شباب الجنة :خواطر رمضانية(2) ::

الكاتب: فلسطين في القلب
نشرت على الموقع بتاريخ: 17/10/2005

شباب الجنة: خواطر رمضانية (1)

السلام عليكم ورحمة الله وبركاته

الخاطرة الثانية ...من برنامج على خطي الحبيب ..

الحلقة الأولى ..

ما شاء الله علي البرنامج من أول حلقة وبشارات النصر عمالة تنهال علينا ...رائع الكلام في سيرة الحبيب ...بس الأروع منه الإحساس باللمة الي اتكلمت عنه أختى أمة الرحمن ...
ان الواحد بيبقي حاسس أن كل صناع الحياة وشباب الجنة دلوقتى قاعدين بيتفرجوا علي الحلقات ...وبينفعلوا لنفس الكلمات ...

من أجمل ما سمعت في هذه الحلقة لما أستاذ عمرو  قالنا ادعى وقول يارب اجعل نهضة بلدي علي أيدي ...

الدعاء ده كان ليه وقع جميل علي القلب ...اللي حس أنه كان بيدور علي حاجة ولاقاها في هذا الدعاء ....

بس في بعض الزيادات اللي أجريت عليه والتى تتفق مع الدستور القومى لشباب الجنة وذلك بعد تعديلات المادة 76 والتى أتاحت حرية الأحزاب في غرفة الجدعان ...

فنخلي الدعاء ....اللهم اجعل نهضة امتنا علي أيدينا وتقبلها منا خالصة لوجهك الكريم ...

فيعني بدل بلدي بس نقول الأمة كلها وناخد بإذن الله أجر النهضة في كل بلاد المسلمين بالنية ..كمان اننا ندعو أن ربنا يتقبلها لأن ممكن أعمل نهضة ويكون لي أثر كبير ..بس ياترى ربنا راضى عنى ؟؟؟

النهضة دي في ميزان حسناتى ولا في ميزان السيئات بما فيها من رياء وعجب و كبر ...فاحتياطي ندعى ربنا يعينناا علي النهضة ويجعلها في ميزان حسناتنا خالصة لوجهه الكريم ....

الحلقة الثانية ....

عجبتني أوى كلمة سيدنا عمر بن الخطاب لما سئل عن عبادتهم للأصنام ...ألم يكن عندكم عقل ...فرد عليهم وقال : كان عندنا عقل ولكن لم يكن عندنا هداية ....

الجملة دي رااائعة ...تحس معاها أد ايه أحنا فقراء ..الموضوع مش موضوع امكانيات عقلية لأ الموضوع إن ربنا ينور لك الطريق فتشوف ....

فحتى نعمة العقل لا قيمة لها إلا بانعام ربنا علينا بالهداية ...وأنه يفتح الأبواب لقلوبنا لترى الحق وتتبعه ....

فالواحد يتعلم أنه آخر حد ممكن يعتمد عليه على وجه الأرض هو نفسه ...ونعرف كمان قيمة دعاء الرسول ...اللهم لا تكلنى إلى نفسي طرفة عين ولا أقل منها ....

أحبكم في الله

فلسطين في القلب

اقرأ أيضا:
شباب الجنة:نعمة الليل
شباب الجنة:لون السماء
شباب الجنة:من إلهٌ غير الله ...؟
شباب الجنة :"أي الصنفين أنت ؟"
شباب الجنة :"أيا غيوم السماء أمطري" 1
شباب الجنة :"أيا غيوم السماء أمطري" 2