|
| 
|
وسواس أم مثلية أم اضطراب هوية؟
أرجو حل في مشكلتي اضطراب هوية جنسية أم مثلية
السلام عليكم ورحمه الله وبركاته، أنا مشكلتي في أني بنجذب جنسيا وعاطفيا لنفس جنسي من أول فترة في حياتي من قبل ماعرف معنى الجنس، من الأول خالص كنت بحب العرايس وألعاب الطبخ وأنا طفل ولما كبرت شوية بقيت بلعب ألعاب التلبيس والميكب على الكمبيوتر، من أول مكان عندي ٦ سنين كنت بحس وأنا بتفرج على المسلسلات أني نفسي أكون مكان البطلة وكنت بعجب بالبطل اللي معاها وكبرت وأنا مرتاح في التعامل مع البنات زمايلي في المدرسة ومرتاح في اللعب معاهم وكنت معجب بولد زميلي وكان كل حلمي بس أني أمسك إيديه وأحضنه
لما كبرت للأسف أول ماعرفت يعني إيه جنس كان فيديوهات مثلية وبعدها عرفت إن مش دي العلاقة الصح بس برضو فضلت حاسس من جوايا أني بنت وإن حياتي هتتصلح وهرتاح لما أكون بنت ولسه نفسي ألبس زي البنات وأكون زي البنات وبحاول أخفي أي مظهر من مظاهر الولاد بأني أحلق دقني على طول وأي حاجة خاصة بالولاد وأنا بعملها ببقى حاسس بضيق وأني مش عايز أعمل كده زي أني مثلا أروح للتجنيد أو أني ألبس بدلة، كان عندي وسواس قهري واكتئاب في فترة المراهقة ولسه لحد دلوقتي بتعالج منه ومنتظم في الأدوية بس الغريبة إن كل دكتور بروح له مبيركزش في الموضوع ده رغم إن ده هو اللي سبب لي الاكتئاب لأني يئست وحسيت أني مفيش مفر وإن الممارسة المثلية حرام وإن حلمي أني أبقى بنت برضو حرام
أنا بجد مبقتش عارف أعمل إيه ونفسي في حل أنا كان عندي وسواس عن العقيدة والدين والنظافة بس شدته متفاوتة ومع العلاج بقى الحمد لله ضعيف بس للأسف مفيش ولا دكتور بيقرب ناحية إحساسي أني نفسي أتجوز وأعيش مع راجل أكون بحبه لأني من جوايا حاسس أني بنت ونفسي أعيش شعور البنات وهي بتلبس الفستان وبتتجوز اللي بتحبه أنا حتى ساعات كتيرة بحسد بنات بشوفهم لمجرد بس أنهم بنات وهيقدروا يتجوزوا راجل عادي مش عشان شكلها حتى بحسدها على كونها أنها بنت بس
أنا نفسي في حل أنا مش عايز أغضب ربنا بس في نفس الوقت أنا نفسي أعيش حياتي وأعرف معنى الحب.
أعمل إيه!!!
20/1/2024
رد المستشار
شكراً على متابعتك الموقع.
تم الرد على استشارتك قبل عامين ومتابعة اليوم لا تختلف بتاتاً عن استشارتك السابقة. كان استنتاج الموقع بأنك مثلي التوجه أو قابعاً في موقعٍ ما بين التنافر الجندري والتوجه المثلي. أشار عليك الموقع الدخول في علاج نفساني غايته وصولك إلى قناعة حول توجهك المثلي والقبول به.
تحديد أهداف المستقبل والتعامل مع العوامل الاجتماعية والبيئية هو مسؤوليتك أنت ولا يستطيع الموقع تقديم نصيحة ما حول تحقيق أمنيتك بالعثور على حب مثلي والزواج من رجل. تعيش أنت في مجتمع ينبذ المثلية وهي مخالفة للقانون٬ وهذا الموضوع بصراحة لا علاقة له بالطب النفساني. الدخول في علاج كلامي قد يساعدك على التأقلم بيئياً ومواجهة تحديات الحياة.
وفقك الله.
تعليقات الأعضاء