الرسالة الأولى.. لا يُمْكِنْ!!

برغم اللي حاصل

ورغم اللي بحصل

ورغم اللي لسه..

هيحصل كمان

لايمكن هسلِّم

ولااقبَل أطاطِي

لمجرم وواطي

وندل وجبان!

*****

الرسالة التانية.. ما ظُنِّش!!

تفرد جناحك!

تفرض حصارك!

تزوِّد سلاحك!

تشعلل ف نارك!

تهدِّم ف دورنا!

وتنسف جسورنا!

وفاكر دا كله..

هيقسم ضهورنا؟!

ما ظُنِّش!!

****

الرسالة التالتة.. أَسَلِّم!!

أسلِّم سلاحي..

واعيش تاني ليه؟!

ما أبويا ف سجونكم

قيوده ف إيديه!

وأمي ما ماتت

حزينةْ عليه!!

واخويا الصُّغَيَّر

دموعه ف عنيه!!

وربي ان سألني..

هجاوبه بإيه؟!!

واقرأ أيضًا على إبداعات أدبية:
القلب مني، إلى طبيبي ، إلى الحلم الجميل ، كان يأتيني ، حيرة وقرار ، الجمال الحزين ، كذَّابة،ما أعْـمقَ ما أسمَى ، ليس شعرا! ،مـَنْ؟؟، عجبٌ ، خَـلْـخَـلَـهْ!، بكائيةٌ لا تعرفُ الضحك الجديد ، موت الفرسِ الأشهب!، لمْ ، يا صعبة ، لـوْلَــوهْ!! ، كَـلِماتٌ للقِطَّـةِ!! ، مَعْـشوقَةُ الأحزانِ !! ، لو مرةً! ، تعالي..تعالي! ، مَـشَـقَّـةٌ، بِـلالُ العِشقِ! ، أعظَـمُ منْ حبٍّ!