سنوات معاناة قلق ووسوسة
مساك الله بالخير والرضا يا دكتور، بصراحة ما أدري من وين أبتدي مشكلتي يا دكتور أول شيء أعرفك بنفسي، أنا طالب جامعي داخل ولله الحمد أقوى التخصصات وعمري 23 وباقي لي سنتين وأتخرج بإذن الله، المشكلة جاءتني من تقربيا 3 سنوات كنت أعاني من ضيق وسواس وخوف ولكن كانت تجي من فترة لفترة مو دايم أحس فيها ولكن تقربيا من شهر جتني ضيقة وسواس كثيرة ومر علي هالشهر كأنه دهر، صرت ما آكل وأرجع لما آكل وكل حياتي وسواس وضيقة صدر، مثل أتضايق من كل شيء وأوسوس إني ماني مبسوط ومتضايق وأتوقع هالشيء اللي بقوله لك.
بداية التفكير بالوسواس اللي جتني وهي تقربيا قبل شهر ونص كلمني أحد من أقاربنا وقال لي إن واحد من أقاربنا توفي، قلت الله يرحمه، قلت شلون مات؟ قال مات وهو بفراشه. بعدها قلت الله يرحمه وسكرت الخط ومشت الأمور تمام ولكن يوم بغيت أنام جتني هالفكرة والوساوس إني أخاف أموت وأنا نايم، وبعدها نمت ومع مرور الأيام صارت عادي أنام ومرات أفكر بهالشيء ومرات لا.
المشكلة بعد هالشيء صرت أوسوس وأتضايق كثير من أي شيء مثلا إذا شفت ذبح بالتلفزيون وله واحد مقتول، أقول أخاف أصير مثله، أو مثلا شفت سكين وله واحد منتحر أقول أخاف أصير مثله وأنتحر وله أذبح نفسي وكثير أشياء ومن ضمنها أني إذا شفت وقريت مشاكل الوساوس وقال فلان أنه موسوس بحاجة معينة أخاف أوسوس مثله مثل وساوس الطهارة وله وسواس الدين
وأنا للأمانة كنت قبل كم شهر مو محافظ على صلاتي وأطوف صليت كثير ولكن بعد هالأمور اللي جتني صرت ما أطوف ولا صلاة وأصلي وأدعي وأقرء قرآن ومؤمن بربي كثير، مع العلم الحين صار لي كذا أسبوع تمام ما أتضايق ولا تجيني ضيقة بس هالأشياء إذا شفت شيء وله سمعت شيء توسوس ويتعكر مزاجك ـ حتى مرات أوسوس إني ما أقدر أتزوج دام فيني هالأمور كيف أتحمل مسؤولية وأنا كذا يهزني أي شيء والله يا دكتور إني تعبت حتى أنا خاطب قبل كم شهر والزواج بعد سنتين ونص بعد التخرج بس أحس أني مو كفو زواج دام هالأمور تعكر مزاجي وتضايقني وربي كرهت حياتي.
حتى مرات تجيني وساويس شهوانية وأتعوذ من الشيطان حتى مع أقرب الناس لك وهي مجرد وسواس وآخر وسواس فيه تناقض مرات شهواني والحين تجيني أفكار إني مو رجال حتى إذا قربت من رجال يجيني وسواس إني مو رجال وكأن أنا شاذ جنسيا حتى أفكار بالزواج إني ما أقدر وربي شكيت برجولتي وتعبت مع إني مو شاذ ولا أفكر بالرجال وأشتهي الحريم وأنتصب حتى من هالشيء صرت دايم أعمل العادة السرية مع بنات وأشوفهم على الكام وينتصب وأنا تقربيا قبل سنتين الله يغفر لي عملت الحرام وتبت لوجه الله وأنا راعي بنات بس ما أدري شلون قلب حالي حتى الحين أقول أخاف أظلم بنت الناس معاي اللي خاطبها مع إني سليم وتمام.
أنا الحمد لله أموري وطلعاتي وروحاتي وكل شيء أوك حتى الناس ما تدري باللي فيني أضحك وأسولف وأروح وآجي وعزايم وكل وضعي أوك حتى أقاربي لما أقولهم اللي فيني ما يصدقون يقولون أنت ما فيك شيء، بس والله معكرة مزاجي هالأمور كثير أحس إني إنسان مو طبيعي، والله العظيم إني مو بيدي المشكلة مثل اللي أنت مو مقتنع بهالفكرة بس شيء يزن عليك بالكلام وهي مجرد وساوس للأمانة أنا قبل سنة.
