|
| 
|
جبان حتى النخاع
أولا أحب أشكركم على هذا الموقع الرائع ربنا يوفقكم ويجازيكم خير عليه.
مشكلتي الكبيرة التي أتعبتني طول عمري من ساعة ما كنت في إعدادي إني إنسان جبان جدا أخشى التشاجر مع أي شخص حتى لو أهانني أو اعتدي علي بالضرب أخشى الاحتكاك مع أي شخص حتى لو كان أصغر مني سنا أو أصغر حجما أو حتى لو كانت بنت تصور حضرتك في راجل في الدنيا كلها ممكن يبقى خايف إن لو تشاكل مع بنت تضربه.
أصبحت جبانا نكرة منعزلا أخشى الخروج مع أخواتي أو أخذهم لأي مكان أحسن حد يضربهم أو يحتك بيهم وأفشل في الدفاع عنهم لأني أساسا فاشل في الدفاع عن نفسي أصبحت حياتي جحيم بقيت خايف في أي مكان أو أي مناسبة أطالب بحقي حتى لو هو حقي لي خشية أني أتعرض للإهانة وماعرفش أردها أو أدافع عن نفسي مما حيتسبب لي في ألم وجرح عميق لأني بعد أي موقف إهانة لي أو مخدتش حقي فيه بفضل بالأيام والأسابيع في ألم وحزن واكتئاب شديد ومليش نفس آكل ولا أعمل أي حاجة حتى الشغل بقيت خايف أروح أي شغل أحسن مدير أو زميل لي أو حتى مديرة حد يهيني أو يشخط في أو يهزئني ومقدرش أرد الإهانة مما حيتسبب لي في ألم وحزن فبقيت ببعد عن أي احتكاك مع أي شخص ممكن يعرضني للإهانة حتى لو سكت عن حقي.
حاولت كتير أتغلب عن خوفي وأواجه لكني للأسف فشلت ما أن أتعرض لموقف فيه شجار أو محاولة رد إهانة عن نفسي وأحس إني بترعش وقلبي بيدق وبطني وجعتني ورجلي مش قادر أقف عليها ويبقى نفسي أرد أو لو قتال جسدي أفضل أتخيل مع نفسي إني بضرب وبأدب كل اللي يحاول يهيني أو يقرب مني لكن للأسف الحقيقة مختلفة ما أن أتعرض لموقف شجار أو إهانة إلا وأتلقى الضرب أو الإهانة وأعود للمنزل محبط ومكتئب مليش نفس لأي شيء أتمنى أموت وأرتاح من جبني وعجزي.
حياتي تحولت لجحيم بفضل أقول إزاي حتجوز وأكون مسئول عن بيت وأنا أصلا جبان وعاجز أفضل خايف من إني أكون ضعيف الشخصية ومراتي تتحكم وتسيطر علي وتهيني فأقول خلاص أنا مليش جواز بلاش أتجوز أحسن يحصلي كدة وأبقى ضعيف ومقدرش أسيطر على مراتي وبيتي أخشى حتى الأطفال اللي أصغر مني أخشى النساء حتى اللي هم أضعف شيء في الدنيا لو حتى تشاجرت مع أحد على النت لا هو شايفني ولا أنا شايفه لكن برضو ألاقي قلبي بيدق ورجلي بتترعش وأفضل قلقان يا ترى بكرة حيرد علي يقول إيه وأنا حتصرف معاه إزاي؛
حتى أصدقائي لو حصل بيني وبينهم سوء تفاهم في التليفون أظل قلق يا ترى لو شوفتهم حعمل إيه معاهم ولو تطور الأمر بيني وبينهم حيحصل إيه وأفضل قلقان ومتوتر لحد تاني يوم لو رايح مكان جديد أشتغل آخد كورس أي حاجة بكون خايف جدا وقلقان وبترعش وبكون خايف أروح أحسن أحتك مع حد ويهيني أو يضربني ومعرفش آخد حقي منه لو حصل موقف مع شخص والشخص دا قاطعته وجت مناسبة أشوفه في مكان أهرب من اللقاء دا خشية أنه يقل أدبه علي أو يهيني وأفشل في الرد عليه.
لو حد قال لي إهانة أو قل أدبه علي في شغل في كورس في أي مكان أبقى مش عايز أروح المكان دا تاني وخايف أقابل الشخص دا تاني علما بأني مع أهلي بكون جريء جدا وممكن أتنرفز وأعلي صوتي اشمعنى بره بكون جبان جدا.
أنا عارف إن رسالتي طويلة وبعتذر بس أنا بجد عايش في كابوس هل يا ترى في أمل أشفى من المرض اللعين دا هل يا ترى في يوم من الأيام حقدر أواجه الناس في الشغل في الشارع وأنا مش خايف وأنا قوي أقدر آخد حقي وأرد الإهانة
هل يا ترى حقدر في يوم أتجوز وأكون صاحب شخصية قوية على زوجتي وبيتي أرجوكم قولولي والله حاولت أتغلب على نفسي وخوفي وأواجه بس محاولاتي بتفشل كل مرة.
شكرا وآسف على الإطالة وأعتذر لو كان كلامي بالعامية أعتذر عن الكتابة هنا جدا بس رسالتي مابتتبعتش والله أعمل إيه.
أرجوكم أنا آسف مش حكتب هنا مرة أخرى
بس اقرءوا رسالتي وردوا عليها.
25/04/2013
رد المستشار
استشارة نفسية تعليمية Psychoeducational Consultation
نظرة عامة Overview: شاب يصف نفسه بالجبان.
التوصيات Recommendations
۰ شكراً على استعمالك الموقع.۰ ليس هناك ما يشير إلى أنك إنسان مصاب بمرض أو اضطراب عقلي يستعمل البشر عدة تعابير ومصطلحات لوصف السلوك وهذا ما هو واضح في رسالتك كلمة جبان خالية من المعنى ويمكن استبدال هذا المصطلح بما يلي: إنسان مسالم، إنسان رقيق، إنسان غير مشاغب، وغير ذلك.
۰ أما مصطلح جبان ففيه بعض الإجحاف بحقك، الإنسان الجبان هو الذي لا يواجه تحديات المجتمع وجهاً لوجه وإنما يقبل بها ولكنه في عين الوقت يعمل من خلف الكواليس لاستغلال الآخرين.
۰ قد يقول لك البعض، وهذه مقالة لا تخلو من بعض الصحة، بأنك تميل إلى القلق الاجتماعي وتتجنب الناس رغم ذلك فإن مصطلح اضطراب القلق الاجتماعي مصطلح فارغ من المعنى أحياناً ومصطلح اضطراب الشخصية التجنبية لا معنى له في الحياة العملية.
۰ الحل في يدك أنت فقط يجب أن تقبل بأنك مسرف بعض الشيء في تجنبك للناس وفي عمر يوجب عليك الاختيار والعمل لتغيير صفاتك الشخصية ابتعد عن استعمال مصطلح جبان و ابدأ باستعمال شخص مسالم تواجه التحديات بدون عنف، وتذكر أن هناك الكثير من الناس الأفضل تجنبهم تفكر في التخطيط السليم لتحقيق أهدافك المهنية والشخصية، والحل هو بيدك أنت أبسط الأمور هو عدم تجنب المواقف المحرجة ومع الوقت والتجربة ستدرك أن ما تتجنبه لا يستحق ذلك أصلاً.
۰ تجنب المراجعات الطبية وأكثر من المراجعات الاجتماعية مع الأصدقاء والأصحاب.
وفقك الله.
ويتبع >>>>: لا تراجع طبيبا ! فقط خالط الناس! م
تعليقات الأعضاء