مبقتش بتعرف تبنى البيت الرملى

مبقتش بتعرف تلعب طاوله معايا

ولا تيجى تاخدنى من الشغل الضهر

ونخرج ناكل كشرى

وبعد ما نخرج

نجرى نسابق عربيات الرش فى عز الصيف

كنت حنين قوى على قلبى

كنت تخاف على صورتى الساكنه فى جيب البدله

ليوم تتكرمش

فبقيت بتسيبها فى بيتنا

وبقيت تنسى تقولى بحبك

.......

-2-

يشغلني عياط البنت وهي بتصرخ :

- بابا

يتوغوش قلبى

أفكر أسمع صوتك فى التليفون

اتفاجىء لحظه بانى نسيت النمره

.......

-3-

مليت من فيلم دعاء الكروان

فاكره لما سمعناه اول مره

وبكيتلك يومها وضميتنى

غنيتلى

لو كنت يوم انساك
نفسى اشوف الفيلم معاك تانى

.....

-4-

- الواد بيحب

- بيحب؟ أهو ده اللى كان ناقص

ياااااااااااه

فاكر أول مره تقولى بحبك؟

اول مره بنسمع شاديه

اول مره تجيلى الجامعه

.....

-5-

- وحشتنى خروجه الكشرى

- مشغول

- طب تيجى نروح البحر؟

- ده احنا ف عز البرد !!

كنا بنبى البيت الرملى جنب البحر فى عز البرد

كنا بنجرى ونروى كعوبنا بلون الميه فى عز البرد

....

-6-

لسايا بكتب شعر

ولسه بنقش الاحلام على بابى

ولسه حروفك الاولى اللى سكنانى بتعشقنى

ولساك بتحب منير زي مانت

بس مخدتش بالى ابدا ابدا

انك انت كمان

لسه بتسمع شاديه

لأ وكمان لسه بتقرا جاهين
 !!!!!!!!!!!

شعر : سمر إمام
 واقرأ أيضًا على   إبداعات أدبية:
 رباعيات مجنون 2006 ،  سباعيات المجنون الفصيح1 ، سباعيات المجنون الفصيح 2  ، سباعيات المجنون الفصيح 3  ،سباعيات المجنون الفصيح 4، سباعيات المجنون الفصيح5، سباعيات المجنون الفصيح 6 ، سباعيات المجنون الفصيح (7)، سباعيات المجنون الفصيح (8)، سباعيات المجنون الفصيح (9)، سباعيات المجنون الفصيح (10)، سباعيات المجنون الفصيح (11)، كائنات خالية من الضوء، اشرب واحمد الله ، الريح والورد، القضية، من ملفات المهجر ، ذكريات ومشاهد من الحرب  ،الشيخ عبيد ، قالت: هو الوداع  ، باسم أطفال فلسطين: جنين، عفوا يا سيدتي!، أطفال الحجارة، فين العَلَمْ..؟؟، أنشودة سجين، من أشعار الوطن اللاوطن، "خُبط" أصبحنا، رسالة من إفريقي إلى إيما لازارْ، من قصيدة لبغداد، قـلَّـةُ فَـهْـمٍ قـليـلَـةُ الأدَبِ!، تقوى!،بيقـولـوا ..: عملوا لنا كـويز!!، أصواتُ العربِ!، لماذا ...... لماذا ؟!!، شكرا لكم: سليمان خاطر، عندما تتحطم الأحلام، بعد سفك دماء الحرف، إلى مريض الوسواس، إلى مريض الفصام، دم الشهيد.. ، بين عقلي وبين جنوني: شعرة، دنيا النص ف الميَّة، دفء البعاد!، رباعيات مجنون (1)، رباعيات مجنون (2)، رباعيات مجنون (3)، ضرب الودع، لماذا أحببتك؟، إلى مدمن!!!، يوميات شاب (1)، يوميات شاب(2)، يوميات شاب (3)، يوميات شاب (4)، جزارة على النت، كراهية، ذكريات، مذكرات شابة مجنونة(1)، مذكرات شابة مجنونة(2)، مذكرات شابة مجنونة(3)،مذكرات شابة مجنونة(4)،كلمات هاربة!، توهان !!!، يابتاع الفول والطعمية، عن الحزن..:، إلى مكتئب، إلى مريض الفصام، إلى مريض الوسواس، منتهى العقل،صور صامتة !! فين المصري؟؟؟، توهان !!!، همسة إلى مدخن، إلى مريض الهوس،تجربة فصامي..  ،، نغومة بنتي   ،  إلى مدمن!!!