عايز تنصب ع المصريين؟خش من باب الدين ::

الكاتب: د. عاطف عزت
نشرت على الموقع بتاريخ: 24/05/2006

  عايز تنصب ع المصريين؟خش لهم من باب الدين

الشعب المصري...عاطفي بطبعه...والجانب الروحاني فيه له تأثير عظيم جدااا عليه...والدليل على كده....أن الشعب المصري كان أول الشعوب قديما نادت بالتوحيد من أيام أخناتون أول من نادى بالتوحيد في عصر القدماء المصريين..... والمصريين من أكثر الشعوب اهتماما بأولياء الله الصالحين..... ومن أكثر الشعوب حبا لآل بيت النبي صلى الله عليه وسلم.....فكلنا نشهد تعلق المصريين بسيدنا الحسين رضي الله عنه والسيدة زينب والسيدة نفيسة..... وكلهم تشرفت مصر بثراهم..... وعلشان كده.....أي حد عايز يوصل لقلب المصريين ويعمل أي حاجه بعد كده بتكون أسهل وأقصر طريقهلقلبهم هو الدين.......... فاكرين نابليون بونابرت.....بتاع الحملة الفرنسية.....لما غلب مع المقاومة المصرية.....اللي دوخته السبع دوخات..... أعلن أسلامه..... وكمان قائده ونائبه الجنرال..... مينو..... أعلن هو كمان أسلامه..... سمى نفسه..... عبد الله مينو وتزوج من مصريه مسلمه.....

وبعد ما الحملة اتهزأت واتبهدلت من المصريين والإنجليز..... وانسحبت الحملة الفرنسية من مصر...... والشام.... رجع أبوك عند أخوك وعاد الحاج نابليون والحاج مينو.... يتسكعان في شوارع باريس..... ويشربان الشامبانيا في صحة طيبة المصريين......... ومع أن التجارة بالدين من أكبر الكبائر عند الله سبحانه وتعالى..... إلا أنها ناجحة جداااا مع المصريين... مثلااااااااااااااااااااا..... خد عندك............ محلات شارع الهرم.....اللي شغالة شبه كابريهات طول السنة..... تيجي مع بداية رمضان..... وتقلب موائد الرحمن............ ويروح صاحبها معلق يافطة كبيرة..... (وَيُطْعِمُونَ الطَّعَامَ عَلَى حُبِّهِ مِسْكِيناً وَيَتِيماً وَأَسِيراً )(الإنسان : 8 )، وفى المساء والسهرة تتقلب خيمة رمضانية......لها العجبلا
تقدم فيها كل أنواع المشاريب..... مع الشيشة..... والمعسل والقص..... والتفاح..... واللعب فيها ع المشاريب..... كمان بس لازم صاحب الخيمة يكون معلق يافطة كبيرة..... (وَسَقَاهُمْ رَبُّهُمْ شَرَاباً طَهُوراً )(الإنسان : 21 ) مع أن كل اللى بيحصل ملوش علاقة بالطهارة من أصله........ وعلى الناحية التانيه من الخيمة تلاقى محل جزاره...... كاتب على واجهه المحل.....(وَفَدَيْنَاهُ بِذِبْحٍ عَظِيمٍ) (الصافات : 107 ).

وهو الذبح العظيم......يا مفتري.... ينفع يكون مذبوح بره السلخانة زى اللى عندك... ولا مرضان ولا عنده جنون البقر.... ولا الكيلو منه من غير ورق كيلو إلا ربع....... زى اللى بتبيعو للزباين الغلابة اللي دخلوا المحل وقلبهم منشرح من الآية الكريمة المكتوبة ف واجهه المحل.... والزبون بيدخل وحاسس بالتقوى
بتخر من حبابى عينيك........ ونفس القصة مع بتاع الفراخ..... اللي مهريه أنفلونزا طيور وواخده كل سيفاجين البلد..... ومدوبه كراتين كلينكس من الزكام.....وتلاقيه مصدر لك....( وَلَحْمِ طَيْرٍ مِّمَّا يَشْتَهُونَ) (الواقعة:21 ).

