حشيش وهلع وربما خلطة قلق واكتئاب!

نوبات

 أنا اسمي أحمد من مصر وعندي 26 سنة من عائلة متوسطة....
عشت حياتي زي أي شاب، مدخن وكنت مدخن للحشيش لفترة كبيرة من عمري، ومرة بعد ما رجعت البيت وأنا كنت شارب تعبت أوي، حسيت إني مش قادر أتنفس ومش عارف أبلع ريقي وإن صدري ضيق أوي وكنت حاسس إني هاموت....
 
ورحت لدكتور استقبال في مستشفى، قال لي إنت مفكش حاجة دي مجرد panic attack وقالي روح لدكتور أعصاب باطنة، ورحت وقالي برده مفيش حاجة، واستمر إحساسي بالموت والضيق دائم لم بفارقني.....
 
رحت لدكتور قلب وصدر وعملت كشوفات وبرده كان نفس الرد إن أنا كويس ومفيش حاجة نهائي وإن دي مجرد أوهام، ولما قلت للدكتور أنا مش قادر أسيطر على الأوهام دي أعطاني دواء (دجمتيل فورت 200) واستمرت عليه فترة كان بيريحني بنسبة 50 بالمئة.

ولكن استمر التعب مع الأيام، وبدأت ما أخرجش من البيت ولا أروح مكان بعيد وأحب قاعد لوحدي ولا أحب أركب عربية لأني بيراودني الإحساس إني تعبان علطول وبتخنق، مع إني كنت بحب السفر والخروج ومعتاد عليه كثير.

وبدأت أحس أن حياتي بقت جحيم ومش بحب أتكلم مع حد وبقيت حاسس إني ضعيف جدا مع إن أنا رياضي، وبقيت أحس بضربات قلبي ونفسي بسرعة وأتعب أوي لما أحس أن نفسي مش مضبوط.

أرجو من حضرتكم الإفادة لأني معتمد على الله ثم عليكم وأرجو سرعة الرد لأني في حالة متدهورة جدا.
 وشكرااااااااااااااااا
 19/03/2013