|
| 
|
القضيب يقصر والقذف يضعف والدبر يتسع!
أرجوكم أنجدوني بحل
السلام عليكم ورحمة الله وبركاته؛
أنا عندي مشكلة كبيرة جدا مخلياني مش عارف أعيش ومش لاقي حل خالص ومش عارف أعمل إيه ولا عارف أتصرف إزاي؟؟؟؟
المشكلة ابتدت من حوالي سنة ونص أو أكتر شوية بأني جاء لي إمساك (ممكن أقول مزمن) وماكنتش بعرف أعمل حمام وكنت بقعد في الحمام فترات كبيرة جدا علشان أعمل زي الناس بس ماكنتش بعرف وابتديت أدخل صباعي علشان أخرج الفضلات بنفسي وكان ده الحل الوحيد قدامي ومرحتش لدكتور وماكنتش أعرف إني بكده بضر نفسي وفضلت على كده حوالي سنة ونص وبعد كده لاحظت إني مش بقدر أتحكم في خروج الغازات وده من حوالي 6 شهور وممكن يكون أكتر من كده بس أنا اللي ماكنتش آخذ بالي
وأنا كنت أرسلت رسالة لموقعكم الكريم وكان رد الدكتور الفاضل إني أعمل تمرين كيجل عدة مرات في اليوم وأنا بقالي 3 شهور تقريبا بعمل التمرين طوووول اليوم وبرضه ما فيش فايدة والمشكلة ما اتحلتش ومش عارف أعمل إيه فقلت بما أن الموضوع ليه علاقة بالإمساك والغازات والقولون يبقى المفروض أروح لدكتور باطنة؛
فرحت لدكتور باطنة وقلت له اللي عندي فقال لي لازم تعمل تحليل جرثومة المعدة وفعلا عملت تحليل براز وتحليل دم والنتيجة كانت كويسة وقالي إني ماعنديش جرثومة المعدة واداني دواء للإمساك ودواء للغازات وقال لي إن مشكلة عدم التحكم في خروج الغازات مالهاش حل وأخذت الدواء والإمساك راح بس الغازات فضلت موجودة وبرضه مش بعرف أتحكم في خروجها فرحت لدكتور باطنة تاني وقلت له المشكلة فغير لي الدواء وأعطاني حبوب فحم وبرضه مافيش نتيجة.
وأنا تعبت كل اللي عاوز أعرفه من حضراتكم هل المشكلة اللي عندي دي ليها حل ولا أنا هفضل طول عمري في المعاناة اللي أنا فيها دي؟؟
أرجوكم أفيدوني وقولوا لي أعمل إيه يعني أروح لدكتور يكون تخصصه إيه أنا مش عارف أروح لدكتور مسالك أم دكتور جراحة أم أروح لأي تخصص أنا عارف إن موقعكم مختص بالمشاكل النفسية مش المشاكل العضوية بس أنا كل اللي طلبته تفيدوني من خبرتكم وإن شاء الله هيكون في ميزان حسناتكم مساعدتكم لي ولكل محتاج لأني والله تعبت بسبب إني مش بعرف أتحكم في خروج الغازات باتحط في مواقف محرجة جدا جدا لدرجة أني ابتديت أكره نفسي.
وأوقات كتير بيبقى هاين علي أموت نفسي وبقيت بكرة الأكل لأني كل مابأكل بيجيلي غازات فبقيت تقريبا مش بآكل خالص لدرجة إني خسيت 8 كيلو في شهرين وبقيت علطول خايف ومتوتر وقلقان وبقيت انطوائي جدا مع العلم أني أصلا مش اجتماعي أوي وبقيت بتجنب أقعد مع زمايلي في الشغل، وبخاف أركب عربية مع حد لدرجة إني بوظت مكيف العربية بتاعتي علشان لما حد من زمايلي يركب معايا العربية مانكنش أنا وهوه في مكان مقفول.
وبرضه مش بسلم من المواقف المحرجة وبيكون شكلي وحش جدا وكمان الناس لاحظت إني أنا اللي بتخرج مني الروايح الوحشة دي ومعاملة زمايلي اتغيرت معايا أكيد للأسوأ وكمان زمايلي لاحظوا إني بدخل الحمام كتير تقريبا كل 10 دقايق تقريبا علشان أتجنب أي موقف محرج وبقيت شكلي وحش جدا وسط الناس.
أنا بقيت 99% من تفكيري ضايع في أني بفكر ممكن يكون إيه الحل أو في إني بفكر في الموقف المحرج اللي أنا اتحطيت فيه النهارده أو في الإحراج اللي أنا بكون فيه علطول وبعدين أنا هخطب كمان كام شهر أروح أقعد مع أهلها إزاي وبعد كده أقعد معاها إزاي أنا فعلا مش عارف أعيش وحاسس إني قربت أكره نفسي، وأنا قريت في الموضوع ده كتير على النت ولقيت ناس بتشتكي إنهم بقالهم سنتين أو أكتر على الحال ده وده بيكون بسبب عملية البواسير أو أسباب ثانية ولما قريت كده اكتأبت أكتر.
