|
| 
|
يعطيكم العافية، رح أدخل بصلب الموضوع
عندي مشكلة بوجود علاقة مع أنثى قريبة مني بالعمر أو أصغر، برغب حصراً يلي أكبر مني بالعمر. شكلي بيوحي أكبر من عمري، وبلوغي المبكر وكثافة الشعر يلي عندي عطتني ملامح عمرية أكبر من عمري الحقيقي
بدأت معي الحكاية وقت كان عمري 14 سنة وقت بدأت بممارسة الرياضة وكنت بالصالة الرياضة وكان في امرأة عمرها فوق ال50 لكن كانت جميلة وجسمها رشيق وقتها دعتني بطريقة أو بأخرى لروح معها بحجة الشغل أو بغير أسباب ماعم أتذكرها لكن ما استجبت أنا، بعدين اتعرفت على بنت أكبر مني بسنة تعارف إلكتروني لوجودها بغير دولة وبوقتها حسيت أني حاببها، استمرت هي المشاعر لسن 18 لكن العلاقة كان فيها قطع ووصل كتير وإذا بدي أطلق عليها مسمى فبعتبره حب ولدنة أو مراهقة
بعد قطع العلاقة مع البنت نهائياً بسن 18 توقفت عندي أي مشاعر للحب حسيت كمية المشاعر يلي كانت موجهة لهي الفتاة هي المخزون العاطفي يلي عندي بأكمله. بعدها دخلت بعلاقات وصداقات ومنهم علاقات عميقة ومنهم لا، لكن المشكلة بالفارق العمري، يلي بدأ معي بأول علاقة مع فتاة أكبر مني بسنة وبدأ بالتدرج لتاني علاقة أكبر مني ب 3 سنين والتالتة أكتر وأكتر لعلاقة أكبر مني ب 8 سنين وعلاقة أكبر مني ب 20 سنة حاولت فوت بعلاقتين وكانوا أصغر مني بالعمر بفارق كم شهر لكن ماوجدت فيهم رياحة أبدا ورح وضّح الأسباب
المشاكل يلي عم واجهها مع البنات يلي من عمري:
1-عم لاقي فجوة فكرية بيناتنا
2-ماعم لاقي جذب جنسي
3-السيطرة: من أكبر المشاكل يلي عم واجهها مع أي انثى، مجرد ما سيطر على الأنثى ماعاد بكون مرتاح بعلاقتنا، لذلك الأنثى الكبيرة بالعمر بواجه صعوبة أكبر بالسيطرة عليها وبيسعدني هالشيء لكن بالنهاية بسيطر عليها
المشاكل يلي بلاقيها عندي:
1-ماعم أعرف شو يعني حب أو حس بهي المشاعر لأي حدا، ممكن اعتياد على الشخص، خوف ولهفة، اشتياق
2-ضمنياً وقت بكون لحالي بحب عيش حالة المازوشية ودور الضحية وبفكر بأفكار تحسسني بالتعذيب والتوسل، لكن وقت بكون مع أي أنثى بتنقلب كل الحكاية لأنه متل ماذكرت بكون مسيطر تماما
3-ماعم أقدر فكر بأنثى قريبة بالعمر مني ولا حتى عم أبحث
إذا ممكن تفيدوني بالتشخيص والتحليل وإذا في ربط لبعض العقد النفسية متل أوديب والمازوشية أو السادية وكيف ممكن أتعامل معهم
شكرا جزيلا لكم ويعطيكم العافية
15/8/2023
رد المستشار
صديقي
الانجذاب للنساء الأكبر سنا ربما يكون بسبب احتياجات عاطفية لم تشبع في علاقتك مع والدتك.
اهتمامك بالسيطرة ثم الملل من العلاقة بعد تأكدك من السيطرة يعني أن الحافز هو السيطرة وليس الانجذاب والإعجاب والحب.. ربما هذا أيضا له علاقة برغبتك في السيطرة على والدتك خصوصا وإن كانت إما من النوع المسيطر بطريقة مبالغ فيها ومن النوع الخانع بطريقة مبالغ فيها.
الرغبة في السيطرة عموما تعني الشعور بعدم الأمان.
ما تحدثت عنه من حيث أن مخزون العواطف عندك تبدد بسبب علاقة واحدة إليكترونية ينافي العقل والمنطق والطبيعة.. العلاقات الإليكترونية ليست حقيقية بالكامل لانها لا تتضمن التعامل المستمر وجها لوجه وبالتالي يلعب الخيال دورا كبيرا في فهم المواقف ومعانيها وبالتالي تكوين المشاعر.
الرغبة في لعب دور الضحية هو محاولة للحصول على بديل رخيص للحب اسمه الشفقة سواء من الآخرين ومن نفسك.
العلاقة بالجنس الآخر مهمة ولكن معرفتك بنفسك وعلاقتك بها أهم.
ما هي رغباتك في الحياة؟ ما هي هواياتك واهتماماتك؟ طموحاتك؟ ما هي مواصفات شريكة الحياة المثالية؟ لماذا تريد هذه الصفات؟ كيف ستتوافق هذه الصفات معك؟ كم منها موجود فيك؟
الحب معرفة واهتمام واحترام ومسؤولية.. مارس هذه الأربعة مع نفسك لكي تفهم الحب قبل أن تبحث عنه مع طرف آخر.
وفقك الله وإيانا لما فيه الخير والصواب
واقرأ أيضًا:
أميل للسيدات فوق الأربعين
أمي وحماتي وجارتي: اشتهاء الكبيرات!
أحب النساء اللاتي في الأربعين من العمر
أميل للسيدات فوق الأربعين؟
تعليقات الأعضاء