تاراباتاتووووووه (12) ::

الكاتب: أ.أميرة بدران
نشرت على الموقع بتاريخ: 19/08/2007

تاراباتاتوووووووووة (11)  

.... كان نبتة صغيرة في حياتي ظلت تكبر وتترعرع حتى أصبحت أنا جزء منها!
.... أول عمل "حر" فعلي وسط الناس لي
.... تفكير وإبداع
.... مكان عميق يدخل للقلب وللنفس يضمد ويبني ويساعد على المقاومة
.... خلاني أفخر أني مجنونة وسط عالم متصور أنه عاقل
.... عمل يعطيك قيمة في هذه الحياة
.... عمل باق ينتظرك في الآخرة لتجزى عليه إن شاء الله
.... عشرة فيها حلو ومر
.... مثل خيط السبحة بتجمع حبات كتير رغم انفصالها لكنها هتفضل في شكل واحد
.... يعني د. أحمد عبد الله معلمي... أستاذي.. الذي لا تفرغ جعبته أبدا من الأفكار ولا الأعمال ولا النقاش البناء ولا الإبداع
.... مكان انتمائي الأول مهما كبرت ومهما تعاملت مع آخرين
.... مكان رسالة ووضع رؤية وتغيير حياة

***** يا بنتي ربنا يهديكِ وتجاوبي
***** حرام عليكو اللي بتعملوه فيّ
***** جاوبي يا أستاذة
***** جاوبي بسرعة بقى
***** إنت متميزة آه بس مش معنى كده إنك؟؟؟
***** لما تبقي تجاوبي أبقى أنزلك إعلان
***** وسيادتك ناوية تجاوبي إمتى؟؟؟
***** أنا مش زعلان بس جاوبي بقى
طبعا التدرج الهائل في الحديث والنبرة والجذ على الأسنان تتناسب تناسبا طرديا مع تأخير الإجابة رغم أن نتائجها دائما عكسية!!!

تقدر تبدل النقط الصغيرة بكلمة "مجانين" وتقدر تبدل النقط الكبيرة  "*"بــ "د.وائل"

دكتور وائل طول عمري أبص عليك ألاقيك "مبرق" و"مشغول" وحاطط قدامك كوباية نسكافيه من غير سكر ولا لبن ومش بكمل معاك كلمتين على بعض عارف ليه، لأنك إنسان دءوب وجاد وأجمل حاجة فيك تواضعك علشان كده ربنا بيعزك يوم من بعد يوم.

هكررها للمرة المليون بدايتي هي "مجانين" التي أدين لها ولحضرتك ولكل المستشارين الأفاضل معنا بالفضل بعد الله عز وعلا، وكل سنة ومجانين في العلالي قولوا آمين..

أ.أميرة بدران

شكرا أستاذة أميرة بارك الله فيك ونفع بك وكثر من أمثالك، عيدٌ سعيد على الجميع إن شاء الله.
د.وائل أبو هندي

واقرأ أيضاً:
على باب الله: عيد ميلاد جديد
عام على مجانين جعله الله خيراً للعالمين
سنة تانية مجانين
ماذا قدم موقع مجانين؟
يوميات رحاب شكرا مجانين
مجانين في عيدها الثالث