أرجوكم قولولي على حل ينجدني من المعاناة اللي أنا فيها وأنا عارف إن اللي أنا فيه ده ابتلاء من ربنا وبدعي ربنا كثير يرفع عني البلاء ويصبرني.
وأنا آسف على الإطالة بس لي طلب أخير لو ممكن لما تختاروا عنوان لرسالتي ياريت العنوان مايكونش جارح لأن رسالتي الأولى الدكتور الفاضل اختار لها عنوان جارح وأنا ماكنتش أحب أن يكون عنوانها كده وبعتذر على طلبي ده
11/08/2011
رد المستشار
الأخ الفاضل "مصري" أهلا وسهلا بك على موقعنا مجانين وشكرا على ثقتك، في رد مستشارنا السابق عليك الذي ضايقتك تسميته: القضيب يقصر والقذف يضعف والدبر يتسع! ووصفته بالعنوان الجارح... والحقيقة أن هذا ما حسبناه سينبهك إلى لا منطقية انشغالاتك أو على الأقل إفراطك فيها دون داعي، على كل آسفون ولكن أنت كنت متوجسا بإفراط وهي حالة كثيرا ما تصلحها مثل هذه العناوين...
ولكن دعك من ذلك يا مصري ولنرجع إلى نص مشكلتك القديمة... لنرى كيف أنك بدت توجساتك وانشغالاتك بأمور الفحولة والذكورة متعددة ومفرطة لكنها ذات شكل طبيعي أن يحدث مع الميالين إلى القلق والمقبلين على الزواج بل حتى في كل الشباب مثلما تقرأ هنا:
هواجس كل شاب: شدة الانتصاب واتجاهه
هواجس ما قبل الزفاف: الطول وسرعة القذف
هواجس ما قبل الزفاف: انحراف العضو
طول القضيب وعرض القضيب : والخوف والخجل
ولذلك رأينا تصنيف حالتك: قلق متعمم GAD ولم نكن ساعتها نستطيع التأكد من ما إذا كنت موسوسا بتلك الأمور أم أنت على مشارف الوسوسة.... أو فقط فعلا شاب قلق من ضحايا إدمان العادة السرية أو المواد الإباحية الذين تنتابهم هواجس تتعلق بفقد الفحولة في الذكور وفقد البكارة في الإناث... وأخيرا تتعلق بالدبر واتساعه في الذكور.
بدت لنا حتى غزارة ما تحويه استشارتك من أسئلة ومناحي انشغال وكأنها علامة على القلق والرغبة في إعطاء كل المعلومات وسؤال كل الأسئلة عند كثيرين من طالبي الاستشارة..... وحتى عبارتك (صرت لا أتحكم بإخراج الهواء إلا بنسبة 70 أو 80 %.) بدت لنا واحدة من الأعراض النفسية العابرة التي يتواطأ فيها القولون مع التفكير القلق عند بعضهم من مرضى ما يسمى بالقولون العصبي وما هو إلا عصاب القولون أو وسواس القولون!
كل هذا كوم يا أستاذ "مصري" وما جاء في إفادتك الأخيرة هذه كوم آخر فأنت الآن مريض نطاق وسواس قهري بالثلث! اضطراب شم رائحة الجسد Olfactory Reference Syndromes أو اضطرابات البَخَرِ المتوهم، أو وسواس الرائحة الجسدية، هو اضطرابٌ نفسي يتسمُ بانشغال فكري وسلوكي مستمرٍّ شديدٍ برائحة الإنسان "المتخيلة"، أو بشكل مفرط برائحة "حقيقية مقبولة أو عادية"، ويكون مصحوبًا بمعاناة شديدة وخجل وارتباك وسلوك تجنبي للآخرين هربا من المعاناة الاجتماعية، مما قد يؤدي إلى العيش في معاناة مستمرةٍ أو الانعزال عن الناس، وإذا أردت أن تستزيد فاقرأ: متلازمة شم رائحة الجسدORS مقدمة
وفي مثل حالتك يقف الطبيب النفساني أمام عدة احتمالات تشخيصية فإما أن يجد اضطرابا نفسيا أشمل وأعمق من متلازمة شم رائحة الجسد ORS، كاضطراب الفصام Schizophrenia أو الاضطراب الوهامي Delusional Disorder أو الاكتئاب Major Depression أو غيره أو يكونُ التشخيص الوحيد الممكنُ هو متلازمة شم رائحة الجسد ORS وهو أحد اضطرابات نطاق الوسواس القهري، ويمكنك أن تعرف أنك من هذا النوع الوسواسي إذا قرأت مقالينا:
متلازمة شم رائحة الجسد ORS التشخيص
متلازمة شم رائحة الجسد ORS التصنيف
باختصار يا أستاذ مصري حالتك تستوجب اللجوء إلى طبيب نفساني يستطيع مساعدتك وصياغة برنامج علاجي مناسب غالبا سيشمل جانبا معرفيا سلوكيا وجانبا عقاريا أو قد يكون أحدهما فقط حسب اختيارك بعد معرفة الفروق، أهلا بك.
تعليقات الأعضاء