طبعاً لعيب جامد وحلو قوي بس جوه الملعب!
انهارده شفته في التليفزيون وهو مذيع!!! طب ليه مذيع؟ هو التليفزيون هيفضل لغاية إمتى كوسه ومتخلف وما بيديش فرص بجد؟ طب هو راجل جامد ومحترم في اللعب ليه يبقى مذيع؟ انتو عارفين لو حاول يقدم على وظيفة مذيع من غير ما يبقى نادر السيد كان زمانه واخد بالشلوت بره مبنى ماسبيرو وطلعت فيه القطط الفاطسة والصاحية والنص نص.... طب ليه يبقى مذيع؟
حتى لو البرنامج نجح... هينجح علشان هو نجم وليه جمهور بيحبه وكمان علشان بيتكلم في الكورة... والكورة طبعا موضوع مهم يعني هيتشاف هيتشاف.
طب بالله عليكو يبقى دة تليفزيون محترم؟!! لا عنده مبدأ ولا ذمة المهم البروباجاندا والفلوس وبس.
يخلي اللي بياخد هو اللي يفضل ياخد واللي مقطوم رقبته يفضل بردو مقطوم رقبته وبعدين نقول هو الناس مالها بقت حقودة وتعبانه وعينها في الي في ايد غيرها... وأكيد ماقصدش نادر بس اقصد كتير من اللي كوشو على كل حاجة كانت ممكن تكون فرص ذهبية لناس تانية تتكلم بدلهم لان عندهم إمكانيات إعلامية من أول الشكل لغاية الحضور والتميز.
ومكنش بردو هيمس نجوميتهم أو حب الناس ليهم.
مع الاعتذار لنادر ومحبيه اللي أنا حد منهم لأني ماقصدهوش تحديدا لكن قصدت الكوسة والاستهبال.... اللي يفرس بلد.
ويتبع >>>>: يوميات مفروسة نادر السيد مشاركة
اقرأ أيضاً:
يوميات مفروسة: المزنوق / يوميات مفروسة العزووومة / يوميات مفروسة: يا نهار اسوح!!!
تعليقات الأعضاء