لو قلبك ضعيف.....بلاش تقرى الموضوع ده....

 طارق....... طفل عمره عشر سنوات طالب في نهاية المرحلة الابتدائية......
 تقارير الباحثة الاجتماعية المرفقة معه.... تدل على أن معدل ذكاؤه حوالي 97%
 أي أنه معدل ممتاز.........
 خط سيره الدراسي.....قبل العام الدراسي الحالي...كان أكثر من ممتاز فالولد يحقق دائما مراكز مرموقة
 بين أوائل المدرسة....ومع بداية الفصل الحالي سبتمبر 2005.... بدأ مستواه التحصيلي في الانخفاض السريع
 حتى بلغ حد الرسوب في الامتحانات الشهرية للفصل.........
 طارق الطفل الأول لأبوين من الصيادلة..... وله أخت واحده.... ريهام......... تصغره بثلاث سنوات
 أبواه كما ذكر التقرير من الصيادلة.... مستواهم المعيشي.... متيسر..... الأب والأم لا تجمعهم صلة قرابة
 الأب والأم يتناوبان العمل في صيدليتهم الخاصة.. الأسرة مترابطة ....علاقة الأب والأم ممتازة
 وعلاقة الأسرة ببقية العائلة طيبة......
 كان هذا هو ملخص التقرير الذي أعدته الباحثة الاجتماعية وقدمته لي قبل دخول طارق
 لغرفة الفحص
 دخل طارق مع السيدة والدته..... ممسكا بيدها...... طفل نحيل الجسم جدا...
 ويبدو أنه أقل من معدل وزنه المفروض بدرجة ملحوظة........
 ذو عينين واسعتين شديدا السواد..... وشعر أسود كثيف ناعم يغطى أذنيه
 لبسه منمق جداااا ومتناسق بعنايه شديدة..... حتى حذاؤه.... يلمع بشدة....
 إزيك ياطارق.....؟؟؟؟؟ 
 لم ينظر الولد ... تجاهي بالمرة... ولم يرد علي سؤالي
 أزيك ياطارق........ أنتا مش عاوز تكلمني ليه....؟؟ 
 أنت زعلان مني....؟؟؟ 
 ولا مش بتحب الدكاترة.... طب إيه رأيك تأخد البالطو الأبيض بتاعي وتديني الجاكت الشيك بتاعك ده
 ولا كأني بكلم حد...... نظر الولد بعينيه للأرض ولم يرد على... وأخذ بين الفينة والأخرى يرمق
 والدته الجالسة أمامه بنظرة سريعة لكي يطمئن على وجودها معنا بالغرفة يعود بعدها
 بعينيه إلى الأرض مرة أخرى.......
 ماله طارق يا دكتوره...إيه الموضوع
 أنا الدكتورة سهام والدة طارق...... صيدلانية
 طارق كان طفل مثالي يادكتور ..... حضرتك عارف يعني إيه مثالي...
 مؤدب........ مطيع جدا...... عمري ما حسيت إنه طفل شقي زي بقية الأولاد
 صوته عمره ما كان عالي زي بقية الأولاد....
 طارق كان لماح جدا... كان حاد الذكاء.....
 دايما كان يسألني أنا ووالده أسئلة أكبر من سنه بكتير
 ودايما كنا بنرد عليه بالتفصيل والشرح الدقيق...ونعرفه الحقائق بالظبط... 
 كنا دايما نعامله على أنه راجل....... 
 كان طارق.... محور أهتمام الكل في العيلة...أنا ووالده وعماته وخالاته
 وفجأه يا دكتور وبالتحديد الصيف اللي فات بعد نهاية الدراسة.......
 رحنا المصيف كالعادة كل سنة..... لاحظت إن الولد بدأ يرفض ينزل
 يلعب مع أصحابه ع البلاج زي كل سنة..... وإذا رحنا البحر......
