تعبت من الكلية الي حبيت فيها زميلي..!؟
السلام عليكم... أنا طالبة بكلية الطب... بداية كده؛ أنا دخلت الكلية على رغبة بابا بس ده ما يمنعش إني بحبها بس بحب طب الأسنان أكثر.. بس الموضوع ده مش فارق معايا أوي... الحمد لله.. أنا كل اللي عايزاه إني بعد ما أتخرج إن شاء الله أشتغل أي شغلانة تجيبلي 2000 في الشهر عشان أعيش في نفس المستوى من غير ما أعتمد على بابا.. ونفسي الموضوع ده يتحقق بسرعة.. أنا دلوقتي بعمل base لمشروع أعتقد أنه بإذن الله مشروع كويس مع إنه ملهوش أي علاقة بالطب أكيد...
طيب أنا مشكلتي حاجتين:
1_ أنا الكلية ده تعباني أوي أنا ما أقدرش أعيش يومي كله مذاكرة و في نفس الوقت بحب أحضر كثير في الكلية عشان أسمع الدكاترة وأطلع في اليوم بحاجة مفيدة حتى لو كانت حاجة متعلقة بالحياة العامة.. ولازم أروح النادي على الأقل 3 مرات في الأسبوع.. وبحب التسوق جدا.. مش عارفة أجيب وقت لده كله.. أو بالأصح بحاول أجيب وقت وبعمل الحاجات ده كلها بس على حساب المذاكرة.. الكلية دي مش كفاية أبدا مذاكرة مرة واحدة وللأسف أنا بعمل كده.. ومش عايزة أعمل أكثر من كده.. عشان مش عايزة أقضي حياتي كلها مذاكرة.. وفي نفس الوقت مش راضية على 72% اللي بجيبها كل سنة ده...
2_ أنا تعرفت على واحد من على النت pla pla pla..... الخلاصة هو من طب برده أكبر مني ب 6 سنين أنا بقى مش فاهمة نظامه إيه.. أنا بحبه... هو فيه حاجات كثير كويسة وبيريحني جدا.. بس لحد دلوقتي ما فيش حاجة رسمي.. هو كمان بيحبني (هو بيقول كده وباين من تصرفاته كده).. مشكلته بقى في حاجتين:
__ أنه متعلق ب مامته جدا واللي هو تيجي تقعد معانا أول شهرين وكلام كده لما نتجوز يعني .. أعتقد إن ده ممكن يكون سبب مشاكل كير لما نتجوز..
__ أنا مش مقتنعة بسبب إنه لسه ما تقدمش.. الأول قال لي ماما لازم تشوفك وتقعد معاكي الأول في النادي كده وبعد كده نيجي البيت.. (أنا طبعا موافقتش.. هو اللي عايز يتجوز واحدة بيعمل كده دلوقتي... حتى لو بيعملو كده أنا مش ها أعمل كده.. مش عارفة أنا صح ولا غلط؟؟؟ وساعات بيقول إنه لسه ما استقرش في شغل ثابت أو مثلا لم يستلم النيابة.. أو أي حاجة ليها علاقة بالشغل... هي الخطوبة محتاجة استقرار أوي كده؟؟؟؟؟!!!!!! قولوا لي أعمل إيه معاه... إحنا علاقتنا محترمة جدا وكلها في الكلية بس مش أكثر.. أتمنى الرد يكون في أسرع وقت (مع إني عارفة إن الطلب ده مش ها يحصل!!!.. وياريت لو كان على الإميل بتاعي بس يكون أفضل يعني secret).
شكرا لسعة صدركم
وجزاكم الله خيرا عنا جميعا
06/04/2007
رد المستشار
الحياة اختيارات ولكل اختيار متعته وثمنه فنضطر أن نختار الأنسب لنحصل على مزاياه التي نرغبها على أن نتحمل في المقابل دفع ثمنه دون أن ننسى أننا لن نحصل على كل ما يرضينا تماما، وحمدا لله أن حرمنا من صنفين لو كانوا بيننا لحطمونا لا محالة!
