يمكن مش وسواس قهري
وأنا صح سليم
وشكوكي ممممممم صواب ....
يمكن ......
 يااااااااه
تعرف امتى تحس بقيمة الكلمة دهية
لما تشك في نفسك
يمكن
أصعب كلمة تقولها في ساعة الشك
يمكن
بتفسر إحساس جوايا بأني مريض
- تسمح تفتحلي قزازة
يااااااااااااااااه
أصعب كلمة كلمة
 يمكن...
يمكن ...
سبت البوتجاز والع
أو مقفلتش باب الشقة
لا أنا قافلة
------
تعرف
وأنا رايح  شغلي امبارح
وأنا ماشي في طول السكة
بكلم نفسي وأقول
أسمع ياد
قبل ما نوصل بص في جيبك
يمكن....
مفاتيحك ضاعت
فجأة أفتش
- لأ يعم
بتشخشخ جوه الجيبة أهي
أسمع ياد
طلع مفاتيحك بص كويس
يمكن...
 مش مفاتيح الشغل
أيوة صحيح بس أنا متأكد
برده عشان ارتاح
- لأ أهيا يعم

يوووووووووووه عدى الوقت أوام
وتأخرت
 مد الخطوة شوية ياواد
يووا ع الشك
فيه أيه تاني يعم الحاج
يمكن
 صاحب الشغل ماخدش في باله
وخدت بداله (المفتاح)
مفتاح تاني
أو
يمكن...
غير في نظام الشقة
أو غير في كالون الباب
يووووووووووووه
مد بسرعة نشوف الدور
يادي الليلة

--------
يمكن
 أصعب كلمة تحس بشكك مالي دماغك
زي وابور الجاز الحامي
زي القلب الفاضي تمام
تسأل نفسك بس ترد ومش متأكد
يمكن ...
تسأل نفسك
يمكن...
بعد شوية تشك في نفسك
حتى تشك انك موجود
يمكن ...!!!
ليه ما أكونش في حلم وطول
ياااااااااااااااااااه
ربنا ياخد كلمة يمكن

شعر : ابن عوف

 واقرأ أيضًا على إبداعات أدبية:

مين هيطيب الجرح / بحبك ............ولكن / مبعثرات تبحث عن وطن / ضحكة بايشة / ريحة مصر / أنا مين / تغاريب / إلى التي من طيفها خجل الفلق / فزورة / هل غاثك الأحباب بعد هجيرة /لا تصمتي / أجارتنا فالنائبات تنوب / أيا من كنتِ لي قلبي / أسمع الأعراب أني فقتهم / أولمرت يقبل عباس / عصفور يبحث عن بيت / استشارة مجانية في الوسواس القهري / لماذا؟؟؟!