قبل لا تجيني هالوساوس بكثرة رحت لطبيب نفسي وشرحت له الحال وقلت له كل شيء وقال إن عندك اضظراب توافق وأنك ما تحتاج أدوية ومن هالكلام وبعدها قال يبيلك جلسات سلوكية ورحت للأخصائي النفسي بدينا أول جلسة شرحت له كمان وقام يقول أشياء ما تدخل العقل ويتقلسف فوق رأسي وللأمانة قلت دام أول جلسة كذا وسحبت عليه أتمنى أني وضحت لك كل اللي فيني وإذا حاب تعرف أكثر أنا ما عندي ما نع تحت أمرك ـ لأن والله يا دكتور إني بحالة ما يعلم فيها إلا الله حتى رجولتي شككني فيها.
هل تنصحوني أروح للطبيب وأستخدم أدوية نفسية نفسي أعيش مثل الناس اللي ما تجيها أفكار وسواس، أنا للأمانة ما أدري وش فيني وسواس قهري، وله وسواس شيطاني، وله اكتئاب، وله قلق، وله خوف عجزت ألقى جواب لحالتي أنا بس أبي أعرف وش فيني هل هو وسواس قهري وله.
11/10/2012
رد المستشار
استشارة نفسية علاجية Psychotherapeutic Consultation
نظرة عامة Overview:
طالب جامعي يشتكي من أعراض نفسية مدتها ثلاثة سنوات خاطب ومقبل على زواج بعد عامين، لا دليل على تأثير الأعراض على سلوكه الاجتماعي والدراسي.
التوصيات Recommendations
۰ شكراً على استعمالك الموقع.۰ لا يوجد في رسالتك تفاصيل شخصية كافية وتاريخ طبي سابق، وهناك بعض الارتباك في وصف الأعراض التي تعاني، مدتها، وتأثيرها على السلوك الاجتماعي والتعليمي على ضوء ذلك لم يكن ممكناً درج الاستشارة تحت الاستشارات الأولية.
۰ يسبق معظم الاضطرابات النفسية حوادث حياتية يتعرض لها الإنسان ليس هناك في رسالتك ما يشير إلى تعرضك لضغوط اجتماعية أو تعليمية سبقت الأعراض التي تطرقت إليها في رسالتك والتي مدتها 3 أعوام تذكر في رسالتك عمل شيء شعرت بالذنب بسببه وحدث ذلك قبل عامين تجاوزت الحدث الأخير على ما يبدو، ولكن ما هو غير واضح كذلك هو إن كان ما فعلته رد فعل لأعراض نفسية كنت تعاني منها أو لسبب آخر.
۰ ما تشير إليه في رسالتك هو أنك طالب جامعي وتدرس اختصاص قوي ربما يكون مصدر ضغط نفسي كذلك هناك إشارة غير مباشرة إلى خطيبتك وخوفك من أن تظلمها معك ربما تكون قناعتك بالخطوبة غير مرضية أو عاملا في ما تعاني منه؟.
۰ ما ذكرته في رسالتك أفكار لا تتناسب مع شخصيتك ومبادئك تشعر بالقلق من جراء هذه الأفكار تحاول مقاومتها، وهذا بدوره يؤدي إلى المزيد من القلق.
۰ الاحتمال الأكبر في هو أنك أصبت بالقلق لسبب أو لآخر حاولت تجاوز القلق لا شعورياً باستعمال أفكار حصارية (وسواسية) تطرقت إليها أعلاه فشلت إلى الآن في مساعدتك وأصبحت هي بحد ذاتها مشكلتك هذه الأيام، وربما نسيت الآن مصدر القلق بعبارة أخرى أنت مصاب بقلق عام Generalized Anxiety Disorder مع أعراض الحصار المعرفي (الوسواس القهري) الثانوية.
۰ لا يوجد ذكر في رسالتك إلى أعراض اكتئاب كذلك لا يوجد أي ذكر لأعراض نفسية طبية أخرى.
۰ يبدو أن تأثير هذه الأعراض عليك طفيف لأنك ما تزال على اتصال بأصحابك ولا يوجد ذكر لتدهور أدائك التعليمي.
۰ قبل أن تراجع أخصائيا عليك التمعن جيداً في ما تطرقت إليه وحاول أن تبحث عن مصادر القلق في حياتك علاج أعراض القلق بالعقاقير يساعد الكثير ولكنه لا يقدر على غلق الباب الذي دخلت منه المشكلة والأزمة.
۰ لم توفق في الكلام سابقاً مع معالج نفسي وربما تناول عقار مثل السترالين Sertraline بجرعة 50 – 100 مغم صباحاً قد يساعدك على تجاوز القلق والأفكار الحصارية تدريجياً.
۰ وفقك الله دوماً.