والفكهانى..... فاكهه جايبها من ع السكك..... وقيع..... وتلاقيه معلق اللوحة العشرة متر.....{وَفَاكِهَةٍ مِّمَّا يَتَخَيَّرُونَ }(الواقعة:20)، واحنا هانروح بعيد ليه......... كلنا عارفين الشحرورة الأمورة صباح.. معجزه الأجيال..... أول ماجت مصر.... والبلية بدأت تلعب معاها..... استشعرت أزاى تكسب المصريين..... راحت مدياها شهادة... لإشهار الإسلام..... وأعلنت أسلامها..... وتزوجت من المذيع الفاضل..... أحمد فراج وكان من الشباب الملتزم في ذلك الوقت..... كمان..... شوفوا البجاحة..... وحبها المصريين جداااا...وع الحب ده جابت نص لبنان شغلتهم فنانين ف مصر.....أيشى فهد بلان وأيشى كيغام وأيشى شوشو.....كله تبع الست صبوحة..... وهب هب..... خلصت القصة وكبرت صباح وتحول عنها المنتجين والسبوبه ف مصر نشفت..... راحت راجعه لبنان وراجعه كمان عن الدين الإسلامي..... والكارثة..... أن حكم المرتد في الإسلام يعرفه الصغير قبل الكبير في كل أنحاء مصر..... رغم ذلك جاءت الصبوحة لمصر زيارااااات عديدة بعد ارتدادها عن الدين الإسلامي ولا حد قال لها تلت التلاته كاااااام..... والناس البسطاء حتى الآن فاكرين أن الشحرورة لسه مسلمه....... واللى زاد وغطى.....واحد مرشح لمجلس الشعب من السنبلاوين.....واخد رمز الكأس........

يقوم بسلامته يكتب في كل اليفط الانتخابية بتاعته........ {إِنَّ الْأَبْرَارَ يَشْرَبُونَ مِن كَأْسٍ كَانَ مِزَاجُهَا كَافُوراً }(الإنسان : 5 )....... وكذلك رأيت بعيني من بعض المرشحين من الحزب الوطني والمستقلين يرفعون لافتات...... الله هو الحل....... نظرا لما وجدوا من الناس تأييدا لمرشحي الأخوان الذين يرفعون شعار الإسلام هو الحل........ حتى في العيادات الخاصة.......تلاقى لو الدكتور....... راجل معروف عنه الاستقامة والالتزام...... شركات الأدوية تروح مصدراله....... مندوب للدعايه...... طول ما بيتكلم عن الدوااااا يقول أن شاء الله يافندم أحنا أحسن منتج أحسن من بتاع أمريكا نفسها بلد التصنيع...... وبعون الله وتوفيقه ستضيء روشتتات سيادتك بنور الحق على يد المنتج بتاعنا اللي هايتكتب له النجاح بعون الله وتوفيقه وهمه سيادتكم.....مع أنه بيكون منتج زباااااله........ ودوا..... بيئه...... بيئه فعلا...... أذا ما قورن بالمنافس له في السوق المحلية...... أنما هي نقطة الضعف التي يتمسك بها بعض الخبيثون.... وهى تمسك المصريين بالتدين..... درجه أنني سمعت مقوله يدعى صاحبها أنها عن سيدنا عمر رضي الله عنه..... ولا أعتقد أبدا أنها صدرت عنه..... وهى.....يا جماعة المؤمن كيس..... فطن....... مش كيس قطن...............

أقرأ أيضا:
التطور الطبيعي للرجل /التطور الطبيعي للمرأة/ حوار مع صديقي المنفسن / حوار مع فرخة مزكومة/ تخاريف/تعرف حكايه دون كيشوط/ها تسكت ولا أجبلك العسكري؟/مصر 2006 مش ها تقدر تغمض عنيك/لو قلبك ضعيف.....بلاش تقرى الموضوع ده..../حواديت طبيب.....نفساني....../حكومة  2006 عاقلة جدا/حكومة 2006 حكومة الاستكشافات/حكومة 2006.. كي ...جي وان/أفضفض قبل ما الفيوزات تضرب/المسخر خانة.. الحلقة الرابعة../المسخر خانة.. الحلقة الثالثة../المسخر خانة.. الحلقة الثانية../المسخرخانة.. الحلقة الأولى/هي الناس اتهبلت من شويه؟/دعاء واحد مصري مطحون/نصائح وهمية (4)/خلى بالك من عيال اليومين دول../عيال صايعة.. بس عندها منطق..!!/ليست شرم الشيخ وحدها.. ياريس../بذمتك...مراتك...ولاشغلك..