بسم الله.... حلال الله أكبر....

{السلام عليكم}.... هي تحية اللقاء وهي دعوة الله تعالى أن ينعم على المتلاقين بالأمن والطمأنينة..
 ولذلك يكون الرد بأفضل منها وإضافة الدعاء بالرحمة من الله والبركات فجاء الرد وعليكم السلام ورحمة الله وبركاته ولكن بما أننا ناس ........ غير مبذرين.......ولا نتصرف بأي كلمة في غير موضعها..... لذلك قررنا التوفير حتى في الدعاء فأصبحت التحية المتبادلة بيننا...{سلامو عليكو} ويكون الرد...{وعليكو..} .....ثم وصلنا لمرحلة أكثر تطورااااا... فأصبحت التحية..{عليكو..} والرد {وأنت كمان..} وربما تنطلق بعد هذه التحية خناقات..... ومقالب...... وزونب....... لرب السمااااا..
 
 وبذلك تفقد التحية معناها وتصبح نوعا من الافتراء والكذب على الله سبحانه وتعالى... لأنك لو ركزت في معنى التحية هاتلاقيه أربع حروف... س... ل.. ا.. م سلام.... والله اسمه السلام..... والدين هو الإسلام...
 
 وكلها أسماء تشير للأمن والراحة والطمأنينة وإعطاء الأمان لمن تلقي عليه السلام......... ولذلك...... أنا ليا رأي يا جماعة.... أرجو أن تشاركوني فيه........ لو كنت ناوي تقابل واحد عشان ترقعه مهموز أو زومبه..... أو خناقة تكسر له فيها ضلع ولا تخرم له فيها عين......... فيلاش تكذب على ربنا وتخش عليه بالسلام شوف لك تحية تانيه........ بون جور...... هاي خنفس..... صباح شريف أفندينا........ حاجه كده......
 
 أو عندي فكرة......... وبرضه تبقى ماأستخدمتش لغة الفرنجة...... لو رايح تقابل واحد وناويله على نية سوده قل له..... بسم الله والله أكبر.... حلال الله أكبر..... على أساس أن فيه مجازر هاتحصل.. والدم هايكون للركب فإذا كنت أنت الشخص المقابل فعليك الرد بنطق الشهادتين....... ثم والرد عليه { إنا لله وإنا إليه راجعون} دا لو كنت أنت الأضعف........ أما لو كنت أنت الأقوى..... فردك حتما سيكون..{ الله أكبر فوق كيد المعتدى...} الصغيرة..... بسنت.......... سبب تعقيدي......
 
 أنا شخصياااا مررت بهذه التجربة حينما أصابني الغيظ الشديد عندما سمعت الإعلان الشهير في إحدى محطات الراديو الخاصة..... والذي وضعني في حرج شديد مع بنت أختي....... الصغيرة بسنت...... التي لم تتعدى الست سنوات.......
 
 كنت أقود السيارة ومعي زوجتي وابنتي نهال..... وأختي الدكتورة عزة وابنتها بسنت...... والراديو شغال على محطتي المفضلة...... وإذا بإعلان عن خط ساخن..... تطلبه سعادتك ويحل لك أي مشكلة جنسية مع الجنس الآخر.......... ويدلك على الحل ويطمنك أن كله تمام وفى سرية تامة وخاصة لو كنت مقدما على الزواج.... وخايف من أ ي خيبة غير متوقعة........ والنصايح دى هاتخليك عنتر زمانه وانتهى الإعلان............
 
 وسمعت صوت صغير.... مسرسع..... ينطلق من المقعد الخلفي للسيارة..... خالو........ يعني إيه الجنس الآخر.....؟؟؟ بس يا بسنت...... دا كلام للكبار وأنتي لسه صغيرة.......... يا خالو..... أوعى كمان تقولي ومطلعتيش من البيضة...... أنا لسه مقشرة البيضة ووكلاها النهارده الصبح...... بس مشربتيش اللبن....{محاولة مني للغلو شه على الموضوع.....} أنا مابحبش اللبن ورد على السؤال لو سمحت.....
 
 يا بنتي اسكتي أنا مش عارف أسوق......... هو أنت بتسوق بلسانك يا خالو.....؟؟؟؟؟؟ بس يابت......{أختي الدكتورة عزه....}.
 هوه كل حاجة بس..... بس...... ماشى يا خالو ما هو أنا لو كنت عيان من اللي عندك ف العيادة كنت عبرتني هنا....... نويت دبحها.......... وقلت بصوت مسموع للكل بسم الله... الله أكبر....... حلال الله أكبر...
 
 يا سادة........ أنا لست ضد الثقافة الجنسية.... ولكن مش على الملأ.... بالشكل ده كفاية مشاكاة الزواج العرفي والأطفال المتلطمة ف المحاكم مش لاقيه نسب أو عائلة تضمها.... ياااااارب....ماتجيب علينا اليوم اللي تنتقل فيه الكاميرا إلى إذاعة خارجية... لنقل وقائع ليلة الدخلة من غرفة نوم العروسة والعريس.... والمصيبة لو كان العرس....... جماعي ف الأستاذ......يا رب خدني قبل اليوم ده.............
 
واقرأ أيضاً:
هل أنت مصاب بالفضول المرضي؟؟ / حتشبسوت... قفلوا عليك يا حلوه تابوت