 ينزل المية بالعافية مع إنه كان بيطلع منها بالعافية السنة اللي فاتت
 أنا تخيلت أنه تعبان...... أو حد من أصحابه مزعله ولا... حاجة
 لأنه حساس جدا.... بس الوضوع طوول.... والولد أصبح يرفض يخرج مع أي حد من أصحابه
 ويرفض يخرج معانا كمان أنا ووالده وأخته... وكان لما حد من اصحابه ييجي العشة يسأل عنه
 يدخل ينام.....ويقول لي بطني واجعاني ياماما مش قادر أقابله......
 حتى أخته ماعدش بيلعب معاها زي الأول.. فضل على كده... طول الصيف
 رحت بيه لأكتر من دكتور أطفال... وكلهم قالوا مافيش عنده حاجة دا بيتدلع
 عليكم.... وفعلا فكرت أنا ووالده أنه ممكن يكون بيتدلع علينا...
 فتعمدنا إهماله شوية.... وقولنا مع العام الدراسى الجديد يمكن يرجع لطبعه
 ويتجمع مع زمايله في المدرسة..........
 لكن للأسف الولد كان بيقوم للمدرسة بالعافية...بعد ماكان كله نشاط وحيوية
 ويرجع من المدرسه ينام لتاني يوم....في الفتره الأخيرة...أصبح كثير الشرود
 لا يرد على أسئلتي أنا أو والده
 والده حاول أكثر من مرة يقعد يتكلم معاه......فكان لا ينظر إليه ولا يرد عليه
 وشوية شوية....أصبح الولد لا يغادر غرفته ودايما طافي النور وقاعد ف الضلمة
 دخلت عليه مرة غرفته وهو جالس في الضلمة وجدته يبكي...
 بصوت خافت مكتوم...كأنه أنين لا يريد أن يسمعه أحد
 طارق.......أخذته في حضني مالك ياحبيبي...مالك....؟؟؟؟ 
 خايف يا ماما.......خايف.........
 خايف من إيه ياحبيبي حد مزعلك.......؟؟؟ 
 خايف ربنا يدخلني النار يا ماما....هو ربنا هيعذبنا كلنا بالنار يا ماما
 
 يا ترى يا ماما لما نموت ها نعيش فين ويا ترى ها تكونوا معايا أنت وبابا وريهام
 ولا هكون لوحدي
 طار صوابي من كلمات ابني التي لم أسمعها من قبل من أي حد
 طارق............ وأحتضنته بخوف وفزع شديدين.........
 مين اللي قال لك الكلام ده يا طارق جبته منين يا حبيبي...؟؟؟ 
 مالك يا طارق مالك...؟؟ 
 خايف يا ماما .....خايف....
 وأطبقت حضني على الولد وأحسست لأول مرة أن شيئا ما يخطف ابني من بين يدي..
 أحتضنته حتى نام......وخرجت بهدوء شديد من غرفته حتى لا يستيقظ من نومه
 ولما عاد الدكتور سعيد والد طارق من العمل مساء......حكيت له ودموعي
 تنهمر ما حدث للولد.....فأشار علي بضروره التوجه سريعا لطبيب الأمراض النفسية
 أصابني الرعب من الكلمة نفسها.....ولكنني وافقته على رأيه وقتها......
 وفي اليوم التالي أخذت طارق لبيت ماما....وقصصت عليها ما حدث للولد منذ بداية الصيف وحتى
 اليوم....
 دكتور إيه يا سهام.....ليه..اسم النبي حارسه....هو أبنك مجنون ولا متخلف
 دا الأول ع المدرسة ربنا يحميه....الواد ده اأتنظر يا سهام....والنبي
 اتنظر......وفي ثواني أستدعت الشغالة.....
 روحي يابت للشيخ عثمان... في الجامع قولي له الحاجة عايزاك دلوقتي حالا......
 ما تجيش من غيره فاهمة.......؟؟؟ 
 وحضر الشيخ عثمان ...وسمع القصة كلها ونظر لطارق فأرتعد الولد خوفا
 الواد ده محسود ياحاجة......
