يوميات مرفوسة نادر السيد مشاركات

يوميات مفروسة: نادر السيد!
مشاركة 1
أرسلت أم محمد (29سنة، الولايات المتحدة الأمريكية) تقول:
 
السلام عليكم ورحمة الله.......
قرأت الموضوع وتعبت من العامية المصرية البحتة التي كتب بها... وتحسرت على مستوى مجانين اللغوي الذي بدأ بالانحدار... أطلب وأرجو رجاء حارا أن تعودوا للعربية الفصحى.. فمجانين ليس فقط للمصريين.. مجانين للعرب والمسلمين جميعا وبدلا من نشر العامية بيننا.. والتي يكفينا لها نشرا التلفاز والفضائيات..حاولوا تعويد أعيننا على قراءة الفصحى والاستماع بها.
 ودمتم لنا.
 6/2/2008
 
إذا كان فيه حد بيحافظ على اللغة العربية الفصحى فهيبقى أكيد الدكتور وائل لأنك ما شوفتيهوش زينا بعنينا وهو بيشرب عشرين فنجال قهوة ونسكافيه في اليوم عشان ما ينامش لأنه بيراجع بنفسه كل كلمة وكل إجابة وكل مقالة علشان خاطر اللغة العربية بالذات والي بسببها لو كنت متابعة المدونات وبتشوفي الحلو وتشيدي بيه زي ما بتشوفي اللي مش حلو وتبعتي تقولي تحسر وانحدار انو كتب مدونة بيخاطب فيها أي حد أنو محتاج لمن يقرا بشدة!!! ، وأنو بيجي على نفسه وهو منزل نَص لمشكلة وفيها أخطاء نحوية أو لغوية أو فجاجة في اللفظ والتعبير ويمكن كمان في إجابته عليها بيعلّم صاحب المشكلة الكلمة الصح أو على الأقل بينبهوا انو يتكلم باللغة العربية وبيمدح الي بيتكلموا بيها!!! 
 
وكمان ما ينفعش نكون بنتكلم عن مدونة ونقول لغتها مصرية عامية لأن القانون الوحيد للمدونة والمتفق عليه بالإجماع أنها ليس لها قانون ولا صيغة ولا قالب معين إلا طبعا أنها ما تتخطاش الأخلاق والعادات أو أنها تكون تافهة ومالهاش معنى وإن كان فيه مدونات متخصصة في قلة الأدب وكسر التقاليد والتفاهة بجدارة ومش متصورة أنك شفت مدونة واحدة من مدونات مجانين من الصنف ده حتى المفروسة منهم وكمان بتناشدي إننا نرجع للغة العربية؟!! ونسيت كمان أنها حد مصري بيتكلم عن اللي بيضايقها في المجتمع المصري تحديداً.
 
كان نفسي تلاحظي كل ده، ويمكن تكون دي فرصة ليا أني أقول كلام لدكتور وائل عمري ماقلتهولوا وجها لوجه وانو ما يحذفهوش لإن أي حد بيبعتلوا مشاركات فيها مدح لشخصه بيحذفها غالبا فأرجو ألا يفعل؛
وهو أني فعلا بشكره على المجهود المضني اللي بيعمله علشان الموقع يخرج للناس بالشفافية والصدق والحفاظ على اللغة بالشكل ده
وانو من القليلين اللي بيجتهدوا بصدق عشان يقدموا طب نفسي إسلامي إنساني
وانو من القليلين المتواضعين جدا خصوصا لما يكون مجال التواضع فيه قليل زي المجال النفسي
وانو بيقدم الخدمة النفسية وحرية التعبير من موقعه حتى للراجل اللي ماشي في الشارع من غير مقابل إلا رضا ربنا والطمع في ثوابه وكذلك اللي معاه من المستشارين الأفاضل.
 
فاضل حاجة صغيرة وهو أني مش كاتبة اسمي الحقيقي لأني طول الوقت أستخدم اللغة العربية الفصحى في كتبي وأبحاثي وغيره مما لا تعلمين... ويمكن الدكتور وائل بعت المشاركة ليا وكان ممكن يرد هو عن المشاركة لأنه بيحب كل واحد يتحمل مسئولية كلمته لأنه من الأساس بيثق في الناس اللي بينشر لهم أو بيشتغلوا معاه.
 
وشكرا على النصيحة
جوافة
 
مشاركة 2 
أرسل محمد على حشيش (37 سنة، مهندس، مصر) يقول:
مليون مفروس 
 
أختنا جوافة.....
لا الحال كما تحسبون وتفترسون لمجرد بسبب أحمد شوبير أو نادر السيد أو غيرهم على هذا المستوى. وأنكم أصبحتم اثنين "مفروسين".
أحب أن أطمئنكم أن المفروسين 80 مليون ولكن للأسف لا يعلمون برابطة المفروسين المزمع إنشائها على الموقع.
 
هناك 80 مليون إلا قليل مفروسين لعدم وجود الخبز والماء النظيف أو حتى غير النظيف، مفروسين لعدم وجود عمل أو مستقبل، مفروسين لزيادة الحديد والتبرير بالزيادات العالمية لغلاء كل شيء، مع العلم أنه لا يذكر كلمة العالمية إلا ما هو ضد تلكم 80 مليون إلا قليل.
 
أما القليل، أيضا مفروسين.. لأنهم يجدون ال 80 مليون إلا هم، لا يزالون موجودين ولسان حالهم يقول "هما الناس دي مفيش فايدة فيها، لسة عايشين برغم اللي بنعمله فيهم". مفروسين أيضا لأن "بيل جيتس" حقق أرباح طائلة بجهده وشركاه وليس على طريقتهم.
 
