أريد مساعدتكالسلام عليكم ورحمته وبركاته؛يا د.وائل على فكرة أنا كنت في فترة مش بعيدة قوي كنت المريض بتاعك وكنت أجيء لحضرتك في عمارة حتحوت وأفكر سيادتكم بمشكلتي أنا كنت في صغرى خجول جدا جدا حتى الآن بس اللي فرق أني نزلت جو العمل فده بدوره غير الواحد شوية وجرأني ولكن ليس لدرجة كبيرة وأنا في صغري حدث أنني تم التحرش بي وأنا في سن 11 عام من أربع شباب كانوا أكبر منى ب 10 أو 11 عام تقريبا وهددوني بالمطاوي وكنت في ذلك الوقت قليل الحيلة المهم أنني لم أحكِ لوالدي ما حدث لخجلي وعدم معرفتي وأنهم لم يقتصروا بذلك ولكن نشروا الموضوع في المنطقة التي أسكن فيها بأكملها بحريمها وأطفالها ورجالها ولا أعلم الموضوع ده وصل لوالدي أم لا؟؟؟المهم الموضوع ده تقريبا بقاله 17 عام وأنا دائما نظرات الناس تقتلني من داخلي بأنهم ينظرون لي وضع الشخص الذي لم يكن رجلا " يعني ......! وأنا والله أعلم من داخلي رجل" ومصلي وقارئ كتاب الله وماشي على الشرع. والله يا د.وائل المهم كنت بهرب بالمذاكرة والاهتمام بدراستي حتى حصلت على شهادة الهندسة وعملت خارج منطقة معيشتي لفترة 6 أو 7 سنوات والآن ربنا وفقني وتزوجت وأنجبت فتاة والآن أعمل في منطقتي والناس تحاربني بنظراتها مثل زمان بالضبط. أنا افتكرت أني "يتهيأ لي" ولكن لقيت تلقيح بالكلام وكلام متغطي وأنا خايف على بنتي وزوجتي وأخواتي البنات….. لست خائفا على نفسي أنا ممكن أموت نفسي وبكل بساطة الموضوع يخلص لكن بنتي وزوجتي أنا خايف من مصيرهم إن الناس يفتكروا أنهم سهلين المنال. وللأسف أنا لست املك المال الذي يساعدني أن أنسحب أنا وأسرتي ونعيش في مكان آخر وطبعا أنا مش بنام خالص ومش عارف أعمل علاقات اجتماعية وثيقة سواء مع الأقارب أو الأصدقاء وحتى أنا ببقى عايش مع أسرتي وأنا مش عايش حاسس أني مش عارف أسعدهم ولا عارف أسعد نفسي ومش لاقى حل عمال أدمر في نفسي من التفكير والسجاير. هل أنا فعلا إنسان مش محترم بس أنا عمري ما فكرت أغضب ربنا في حاجة إلا هي حاجة واحده أنا مش ببقى عارف أذهب إلى المسجد يوم الجمعة علشان نظرات الناس. رجاء ساعدني أنا فوضت الأمر لله ولك ساعدني وأوجد لي حلا ربنا يبارك لك. 3/11/2006
