النوم القهري المفاجئ

موقعي الأثير مجانين...
 
غبت طويلا عن صفحاتك.. بسبب الظروف والأحداث التي يعرفها الجميع في سوريا.
أكتب لكم هذه المرة وأنا على حافة الانهيار بسبب حالة مرض زوجي حضرتك من مدة حوالي شهر ونصف وهو يعاني من نوم شديد بشكل عنيف وشبه مفاجئ لأنه كان متعود أنه إذا نام مثلا ساعة أو أقل حتى بيقدر أنه يستعيد جزء كبير من نشاطه وكان يعني سهره يتخلله ساعات نوم من زمان يعني مقدرش أقول أنه كان بيسهر لا حسب نشاطه طول النهار إذا كان مثلا شغل كتير فكان بينام كتير حتى لو مجتمع مثلا مع ناس بالليل بس كان بيبقي طول النهار شغال كتير ده كان أكتر في الفترة اللي كنا فيها في شغل ليبيا لأنه كان المجهود مضاعف شغل في الجامعة بنهار وعمليات في المسا فكان النوم على فترات طول الليل وعدم القدرة على السهر مبررة طبعا بتعبه طول النهار
 
معلش يا دكتور والله عارفة إني كترت قوي في سرد الحالة بس أنا بحاول أعطي حضرتك History كامل ومفصل عن الحالة.... دلوقتي حاليا إحنا في اسطنبول بقالنا فترة وحالة النوم الشديد القهري دي مستمرة تقريبا شهر أو ممكن أكتر لدرجة دلوقتي بينام وهو بيسرق العربية على الطريق بينام وهو لسه صاحي الصبح وبينام فجأة وأنا بكلمه ويتوه في عيونه ويتهته يحاول يفتكر الكلام وممكن ما يعرفش حتى يواصل ويشاركني الحديث تاني ومهما أحاول أصحي فيه أو حتى يغسل وشه أو يستحمل حتى بماية ساقعة مفيش فايدة حالات النوم مستمرة مادامت جت تفضل لحد ما تروح متى على حسب يا ينام يا يفوق فجأة وده نادر شوية حتى الرياضة الخفيفة في البيت أو السويدي مفيش فايدة أبدا
 
وطبعا مع الحالة في ضعف شديد في الذاكرة وخاصة القريبة لدرجة يفتكر الحدث اللي قبل نهاية الكلام ومايفتكرش آخر كلام وبقيت حتى التعبيرات اللي متعود يقولها ممكن يفتكرها وغالبا لا مش فاكرها تماما وكمان مكنش معترف أصلا إنه بينام ورافض تمام فكرة إنه نايم أصلا ودائما إحساسه بوقت النوم مش متذكره أصلا
 
 هو كان من سنتين كان دكتور زميله كاتب له على فافرين ودواء تاني اسمه ترايلبتال ومشي عليهم فترة حلوة 6 أشهر أو أكتر لحد ما فجأة الفافرين معدش بينزل في السوق فغيرناه وجبنا لوسترال وبالنسبة لترايلبتال كان كويس لحد ما نقص في السوق هو كمان واضطرينا نوقفه برضه فجأة وكان في تزامن واضح مع توقفنا عن الترايلبتال وأحداث النوم الرهيبة القهرية دي فهل هناك سبب ولا وملوش علاقة مش عارفة وهو بياخد كوزار للضغط الدم وكونكور 10ملي وبياخد بيردنول كورتيزون للحساسية الجسم
 
ما هي هذه الحالة تشخيص حضراتكم للحالة وإذا كان في علاج للكابوس النومي ده يا ريت حضرتك تساعدنا
وآسفة جدا على التطويل والإزعاج وبارك الله في حضرتك جدا
10/08/2021