 مفروسين لأنه للأسف لا يزال هناك شيء واحد لم يستطيعوا التحكم به بعد ألا وهو الهواء وإن كنت أتوقع أن يتفتق الذهن العبقري على دفع قيمة استهلاك هواء بناء على حجم المكان الذي تسكن به وكذلك في الشارع بحد أدنى حجم جسدك الشاغل للحيز الفراغي.
 
 كما تفتق عن محاولة حل مشكلة المواصلات بتسيير السيارات ذات الأرقام الفردية في أيام والأرقام الزوجية في الأيام الأخر. ويا لها من عبقرية ذات تاريخ وحضارة.
 من يحدثكم.. غير مفرووس.. لأن المفرووس يجب أن يحدد من أي شيء هو مفرووس؟؟. ولا أعتقد أن قدراتي تسمح لي بهذا التحديد.
 5/2/2008
 
 ده الموضوع طلع كبير قوي والظاهر انو فعلا هنعمل رابطة المفروسين بس تفتكر هيطلبوا مننا إيه يفرسنا عشان الرابطة دي تبقى موثقة ومعترف بيها؟
 عموما أنا مبسوطة أنك لسه مش مفروس لأنك ما صنفتش نفسك تتفرس من إيه لأن كدة هتلاقي لسه مساحات كتيرة قابلة لأنها تبقى موضع للفرسة أكتر من الهوا الي بنتنفسه زي أني مقدرش حتى أدفن وأنا ميتة إكراما لموتي، ويفضل سايح دمي على الطريق في حادثة في طريق الجيزة يتخبط فيها 15 عربية ميكروباص ولوري وملاكي من الساعة خامسة الفجر مش بسبب الشبورة بس لا كمان بسبب الإهمال اللي زاد الحد في الإنارة ووجود أماكن إسعاف قريبة ومجهزة أو أن الناس تتعلم إنها في الشبورة ما تنورش نور الفانووووس يا ناس لأنه بيزود عدم الرؤية.
 
 سلام
 جوافة
 
 مشاركة 3
 أرسل عمار ياسين (اللي مش مفروس) (18سنة، طالب، مصر) يقول:
 
 السلام عليكم ورحمة الله وبركاته,...........
 تحية ولوم: أيتها المفروسة..
 أولاً.. أحييك على فرستك دي إنها فعلا في محلها وكتييييييييييييييييير جداً بيعاني منها فعلاً لكن نيجي بقى للجُزء اللي يكون لاحق للفرسة دي..
 
 اللوم بقى.. ألوم عليك إنك فعلا قلتي شيء متفقين كلنا على إنكاره وهوا إن للأسف دلوقت الإعلام (باظ) واتفرجي على دريم ون وتو وشوفي بس في الأسبوع الواحد كااااااااااااااااااااااااااااااااااام ساعة مُخصصة (لنجوم الكورة اللي عربيتهم عوجاء-زي د.مصطفى عبده) وإعاداتهم قد إيه مقارنة بخريجي الإعلام..؟؟
 
 ونيجي نشوووووف برضه الغير (إعلاميين)مش شرط يكونوا رياضيين.. وبرضه كتير للأسف وليهم أوقات مهولة.. لكن اللوم بقى إنك حاولت تقولي إن الشخص (الوضع الحالي) دا محتاج إعادة رؤية بجد.. لكن هل فعلا أوضحت لهم أي شيء يحاولوا يمشوا عليه خاصة (الشباب..أنا وأنت وغيرنا؟؟؟)..
 
 لازم يا مفروسة نتفرس ونتضايق وكل دي أمور طبيعية لأننا (عندنا إحساس) لكن برضه ننبه باستمرار.. إن دا مش نهاية المطاف ولما نتميز فعلاً في شيء ومناخدش حقنا نتكلم.. مش نتكلم قبل ما نتميز في أي شيء بأي حجة سواء كانت حقيقية أو مش حقيقية لمجرد وهمنا ليها.. بلاش نبقى من حزب(خربانه)..
 تحياتي.
 5/2/2008
 
 لا خالص أنا مش من حزب خربانه ده بس أنا بتكلم في الحاجة اللي بتفرسني ومش معنى كده أنه مفيش حاجة كويسة بس أنا بكتب في الحتة دي،... يعني مثلا ينفع أتكلم عن المغفرة بتاعة ربنا واحنا بنشرح قدرات ربنا في الانتقام مثلا؟
 
 عشان كده أنا بكتب في الحاجات اللي بيضايقني فمش مطلوب مني إني أقول للشباب يعملوا إيه إلا إذا أنت كتبت مدونة تتكلم فيها في الحتة دي يبقى يا ريت فعلا والله بس شكلك ثانوية عامة ومزنوق بس فكر، لكن عشان خاطرك أنت بس أنا ممكن أفكر معاك في أنهم يتعلموا بجد حتى لو من بره المناهج ويفهموا كويس علشان يغيروا حقيقي وإنهم ماييأسوش حتى لو كانت الواسطة والكوسة كتير؛
 
 وعلى فكرة يا عمار أنا اعرف شباب وبنات زي الورد شكلهم مقبول جدا ولغتهم قوية وليهم كاريزما لكن فعلا مش عارفين يوصلوا لأن الناس التانية سادين الطريق.
 
اقرأ أيضاً:
يوميات مفروسة في النص؟! /  يوميات مفروسة... الرجالة والي جرالها