن أكون قد وفقت في بث الطمأنينة في قلبك.
نأتي إلى بعض تناقضات رسالتك (وأنا صغير في الثانوي بقعد كذا يوم عند أي حد من أصحابي وارجع تانى لحد في يوم من الأيام ملقتش حد أروح عنده فبت في الشارع وحصل أني قابلت حد واستدرجني واغتصبني كنت طفل) منين ثانوي ومنين طفل؟؟؟؟؟؟؟؟؟؟؟؟ هل تبحث عن مبرر، (لما بقيت بخرج بره بيتنا مكنتش بلاقى غير واحد أعرفه وكان بيتقال عليه أنه شاذ) وإيه اللي خلى مفيش حد؟؟؟؟؟؟؟؟؟ عارف أنه شاذ وتروح له مش غريبة دي (وبدأ الموضوع يغريني مع العلم أن الموضوع ده محصلش غير مرتين أو ثلاثة)؟؟؟؟؟؟؟؟؟
الغرض مما سبق هو هل ما تعاني منه هو قلق من الجيش فقط، أم أن هناك ما هو أعمق من ذلك بكثير، سواء إن هناك مشكلة في الشخصية أو الهوية الجنسية أو اضطراب القلق، فمثلا (كل ما أدخل الحمام وأبص للبراز بتاعي بحس أن حجمه كبير عن العادي) هل بسبب قلق الجيش أم أنها فكرة وسواسية، وعلاقتك بأسرتك وفشلك الدراسي وغيرها من الأشياء التي تستلزم منك رسالة مطولة تتحدث فيها أكثر عن شخصيتك والضغوط التي تتعرض لها ونمط علاقاتك بالناس وبأهلك وهل لديك علاقات عاطفية، حتى يتسنى لي مساعدتك لو كانت هناك اضطرابات أخرى.... وفقك الله
واقرأ على مجانين:
قلق فتحة الدبر إلى متى يستمر؟
الشهادة الحمراء ونصف سنتيمتر في الدبر!
بعد الغشاء الصيني فتحة الدبر في الذكور!
ضع ما شئت في الدبر وادعُ للصين يا ذكر!
تعليقات الأعضاء