مشكلة ما تمت! قلت انتحار فطار!! م9

مشكلة ما تمت! قلت انتحار فطار!! م8
 العودة بالزمن هل يمكن؟!
 
 هو أنا ليه دايما في المكان الغلط حتى لو مشيت بروح مكان تاني أوحش من الأولاني وبردو غلط ولا هو أنا ضيعت المحطة اللي فيها مكاني الصح! عادي مش أول مرة أنا على طول في المكان الغلط ولما تجيء لي الفرصة أصلحها أبوظها أكثر من الأول
 
 ما هو أنا مفيش حاجة في إيدي بتسلم لازم أي حاجة تبوظ أنا حتى معرفش هل أنا وأهلي قريبين من بعض ولا لا؟ هل أنا أصلا لي أصحاب ولا لا؟ هل أنا في المدرسة الصح ولا لا؟ يبدو أنني ضللت الطريق بس مش لدرجة إني أسيب دماغي هناك أنا مبحبش كوني حساسة أبدا بس ليه بتلام دائما وعلى أي حاجة حتى وإن كان الشيء ده بإيدي أو لا، أنا عارفة إني غبية وضيعت فرص من إيدي جايز كانت قادرة تصلح حاجات كتير بس أنا اللي فقر  
 
 ما علينا أو ليه ما علينا أنا معنتش عارفة أحدد الناس اللي حواليّ دول عايزين ليّ الخير ولا لا؟ معنتش عارفة أنا ليه مكملة في مدرستي دي بعد ما ضيعت ستيم STEM، بعد ما كانت حلم سنين ولا عارفة أواسي أهلي بعد ما كانت ثقتهم في وإني هدخلها تعرف مجموعي الدراسي وميابقاتي ونسبة الـ Iq بتاعتي تؤهلني لكده، بس استهتاري وتوتري ضيع كل حاجة حتى مذاكرتي دلوقتي مش طايقة أصلا المذاكرة بقنعهم إني بذاكر بس أنا مبذاكرش ولا ليّ نفس حتى مش عارفة هي أختي من الوقت للتاني مبتطقنيش ليه وبتعايرني ساعات إني مريضة نفسيا ومحتاجة تتعالج وهي مكذبتش 
 
 أو لما كذا حد من أهلي يشوف تصرفاتي الغلط ويخرج عن شعوره ويدعي عليّ وقتها بأمن وراه إن ربنا يعجل من وفاتي أصل كفاية ذنوب وإني أجرح في الناس كده، مش كل الناس لهم فرص جايز رصيدي من الفرص خلص مهما حاولت أعمل وأصلح برجع لنفس النقطة عشان كدة شايفة إن الانتحار أسهل وسيلة وعشان أنا بحب أريح اللي حواليّ، أصل أنا مش أول ولا آخر شخص يتولد مؤذي للبشر عادي عادي جدا
 
 أنا بس مش حابة أموت قبل ما أعرف هل ممكن أصلا أن أحد يفتكرني بعد ما أموت؟
 ولا أخطائي هتغطي على كل اللي عملته؟ مش مهم!
 3/1/2023