|
| 
|
الوسواس القهري
السلام عليكم ورحمة الله وبركاته وأنا صغيرة كان عندي وسواس بسيط زي أني أعمل حركات معينة عشان أرتاح أو أرمش بعيني كثير بس بعدها راح وبدأت أتخيل حاجات جنسية وكنت بحس بشهوة وكان بينزل مني حاجة مكنتش أعرف هي إيه وكنت بتخيل أحيانا حاجات رومانسية -كانوا شخصين بتخيلهم على طول وبتخيل مواقف رومانسية وسعيدة جدا بينهم- وأحيانا بتخيل أني أنا البنت نفسها- بس مكنش بينزل مني حاجة بس معرفش إذا كنت بحس بشهوة أو سعادة وبطلت أتخيل كل ده الحمد لله بس ساعات كنت -وأنا معرفش برضو- كنت بعمل حركات جنسية واكتشفت من قريب معنى العادة السرية وعرفت إن دي كانت هي وبعدها بطلت واغتسلت لما عرفت
بس بدأ عندي وسواس في كل حاجة حرفيا في الاحتلام والطهارة والغسل والنية والأفكار والشهوة وإلخ... ولحد دلوقتي وبقيت كل ما أنام أحلم بحاجة غريبة زي أني أرقص في الحمام وأنا بستحمى وأكون حاسة بشهوة ومرة ثانية أحلم بلمس أعضاء الحيوانات بشهوة وبقيت كل يوم لازم أقول الأذكار وأدعي ربنا في كل صلاة أني ماشوفش حاجة وحتى لما أصحى بلاقي هدومي فيها رطوبة وأخاف إن الحلم اللي أنا مش فاكراه أكون شفت فيه احتلام حقيقي -عرفت أن الاحتلام محصور على الجماع بس- وساعات برضو بيجيلي صور غريبة زي أني أشوف رجلين مفتوحة والمفروض أنها بتجامع ودا بيبقى بين اليقظة والمنام ومش عارفة أحدد هو إيه ده!!
وأما وسواس الشهوة حرفيا لو حد مسك أصابعي بحس بشهوة ومش عارفة إذا فعلا بحس ولا مش إحساس حقيقي وبقول إن نزل حاجة ومرة ثانية أقول لا وبحس بالضياع، وبالنسبة للأفكار الأفكار الجنسية هي مش بتفارقني لحظة من يومي كل ما أشوف حد تلقائيا يجيلي صورة عورته إلخ... وكل ما حد يتكلم عن الحمل أو الزواج أو الارتباط أو الحب بحس إحساس غريب معرفش إذا شهوة أو لا وأنا بحاول أدفع الأفكار دي بس نتيجة كده طلعلي وسواس غريب هو أني بتعمد أفكر في الحاجات دي -من ساعة ما عرفت أن لما أتعمد أفكر فيها كدا بينزل حاجة- فبقت الفكرة تلزق في رأسي للحظات وأحيانا أنا أتعمد أسيبها في دماغي للحظات -مش متأكدة إذا بتعمد- وحاجة كمان أني بقيت أوسوس أني بعمل العادة السرية فمثلا هدومي تلزق على جسمي وأسيبها ومحركهاش يبقى بعمل العادة ولما أكون في الحمام بستحمى أو أغتسل أو أستنجى أحس بشهوة أو أني بتعمد أعمل كده
وساعات بيجيلي أحاسيس غريبة لما أبص في وش حد أو لما أتحرك بطريقة معينة آسفة إن كلامي مش واضح بس بخاف إني أكون حسيت بشهوة، وحاجة أخيرة أني النهاردة حصلي موقف خلاني أخاف جدا وهو أني كنت في مناسبة ولما اشتغلت الأغاني قعدت أتخيل الولد اللي كان في تخيلاتي الرومانسية -بتخيله قاعد وبحس بسعادة- أنا فعلا اتعمدت أفكر في الفكرة دي بس حسيت بسعادة كبيرة ومحستش بأي حاجة نزلت ولما رجعت البيت لقيت لون أصفر في هدومي -أنا أصلا عندي التهابات صفراء- وخفت بس قلت أنها ممكن إفرازات عادية وافتكرت لما قريت إن من علامات المني إنه بيتقشر لما يجف قعدت أجرب أقشر -هو ناشف بس ملمسه غريب- لقيت ذرات بيضاء وأنا متأكدة 70% إنها وبر من ملابسي نفسها لأن طبيعتها كده بس أنا كنت خايفة واللي مخوفني أكثر أني تعمدت أفكر
وآسفة أنا طولت بس الموضوع ده مخلي حياتي صعبة حتى وأنا بكتب حاليا حاسة برطوبة وحاليا حلم حياتي أرجع طبيعية.
وشكرا ليكم
15/4/2024
رد المستشار
وعليكم السلام ورحمة الله تعالى وبركاته يا "Mmmmm" وأهلا وسهلا بك على موقعك مجانين
معاناتك تنقسم إلى قسمين: الانزعاج من التفكير الجنسي نفسه، والخوف من نزول المني
أما الخوف من نزول المني فأمره يسير، فمن المعروف ان القليل من النساء من ترى المني، حتى لو شعرت باللذة الكبرى. هذا أمر... والأمر الآخر: باعتبارك لا تعرفين ما ينزل منك، ولا تميزين ما هو، فلا نستطيع أن نقول إنه مني حتى تتأكدي ١٠٠٪ من ذلك، ولا يجب عليك الغسل، وكلامك أصلا لا يدل على وجود مني أو شهوة كبرى
دعي الأمور تسير ببساطة، لأن هذه الأشياء طبيعية عند الإنسان، وكلما خفت منها وراقبتها أكثر، كلما اشتد الوسواس أكثر... فإذا تركتِها تمر كما يمر شعور الجوع لديك، خفتت وذهب الوسواس.
وطبعا إن شئت الراحة والعلاج، فلا مفر لك من الذهاب إلى الطبيب، ولا يمكن أن ترجعي كسابق عهدك بمجرد المراسلات عن بعد، هناك برامج علاجية، وعقاقير وأدوية عليك الالتزام بها، فارحمي نفسك وسارعي بالذهاب إلى الطبيب
عافاك الله
تعليقات الأعضاء