عيال صايعه..... بس عندها منطق!

عيال صايعة.. بس عندها منطق..!!
منذ أيام قليله كنت جالسا مع أبنى الصغير الذي لم يتجاوز الثانية عشر من عمره.... وبما أنى أب... قلت له على سبيل النصيحة...... عارف يا ابني نابليون بونابرت... وهو عنده 12 سنة زيك كده كان الأول على جميع الطلبة في فرنسا..... فقال لي أيوه يا بابا عارف.... وعارف كمان أنه وهو عنده أربعين سنه... زيك كده.... كان إمبراطور فرنسا كلها.........

أنا في الحقيقة وشى زنهر وودانى أحمرت ولم أستطيع الرد لأن كلامه كان منطقي أبن ال....... ولكنني أقسمت بيني وبين نفسي أن أظل وراه حتى أفحمه؛

وفى جلسه أخرى قلت له وأنا برضه ناصح له.... أحسن حاجه يا ابني النوم مبكرا والاستيقاظ مبكرا، بدل السهر طول الليل أمام البلايستيشن والاستيقاظ بعد العصر.... أنت عارف أن العصفور اللي بيقوم بدري م النوم بيلقط الدودة قبل من الأرض قبل زمايله..... فقال لي وهو ناظر إلى سقف الغرفه..... دى يابابا مش مجدعه منه..... دى خيبه من الدودة اللي قامت من الصبح بدري تتمرقع وتتمشى ع الأرض لوحدها والعالم كلها نايمه........ وكادت عينى تتطق شرارا وأهتزت أمامي أعوامي الأربعين وأنا أفقد الثقة في نفسي أمام هذا الفسل ذو الأنثى عشر عاما.

عملت اجتماعات مغلقه مع مراتى وقضيت أسبوعا كاملا في التدبير والتفكير.... وأخيرا اهتديت لما سوف يجعلني أفحمه بحق وحقيق.... فقلت له ذات مساء... عارف يا ابني... طاعة الأهل مهمة جدا... عارف قصه الخروف الصغير الذي لم يسمع كلام مامته ومشى بعيد عنها لوحده.... فطلع عليه الديب وأكله... فتنهد بعمق..... فأستبشرت خيرا....... أخيرا أقنعته وأفحمته... وأذ به ويقول لي بهدوء شديد..... وهو يعنى لو كان سمع كلام مامته ماحنا كنا هانكله في العيد الكبير.... يعنى هيتاكل...... هيتاكل.......

وانتفضت من مكاني خارجا من المنزل.... ولم أعد إلا في المساء بعد أن تأكدت أنه نام... وفى جلسه عشاء قلت له بحنيه بالغه أنا عايز أحكيلك قصه شمشون الجبار يا أبنى تحب تسمعه .... قال.... أسمع... وحكيت له عن قوته التي تكمن في شعره الطويل..... ألخ.... ألخ... وبعد ما انتهيت من الحكاية أردت أن أختبر مدى استيعاب ابني للقصة ومغزاها فسألته يا ترى أيه الحاجة اللي عند شمشون ومش عندي يا حبيبي وأنا أشير إلى رأسي لأسهل له الإجابة فأجابني على الفور وهو يترك الغرفة، العقل طبعا يا بابا....... وقلت لنفسي بمنتهى الهدوء..... دى وجهه نظره..... الصبر يارب.....

وانصرمت عده أيام وقد عقدت العزم على أن أناقشه في موضوع أكبر من سنه عشان يخرس خالص..... فقلت له ساعة عصريه وأنا أشرب الشاي تفتكر يا ابني لماذا تعتبر الضريبة التي تأخذها الدولة من بائعي الكلاب ضريبة غير مباشره.... فأجابني بثقة شديدة... عشان بيخدوها من البياع مش من الكلب مباشره....
قمت من مقامي.... أخدت حبايه الضغط.... وقرص مهدئ قوى جداااااا....... وأتخمدت.......

واقرأ أيضاً:
حدث في يوم شم النسيم...... / يا عيني ع الدكاترة....