 صدقتي كلام أمك.....البركة فيك يا شيخ عثمان....
 طارق ده نور عيني.....أعمل كل اللي تقدر عليه
 كله على الله ياحاجة
 وأخذ الشيخ عثمان يرقي طارق ويقرأ عليه آيات من الذكر الحكيم
 حتى نام الولد......
 إن شاء الله يصحى زي الفل بس بعد أسبوع عايز أشوفه تاني....
 وعندما رجعت للمنزل غضب والد طارق بشده ونهرني....فرجوته أن ننتظر هذا الأسبوع لعل الولد يبقى كويس وبلاش السمعة السيئة لما الناس تعرف إن ابني....حتة العيل ده......مريض نفسي يعني إيه
 أبوه وأمه مجانين ولا إيه....؟؟؟ 
 وخضع زوجي على مضض على أن نراقب الولد جيدا خلال هذا الأسبوع
 وتدهورت حالة الولد وبدأت ألاحظ أنه يجلس بمفرده يعد على أصابعه وعندما أسأله بتعد إيه يا طارق لا يجيب إلا بالبكاء.....مش قادر أبطل عد يا ماما.......
 ويستمر ف العد على أصابعه مرة أخرى..... دون النظر إلى وجودي....
 وكدت أصاب بالجنون وجئت إليك سيدي....  أرجوك...... لم يعد لدي أمل...
 إلا في رحمة الله... عن طريق الطب النفسي.......
 وانهمرت الدموع من عين الأم دونما صوت إلا...أنين مخنوق....
 ومرت لحظات تعمدت ألا أتكلم فيها حتى تهدأ الأم المكلومة..... وعدت ببصري من فوق النظارة الطبية
 لطارق فأومأ بعينيه إلى الأرض سريعا....
 طارق ممكن دلوقتي نتكلم مع بعض ولا عايزني أزعل منك زي ما ماما زعلانة.......
 أنا مش عايز حد يزعل مني ياعمو... علشان ربنا يحبني...... مش عايز أدخل النار
 بلاش تزعل مني وأنا هاتكلم معاك......
 قال جملته ثم أنهمك يعد أصابعه مرة أخرى.....
 أنا خايف من ربنا خايف مم المدرسة...
 خايف من كل الناس... عمو...صحيح أنا هادخل الجنة زي ماما  ما بتقول ولا هي بتضحك عليا
 نعم.... هو بعينه...... الوسواس القهري للأطفال.......
 بس سن الولد صغير جداااا.. ممكن... فيه حالات متسجلة أصغر من كده.......
 الأعراض والتطورات واضحه جدااااا باقي حلقة واحدة مفقودة لو وجدتها سأبدأ العلاج وأنا مطمئن فوراااااا
 وألتفت إلى والدة طارق.....
 قوليلي يا دكتورة سهام..... طارق قعد يعمل{ ببي }على نفسه لسن كام سنة.....
 أنا معنديش حد م الأولاد بيعدى السنتين ونص إلا ويكون بطل تماما التبول على نفسه
 طارق وريهام..... كل ساعتين بأنتظام كنت أحطهم على القصرية حتى في الشتا والبرد
 إلا النضافة يادكتور... الموضوع ده كان مهم عندي جدااااا والحمد لله ولادي أول أطفال
 في العيلة تتحكم في نفسها في سن صغير.........
 قولي لي يا دكتورة طارق بيطلع رحلات المدرسة....؟؟؟؟ 
 طبعا يا دكتور عاطف.... إحنا محرمناش طارق من أي حاجة....
 ولما بتطلع بتروح تشتري حاجات حلوة مع أصحابك ياطارق...
