الاكتئاب... عفريت صغير من اللي ما بيتسلسلوش في رمضان يدخل بخفة ورشاقة ويفضل يحرجم وينخور ويرستأ نفسه جواك لحد ما تلاقيه بقى مارد صعب خروجة غير بالزار!
ولأنه رزل ودمه سم ولما بيتمسكن بيتمكن بيبقى عاوز شغل كتير، لكن... في الآخر هو سهل ممتنع..
سهل إنو بمجرد ما دايرته تتكسر بيحصل تحسن ملحوظ بعد فترة قليلة لو كان من النوع الطياري أو النص نص لكن ممتنع لما بيبقى راشق جوة قوي فنضطر نسيبه مكانه لغاية من نلعب حواليه من برة لكن بيفضل حته منه زي ديل البرص!
لو ما اضربتش تفضل عايشة وممكن يرجع تاني يكبر وينمو لو ماخلصناش عليه، لكن أهم حاجة إنك تقدر دايما تكون صاحي لقبل ما يكبر جواك علشان تلحق تكسر دايرته وتموت ديله. يعني تتغدى بيه قبل ما يتعشي هو بيك.
المواد والآراء المنشورة على هذا الموقع تعبر عن آراء أصحابها ولا تعبر بالضرورة عن رأي الموقع
Copyright @2010 Maganin.com, Established by: Prof.Dr. Wa-il Abou Hendy - , Powered by
GoOnWeb.Com
