ساعات سكينة: ساعة كلام في الهوا ::

الكاتب: سكينة
نشرت على الموقع بتاريخ: 06/04/2006

 
لا تستمد سعادتك من الآخرين....فهم قد يخذلوك!!!

الكلام من الناحية المنطقية جميل إنما من الناحية التطبيقية صعب حبة أو حبتين.

والرسول عليه الصلاة والسلام قال إن تخالط الناس وتصبر على آذاهم خير من إلا تخالط الناس ولا تصبر على آذاهم.

ويظهر الأذى هذا في العمل أولا وفي الأسرة ومع الجيران والترتيب ليس حتمي يعني ممكن يكون في حالتك مختلف عن حالتي...... ممكن نقول أدام حاجة تهمك تبقى ممكن تتحول لمصدر أذى ولما ضاقت حلقاتها فرجت وكنت أظنها لا تفرج.

هي كانت ضاقت ولا أحكمت عشان الأمانة الأدبية وعيب يبقى شكلي مش مسخف

قصدي مثقف

عادي لو كان الكلام كلام مجانين
وأما انتهت حاجتي من جارتي بقيت اعدي من جنبها من غير سلام يا سلام على الأمثال وعلى محمود تيمور.
وخالتي وخالتك وتفرقوا الخالات.
طب ويتفرقوا ليه!!!!
عشان يتعرفوا على خالات جديدة طبعا!! أحسن تفتكروا أنهم مكتئبين ولا حاجة...
عموما زى ما تحبوا اختاروا التفسير الأقرب لكم.
المهم خليكم فاكرين لا تستمد سعادتك من الآخرين وخليك كده زى حالاتي قرد قطع!!!!
يعني ساعة ما تلاقوا حد يعبركم اسجدوا لله شكرا.
وان البشرية طنشتكوا استغلوا خمسا قبل خمس....
يعني اعمل حاجات مفيدة قبل ما يرجعوا يفتكروا طريقة جديدة كي يستغلوكم بها
مهو أنت أدام فيك الرمق لا بد من أن تكون مفيد.
وساعتها مش هتكون قرد قطع إنما مستغل.
يا ترى ماذا نختار!!!!

والله يخليكم محدش يقولي كوني وسط
زهقت وتعبت وعموما إحنا ندعو اللهم اجعلنا من أهل اليمين ......وعليه بلاش حكاية الوسط في المشاعر

أصل الوسط في التعامل ممكنة
إنما في المشاعر....عجزت وفشلت بأن أكون وسط فأنا يا أبيض يا ورد يا أسود يا ليل السهرانين!!!

ماشي أنا مش ناوية أسهر أنا هنام بدري وأفوت نصيبي من الليل للي عاوز يسهر أو مازالت لياليه بيضاء

قال النت قال يخرب البيوت..

طيب

شكرا لكلمات الدكتور أحمد اللي فكرتني بالورقة المنسية دي, ولو ضايقت حد برضو الدكتور أحمد السبب.

اقرأ أيضا:
ساعات سكينة: ساعة حزينة
ساعات سكينة: فرح أم عزاء
ساعات ساعة الصفر
ساعات سكينة: ساعة مع أصلع
ساعات سكينة : ساعات وساعات