مجانين دوت كوم تقول : استرجاز بلا إلغاز !

www.maganin.com.says
 
كنت حوالي في 3 أو 4 ابتدائي، وكنت لما بلعب مع طفلة زيي لوحدنا كنا بنُقَبِّل بعض، ولفترة طويلة، وأنا مكنتش أعرف إيه اللي بعمله ده، ولما وصلت لآخر مراحل الابتدائية كنت بفتح مياه الدش وأحدِّدها على المنطقة السفلية لفترة، وبرضو مكنتش فاهمة أنا بعمل إيه، بس كنت بحس باستمتاع.
 
وفضلت فترة معملش أي حاجة من دي، لحد ما وصلت لمرحلة الثانوي وبقيت أشاهد بعض اللقطات الخارجة، وأضع يدي على المنطقة السفلية من الخارج مع قليل من الاحتكاك لمدة دقيقة أو أقل، وأشعر بالاستمتاع، ثم أنتهي، والموضوع فضل معايا لحد الكلية، ولكن زهقت من الموضوع ده، غير إني بصلِّي ومتدايقة إني بعمل حاجة زي كده، لكن بجد نفسي أبطَّلها، على الرغم أن أهلي قاموا بالختان لي في مرحلة الإعدادي، فخايفة أكتر إنها تأثَّر عليّ لما أتجوز.
 
وقريت كتير عن العادة السرية، وإن بيتم خروج سائل بعد ما بخلَّص، وإنها بتقعد لفترة كبيرة، لكن أنا مش بيحصل معايا كده، قليل جدًّا لما بخلَّص، وبعد فترة أدخل الحمام ألاقي بعض الإفرازات، وبقعد في الاستمتاع لمدة دقيقة أو أقل، فأنا خايفة إن يكون قلة الوقت ده يبقى فيه مشكلة عند زواجي أو برود جنسي، غير إني نفسي أبطَّل الموضوع ده جدًّا... وأتمنى المساعدة.
26/1/2021