|
| 
|
لمست قضيب صديقي بالهزار وأصابني بعدها تعب بشع
السلام عليكم، انا كريم عندي 30 سنة بدور عن شغل ودا مسبب لي شوية مشاكل نفسية أني بقالي فترة كبيرة مش بشتغل، عندي 3 أخوات ولاد وأختين علاقتي بيهم وبأبويا وأمي كويسه جدا الحمد لله، بيدعموني جدا في أي أزمة نفسية بمر بيها، من فترة قررت أروح لطبيب نفساني وشخص حالتي اكتئاب ووسواس قهري وكنت باخد سكيزولازين 2.5 مجم واستيكان 10 مجم، حاليا أنا بوقف الدوا بعد ما وصلت لمرحلة كويسه الحمد لله من التحسن ومازلت حتى مع توقيف العلاج
أنا من صغري عندي مشكلة في الميول الجنسية ودا لأسباب كتير بعيدة تماما عن الاعتداءات في الطفولة أو الكلام دا كله الحمد لله، أنا بس كنت طفل خجول جدا وماليش أي نشاطات ذكورية زي باقي الأطفال الولاد وكل أصحابي في المدرسة كانوا بنات ولما كبرت المشكلة كبرت معايا بقيت بتصرف تصرفات أنثوية، المهم أني الحمد لله تغلبت على المشكلة دي وبقيت طبيعي الحمد لله ميولي للجنس الآخر اتعدلت جدا وبقيت راغب للزواج وتفكيري دايما في الجنس مع الإناث، وبروح جيم ودا عدل من سلوكي كتير قوي، الكلام دا اتعدل قبل ما أروح للطبيب النفساني بحوالي 4 سنين لأني اشتغلت على نفسي بنفسي بدون أي تدخل من أي حد الحمد لله كله بفضل الله
عندي صديق مقرب جدا وبحبه جدا وعلاقتي أنا وهو ببعض واصلة لمرحلة عظيمة جدا، بس أنا رحت للدكتور بسببه علشان حصل بيني وبينه شوية مشاكل ومواقف عرضتني لأسوأ فترة عشتها في حياتي بس الحمد لله علاقتي بيه أحسن من أي وقت تاني وبحاول أتخطى أي حاجة حصلت، المشكلة اللي عندي حاليا إن من 3 أيام تقريبا كنت بهزر معاه زي أي اتنين رجالة بيهزروا مع بعض عادي فمسكت رأس قضيبه وقرصته منه وحسيت بعدها بحاجة جوايا مش مظبوطة أبدا، بدأت تزيد مع الوقت وبدأ يدخل في عقلي هواجس وتخيلات مش عارف جت منين وبقى هاجس عندي أن قضيبه أكبر من قضيبي ودخلت في حالة نفسية مريرة مش عارف هو فعلا شعوري إن قضيبه أكبر من قضيبي دا السبب علشان عندي شعور بالنقص في رجولتي بسبب إن كان لي ميول مثلية قبل كدا ولا إيه مش قادر أفهم ولا إزاي حتى وصلت للحاله دي
بفضل أقول لنفسي برده إن في ناس كتير عندهم قضيب أكبر مني اشمعنى دا اللي مركز معاه بالشكل دا وليه مش عارف أخرج النقطة دي من دماغي، وأنا الحمد لله رجل في تمام الرجولة حاليا وماعنديش مشاكل في طول القضيب أو عرضه الحمد لله، ودايما بقول لنفسي كدا لكن بشكل أو بآخر الفكرة بتفضل مسيطرة على عقلي بشكل بشع مش طبيعي أبدا، في ألم مش طبيعي بحسه في صدري كل أما أفتكر اللي حصل دا ببقى عاوز أموت نفسي حرفيا وبيفضل الألم مستمر طول ما أنا لوحدي وحتى لو معايا ناس وأنا قاعد ساكت بيكون موجود، لما بخرج وبختلط بالناس وأروح الجيم الموضوع بيخف وبقول الحمد لله هبدأ أتجاوز، مفيش ساعتين والألم يبدأ يزحف تاني لغاية ما يتمكن مني ويدخلني في حالة بشعه ببقى عاوز أصرخ وأعيط من شدة الألم ومن بشاعته
