|
| 
|
حصار معرفي أو وسواس قهري أنا تعبت! م8
وسواس
السلام عليكم ورحمة الله وبركاته أنا طبعا ببعت كتير على الموقع بس للأسف المرة دي مش ليا دا لتوأمي، هي بردو عندها وساوس بس مش تلقت أي علاج وكانت رافضة تماما ومكنتش مقتنعة بالعلاج المعرفي السلوكي بس دلوقت هي من كتر تعبها عايزة أي حاجة تريحها
هي لسه عروسة جديدة وقبل جوازها كانت قلقانة جدا من موضوع غشاء البكارة وكان عندها هوس بأن أي حاجة تعملها ممكن تقطع لها غشاء البكارة، لو جريت جامد ولا تحركت تقول اتقطع وتعمل اجترار أفكار رهيب وتعيد وتزيد في المواقف علشان تطمن نفسها وتقعد تعيد تحركت ازاي وتسألني أسئلة تطمن بها نفسها.
المهم الحمد لله وسواس غشاء البكارة راح بعد الجواز، تحول معها لوسواس يخص الحمل، إن هي أي حاجه بيضة هتقعد عليها يبقى كدا دا حيوان منوي وهتحمل، راحت عند قريبتها وكان فيه على الأنتريه حاجة بيضة، تقول دا حيوان منوي وممكن يحصل حمل، بقولها ازاي دا إنت قعدت بس تقول لي الفكرة شغلاني ومش عارفه أطلعها من دماغي،
واللبس اللي كانت لابساه مش عايزة تلمسه أبدا ليكون لسه فيه حيوان منوي وتخاف تلمس أكباس النور وهى مثلا جايه من برا أصل يكون لمست حيوان منوي وهي برا، أفكار كلها مش منطقية خالص وهى تعبانة بسببها جدا ومش عارفة تستمتع بإنها عروسة وعمالة تقول لي ضيعت فرحتي قبل فرحي بوسواس غشاء البكارة، دلوقت هضيع فرحتي بحياتي
هل العلاج المعرفي السلوكي ممكن يفيدها في تعديل الأفكار دي؟
ولا لازم تأخذ علاج دوائي؟ ولا حسب شدة الأفكار؟
27/11/2022
رد المستشار
الابنة المتصفحة الفاضلة "بدون اسم" أهلا وسهلا بك على مجانين وشكرا على ثقتك، واستعمالك ومتابعتك خدمة الاستشارات بالموقع.
عانت توأمك من وسواس قهري غشاء البكارة، وهو أحد أشكال وسواس الشك التحقق القهري و.ش.ت.ق، وهي ترفض العلاج عقَّاريا أو كلاميا (غير مقتنعة بالع.س.م) .. رغم إفساد الوسواس لفرحتها مرة بعد الأخرى... طبعا هذا اختيارها وهي حرة فيه.
ما تعاني منه الآن توأمك هو عرضٌ آخر من عروض اضطراب الوسواس القهري هو وسواس التلوث الغسيل القهري "و.ت.غ.ق" والذي تبع وسواس البكارة، وتمحور حول إمكانية الحمل من غير زوجها وهي الحالة التي يكون الملوث فيها هو السائل المنوي وما فيه من حيامن Sperms (حيوانات منوية).
وما يمكننا تقديمه لها هو أولا القراءة عن الحالات المشابهة وفهم نظرية الاحتمال التراكمي Progressive Probability -كما سيتضح في الإجابات المدرجة ارتباطاتها أدناه- لعلها تدرك أهمية وفائدة العلاج المعرفي، وأما ثانيا فهو النصيحة بأن تكف عن المكافحة الشخصية الباسلة للوسواس القهري لأنها كثيرا ما تخدع، وأن تنتبه كذلك في حال رزقت بمولود أنثى أنها يمكن أن توسوس بالوكالة على غشاء الرضيعة! أو الطفلة الدارجة ولهذا تأثير مدمر على الصغيرة إذا لم ينتبه له ويتم علاج الأم أو إبعادها عن الطفلة في حال إصرارها على الرفض.
اقرئي على مجانين:
من المنديل أم الغسالة وسواس الحمل!
أختي أم بنتي؟: أمي حملت مني! وسواس قهري
وسواس الحمل عند الطبيب!
ومرة أخرى أهلا وسهلا بك دائما على موقع مجانين فتابعينا بالتطورات.
ويتبع>>>> : حصار معرفي أو وسواس قهري أنا تعبت ! م10
تعليقات الأعضاء