الأول: صنف يحصل على كل جميل ويرصد كل النجاحات في كل شيء.
والثاني: لا يحصل على أي شيء وقد اتخذ الفشل رفيق كفاح!
ولو أُعطي البشر قدرة الحصول على ما يرجون ما شبعوا أبدا ولقالوا هل من مزيد!
ولقد تعلمنا أن من تمام الصحة النفسية أن يتعرض الإنسان لبعض الحرمان ففي حرمانه تقوى الإرادة وتثبت المقاومة فتكون لّذة الانتصار الحقيقي على النفس وعلى لطمات الحياة لنا. والله قد وهبك العقل الإداري والقدرة على الاستذكار في مجال الطب وشخصا يكن لك مشاعر وحياة مستقرة مع الأسرة مع عدم تخليك عن هواياتك ومع ذلك يحمل صوتك نبرة الشكوى!
فعليك إذن أن تخفضي قليلا من مستوى أحلامك وتوقعاتك حتى تتناغمين مع الواقع ليصبح لطيفا مقبولا، وأنا أتصور أن نجاحك في كليتك نجاحا مرضيا! حتى لا يأخذ منك الطب أكثر مما تسمحين له به في حياتك في مقابل حصولك على عمل يدر عليك ربحا تنشدينه وعدم التخلي عن هواياتك التي تعشقينها وأتصور كذلك أن التميز الحقيقي لك كطبيبة -بشكل خاص- يعتمد على نجاحك العملي وحسن اختيارك للمجال المناسب الذي يعطيك وقتا ونقودا كأن تختاري تخصص الجلدية أو العيون والبعد عن الجراحة والولادة مثلا.
أما ما يتعلق بفتاك فأنا أضع حول الحب عن طريق النت هذا ألف خط وخط لأنه حب مصطنع وتعلق غير حقيقي بشخص لم تتعاملي معه كانسان إلا من خلال كلماته عن نفسه فقط ولكن إذا تطور للوجود الحقيقي في حياتك الحقيقية وأنت ذكرت أنك ترينه في الكلية فقد تتضح الرؤيا بشكل أفضل ولذا أقول لك -رغم أني أسمع وسط سطورك صدى لصوت العقل أعلى من صوت القلب- أنني أرى طبيبك واضحا تماما معك فيما يتعلق بقربه من والدته فهو يتحدث عن مكوثها معكما من قبل أن يتورط في خطوات الارتباط بشكل جاد ويبدو أنه يشعر بما تنفرين منه تجاه هذا التعلق وإن لم تصرحي به ولذا هو يصر على رؤية والدته لك والتعرف عليك لتقرر ارتياحها لك من عدمه وأدعوك أن تكوني على نفس درجته من الوضوح لأنك تبدين لي ممن لا يقبل إلا ما يريد –بحسابات العقل- ويصعب عليه التأقلم مع وضع يرفضه وهذا حقك.
وهذا غالبا ما يجعله غير متحمس للتقدم إليك رسميا حتى يطمئن لتلك النقطة وإن كنت لا أستبعد فكرة تنصله من الارتباط أساسا وجعل والدته حجة ومستقبله الغامض وسيلة لزيادة قوة حجته وهذه هي المخاطرة الكبيرة في تعارف وحب الشات فلا شيء مضمون والثقة وهم نتحدث عنه بألسنتنا فقط..... ولكن أرجو أن تجلسي مع نفسك بهدوء وتقرري ما تستطيعين فعلا تقبله حتى لا تندمي وتحسب عليك تجربه فاشلة وإن وجدت لديك القدرة على التعايش مع ما يريده فعلى الرحب والسعة ولا تقبلي منه حينها إلا التقدم رسميا لك أولا ثم الحديث عن تفاصيل إتمام الارتباط مع أسرتك في ضوء مستقبله القريب.
صوت بداخلي يهتف لأن آخذ حقي منك فأقول لقد خيبت ظنك ورددت عليك سريعا وكسب نقطة مع سيدة أعمال ناجحة مثلك لها مذاق آخر...... فلتتابعينا بأخبارك.