أنا مش فاهم دا إيه، هل أنا فعلا لسه عندي ميول مثلية ورجعت لي تاني لما عملت اللي عملته دا وأنا كاره رجوعها لي ودا اللي مسبب الألم دا ولا إيه أنا مش فاهم أي حاجة، وطول الوقت بلوم نفسي وأقول إن إيه اللي عملته في نفسي دا أنا إيه اللي خلاني أهزر معاه كدا وأعرض نفسي للبشاعة اللي أنا فيها دي، هل هيفضل الموضوع دا في دماغي كتير كدا مسيطر على تفكيري، هل بمرور الوقت هيقل وهرجع لطبيعتي، أنا مش عارف أي حاجة، ومش عارف أتعامل مع الوضع كدا، هل مثلا أعراض انسحاب العلاج بتخليني أحس بأي حاجة تحصل بشكل مضاعف، الدكتورة قالت لي أنت عندك مشكلة في إن الحاجة اللي ممكن الشخص الطبيعي يتأثر بيها بنسبة 10٪ أنت بتتأثر بسها بنسبة 90٪ ، طيب أعمل إيه أنا مش عارف،
أرجوكم ساعدوني علشان أنا حقيقي وصلت لمرحلة وحشه قوي، أنا ماعملتش أي حاجة غير أني هزرت مع صاحبي زي ما رجالة كتير بيهزروا مع بعض ودايما أحب أعمل كدا علشان يتلاشى من عندي أي شعور بنقص في رجولتي لأن كان عندي ميول مغايرة قبل كدا يعني رغبة في أني أطمن نفسي أنت رجل زيهم وهزر زيهم ماتخافش، بس ماعرفتش أن الموضوع هيقلب معايا بالشكل البشع دا، أتمنى تردوا علي وتطمنوني إن دا هيخلص قريب أو حتى تعرفوني إزاي أتخطاه أو إيه أسبابه وأنا أحاول أعالجها.
في النهاية متشكر جدا لإتاحة المساحة دي من عرض المشكلة للناس اللي زيي وعندهم مشاكل مش عارفين يتكلموا فيها مع مين
لأني طبعا مستحيل أتكلم مع دكتورة في حاجة زي دي موضوع محرج لأقصى حد ممكن يعني.
19/9/2023
رد المستشار
شكراً على مراسلتك الموقع.
لا شك بأن السلوك الذي تشير إليه مع صديقك سلوك بعيد جداً عن النضوج. مثل هذا السلوك والتفكير بحجم القضيب وطوله سلوك بدائي لا يصعب مشاهدته في الصبيان قبل البلوغ٬ واستمراره بعد ذلك لا يعكس سوى عدم النضوج العاطفي والمعرفي مع ضعف في شخصية الفرد.
سيرتك منذ الطفولة إلى الآن تعكس نقاط الضعف في تكوينك العاطفي والاجتماعي ويفسر انخفاض عتبتك للإصابة باضطراب القلق والاكتئاب. ضعف تكوينك الشخصي يفسر أيضاً تذبذب ميولك الجنسية وتصرفاتك الانثوية٬ ورغم أنك بذلت جهداً يستحق التقدير في تجاوز القلق وتعديل ميلوك الجنسية، ولكن سلوكياتك لا تزال صبيانية وهذا بالضبط ما حدث. لا يكفي أن تتغلب على القلق بالعقاقير وممارسة الرياضة يومياً وإنما عليك أن تفكر ماذا يجب أن يفعل رجل تخرج من الجامعة ودخل الآن في العقد الرابع من عمره
الرجل في عمرك يجب أن يبحث عن عمل مهما كان يوفر له المجال للتفاعل السليم مع أقرانه. يجب أن يشعر الإنسان في هذا العمر بالمسؤولية وكسب رزقه وعدم الاعتماد على عائلته مادياً. حين يفعل الإنسان ذلك يشعر بالاندفاع الذي يساعده على تطوير نفسه ومنافسة أقرانه وكسب احترام الآخرين.
الحياة لا تخلو من أخطاء وهفوات نقع فيها بصورة منتظمة. لكن بدلا من الشعور بالأسف الذاتي ولوم النفس والحديث عن قلق واكتئاب على الإنسان أن ينتقل إلى موقع جديد ويتعلم من أخطائه ويمضي قدماً واضعاً الماضي في سلة النفايات.
تعتذر لصديقك ولا تنتظر منه الرد بالقبول أو النقض وتمضي في حياتك. ابحث عن عمل وتصرف مستقبلاً كما يتصرف البشر في عمرك.
وفقك الله.
تعليقات الأعضاء