 لا يا دكتور....... آسفة أنا معودة أولادي.... مافيش حاجة من برة
 مفيش حاجة من أي حد... حتى وإحنا في أي زيارة برة  البيت أي حد يقدم لهم حاجة...يقول متشكر ولا يمكن ياخدها أبدا
 ليه يا مدام.....؟؟؟؟ 
 معلش يا دكتور الاحتياط واجب دول أطفال معرضين للعدوى من أقل شيء
 طفيليات
 ديدان
 فيروسات... حضرتك عارف
 طارق بيستحمى لوحده يا دكتوره.....؟؟؟ 
 يعني إيه...... ؟؟؟؟؟؟؟؟ 
 يعني بيستحمى في الحمام لوحده ولا حضرتك بتكوني معاه........
 بكون طبعا معاه..... بخاف يتزحلق في البانيو لوحده....
 أو يقع على الأرض وهو مبلول أو ما يعرفش ينضف نفسه كويس
 بادخل معاه ومع أخته كمان
 طارق بيتفرج على التليفزيون يا مدام......؟؟؟؟؟ 
 دكتور عاطف...... إحنا ناس ملتزمين.... حضرتك والدكتور...
 مربى الأولاد من صغرهم أن التلفزيون برامجه حرام..
 هوه موجود عندنا أنما للبرامج الدينيه فقط.........
 وبعدين حضرتك معروف عنك الألتزام... المفروض ما تسألنيش عن
 الكلام الفاضي ده... ثم ده ماله ومال مرض الولد..........
 أغلقت الأجنده..... وأخرجت طارق خارج غرفة الفحص
 دكتورة سهام أبنك مصاب بوسواس قهري الأطفال....
 ويمكن بنتك تصاب بيه هي كمان........
 والسبب واضح يادكتورة أنت والدكتور....
 قتلتم طفولة إبنك...... منعتيه من ممارسة...حقوق الطفل
 حقوق الطفل في أن يخطئ...... يصاب في اللعب
 يصاب من الأكل خارج المنزل بالديدان..... بالتيفود
 باللوز.....
 كلنا خدنا ديدان وتيفود ولوز... واتعالجنا منها بسهولة
 واتعلمنا من ألم المرض ألا نقع فيما يمرضنا....
 أنت حميتيه أكتر من اللازم..... حميتيه عضويا فقيدتي طفولته
 وأصبتيه بمرض الحرص الزائد الذي أدى بالولد أن أصبح يحاسب نفسه على
 ما سيفعله الله به يوم القيامة وهو في العاشرة من عمره.....
 نقلتى عقله من العاشرة إلى الخمسين...........
 بتعليماتك الصارمة... تحذيراتك من مخالفة الأوامر....وتحذيراتك دائما
 من عذاب الله دون ذكر لواسع رحمته......
 أرجوكي مع علاجي يادكتورة...... أتركي ابنك يخطئ ليتعلم
 لا تحميه من كل شيء
 ذكريه برحمة الله الواسعة أولا قبل غضبه
 لا تدسي نفسك في حياته الخاصة
 لا تدخلي مع أبنك أبدا الحمام لتتأكدي من نظافته.....
 اتركيه....لعله يسقط أثناء اللعب في الطين فيعرف وحده كيف النظافة
 لا تهدري حريته بالنظر إليه عاريا.... 
 دا..... لسة عيل يا دكتور........ 
 سيظل عيل في نظرك مدى الحياة.....ولكن هو في نظر نفسه ليس كذلك
 اتركيه يكتشف معالم جسمه وهو وحده بالحمام....
 اتركيه يا دكتوره فقد قضى حرصك وحبك عليه ونقلت له وسواسك ولكنه تلقاه وهو
 في سن صغير فلم يستطيع المقاومة فأدخله غيابة الاكتئاب...........
 دكتوره سهام.........
 أكسري اللينك... من فضلك......... أرجوكي...
 حاضر يا دكتور....
 أعطي طارق العلاج..... مرة واتركيه يأخذه بنفسه بعد ذلك
 وأراه بعد أسبوعين....
 سااااااااااايد.......
 كوبايه اللمون جاهزه ياباشا..... واللمبه الحمرا مولعة........
 
واقرأ أيضاً:
حواديت طبيب.....نفساني...... / مصر 2006 مش ها تقدر تغمض عنيك