|
| 
|
مشكلة في مشكلتين مش عارفة فعلا ليهم علاقة ببعض ولا لا!
السلام عليكم؛
أولا أحب أشكركم جدا على الموقع المتميز ده وجزاكم الله خيرا لمساعدتكم لينا!
أولا أنا بنت من صغري وكل الناس تقول لي أني جميلة وأني أجمل بنت في العيلة بس "دايما مش ببقى واثقة في كده مش بحس أني جميلة زي ماهما بيقولوا"، المشكلة أني دايما بحب أسمع الكلام ده منهم! كان لي أصحاب كتييييير بس كلهم بنات مكنتش بحب أتعامل مع الأولاد ومش ببقى مرتاحة وأنا بكلمهم وببقى مكسوفة أوي وبيبان عليّ وأنا مش بحب أبان أدام حد أني ضعيفة أو مكسوفة!
كان معظم علاقاتي مع الناس سطحية إلا مع كذا واحدة بس اللي بحس أنهم بيفهموني بس المشكلة أنهم بيحبوني أوي أكثر ما أنا بحبهم بس أنا فعلا بكون بحبهم بس مش بديهم زي مابيدوني بحس عندي كبرياء أني مروحش لحد هما اللي يجولي ولما بزعلهم ببقى عارفة أني غلطانة بس بغصب على نفسي أروح لأنهم يستاهلوا أني ابقى حنينة معهم بس مش لأني عايزة اروح أصالحهم بنفسي ! دائما مشاكلي مع أصحابي القريبين أوي أنهم بيحبوني أوي وبيبقوا مستنين مني حاجة أنا مش بعملها.
وأنا في الجامعة كنت معجبة بولد وهو كمان بس عمري ما قدرت أكلمه وحتى لما جه يكلمني صديته وقلت له مش هينفع نرتبط وبعدها بشهر واحد سافرنا ومبقيش أنزل مصر إلا في الأجازات كانت السنة الأولى لي كئيبة مش قادرة أتأقلم على البلد ولا على الناس وعايزة أرجع لبلدي, الولد ده كلمني بس عن طريق الإنترنت وابتديت أكلمه وحسيت أني بحبه أوي وهو كمان صارحني بكده بس لا بيشوفني ولا بشوفه كل علاقتنا كتابة بس أنا من جوايا بحبه ومتأكدة أنه كمان بيحبني مشكلتي معاه أنه عاييزني، أقول اللي جوايا هو بيقولي كلام كتير بس أنا مش بقدر أرد عليه مش عارفة هل لأني مش متعودة أني أدي لحد مشاعري ولا علشان أنا حاسة أنه غلط ومش من حقه يسمع مني الكلام ده إلا بعد الجواز وقلت له كذا مرة في حاجات مينفعش أقولها لك بس مش بيصدق إحساسي وشايف أنه دايما بيديني وأنا مفيش مقابل بس أنا بحبه بجد أوي ونفسي اللي بيننا ده يكون شرعي قريب إن شاء الله ونفسي أقول له متقوليش كلام رومانسي علشان غلط وفي نفس الوقت عايزاه يقول علشان علاقتنا متكونشي جافة ونبعد عن بعض!
مش عارفة أعمل إيه وأصلح من نفسي إزاي في علاقاتي مع الناس رغم أن كل الناس بتقول لي أني حنينة وطيبة زيادة عن اللزوم!
أرجو الرد من حضراتكم,,,
شكرا جزيلا وجزاكم الله خيرا
12/01/2012
رد المستشار
يا صغيرتي ليس هناك من مشكلة. من خلال الرسالة يبدو واضحا أنك تحبين هذا الشخص وكذلك هو يبادلك نفس المشاعر (وابتديت أكلمه وحسيت أني أحبه أوي وهو كمان صارحني بكده). ربما أنك لا تفصحين عن مشاعرك وإحساسك تجاهه بسبب التربية التي زرعها الآباء والأمهات منذ الصغر بأن البنت لا يجوز أن تعبر عن مشاعرها لأي كان... وربما الخجل أو الكسوف (مكنتش بحب أتعامل مع الأولاد ومش ببقى مرتاحة وأنا بكلمهم وببقى مكسوفة).
وعلاقتك مع الآخرين أيضا طيبة, لا كما ذكرت في الرسالة (مش عارفة أعمل إيه وأصلح من نفسي إزاي في علاقاتي مع الناس) والدليل على ذلك تعامل الآخرين (بحس أنهم بيفهموني بس المشكلة)(كل الناس بتقول لي أني حنينة وطيبة). ولكنها أيضا سطحية ويبدو الغرور والكبرياء سبب ذلك. وطالما أنك تدركين السبب (بحس عندي كبرياء أني مروحش لحد هما اللي يجولي ولما بزعلهم ببقى عارفة أني غلطانة), فما المانع من تلطيف أو تعديل هذا السلوك؟
ملاحظة: طالما أن هذا الشخص يريدك فما عليه إلا أن يتقدم بطلب الزواج منك وذلك حفظا لك ولدينك.
ويتبع ..................: كبرياء وجمال وحنية..... م. م
تعليقات الأعضاء