تاراباتاتوووووه (7) الباقي لو سمحت!!

 تاراباتاتووووووه (6)  
الباقي لو سمحت!!
الفلوس طبعا إحنا عارفين أد ايه هي مهمة! و علشان كده لما نقرر إننا ما نصرفش منها جزء يبقى علشان هنوفر أو علشان فيه حاجة ثانية كمان غالية... ألا وهي مشاعرنا نحو الأحبة!!
 
كل ما أركب أي مواصلة بيبقى فيه باقي والباقي يعني فلوس وقلما ألاقي فلوس مش مكتوب عليها حاجة وطبعا أشهرها للذكرى الهباب وأيام العذاب، لكن فيه حبي ليك مش هينتهي.. وحبك نار.. وحبيبي على طول.. ومنى وأحمد وأتمنى لك مستقبل باهر والتقدم مش عارفة تقدم في بالضبط!! لكن أهو تقدم وخلاص.
 
كل دي مشاعر كانت بين اتنين وعلشان يحافظوا عليها من الضياع قال إيه كتبوها ع الفلوس فمفيش أغلى من الفلوس لما استغنى عنها علشان حبيبي ويا ريت فلوس دة بالكتير قوي بيبقى ربع جنيه وانت نازل ولا مؤاخذه، وأسأل نفسي يا ترى ليه الأحبة بيفرطوا في المشاعر دي اتزنقوا مثلا في الربع جنيه ده؟ ولا خلاص الحب راح ولا مفيش حب؟ ولا إيه النظام بالضبط؟

دي بقت دليل إدانة ونسيان مش دليل حب وعرفان صحيح اللي اختشوا ماتوا وكل يوم الواحد بيشوف إننا على رأي الست ظلمنا الحب وهو بريء من عمايل المحبين السودة لأنهم أصلا نصف كم، وعلى رأي اسمو ايه كتكوا الأرف ماليتو البلد!!
 
كنت عاوزه أكلكع الموضوع وأتكلم عن بعد نفسي فيه مش عارفه يمكن أرجع ثاني أتكلم فيه.
ويتبع >>>>: تاراباتاتووووووووة (8) بشر مختلفون
واقرأ أيضًا: 
يوميات مجنونة صايمة مقدمة / من أنت؟