|
| 
|
وساوس مختلفة: لكن كلها و.ذ.ت.ق! م
أنا مش عارف أشخص حالتي وأنا عندي إيه
السلام عليكم وشكرا على تحملكم للشكاوى المتكررة التي لا تنتهي ولكن هي معاناة كتبت علينا
أنا عندي وسواس غريب وبيزيد أنا مش عارف أشخصه هل هو وسواس شذوذ ولا وسواس ديني ولا وسواس نجاسة ولا وسواس تشاؤم ولا إيه وأتمنى إنكم تعرفوا وتقولوا لي الحل
أنا أتحاشى السلام على أي رجل وكمان الاقتراب حتى وقت المشي في الشارع والموضوع بقى واضح جدا والموضوع خلاني أصلي لوحدي مبصليش جماعة في الشغل لأن لما بصلي جماعة بيحصل توتر شديد ومبركزش في الصلاة والمشكلة الموضوع بقى ليه علاقة بالشغل برضه أنا لو حد مسكني من إيدي دماغي على طول تجيب حاجة كنت أعملها أو موقع بستخدمه في الشغل كصورة ذهنية فيجيء لي تشاؤم أنا بصراحة مش عارف ده تشاؤم ولا إيه
والله أنا مش عارف أشخص إيه ده فابتعد عن استخدامه ولما أهدى وأحاول أرجع لاستخدام الموقع ثاني تجيئني أفكار وتصورات إن مش هيبقي في بركة في الفلوس أو إن الفلوس هتبقى حرام أو إن مع الوقت الفلوس أخسرها كلها وكمان في مرة كنت بصلي جماعة فكنت بعيد بحاجة بسيطة عن اللي جنبي فاللي جنبي مسكني علشان أقرب وأنا مش عارف ليه بيحصل كده بس لما بيحصل موقف بلاقي نفسي أنا اللي بستجلب الوسواس أو بستجلب الحاجات اللي يستخدمها ولقيت نفسي جبت حاجات بستخدمها تاني في شغلي وبرضه تجنبتها فضلت فترة بضغط على أعصابي إن لما بيحصل موقف أستخدم حاجات تحاشيتها والنهاردة كنت بشتري حاجات مع والدتي وكان الراجل بيجيب البضاعة فأنا فاكره هيجيب الحاجة من الي قدامي فبالتالي رجعت لورا فلقيته طلع هييجب البضاعة من مكان ورايا فأنا رجعت ورا برضه والموضوع بقى سخيف والوسواس مجاش في لحظتها بس أنا لما بيحصل مواقف زي ديه للأسف بجلب الوسواس وبرضه تحاشيت حاجة تانية لأن مش عارف الحكم الشرعي ولا ايه الصح والغلط ومش عارف أسأل شيوخ لأن أسأل أقول إيه ومش عارف أروح لدكاترة بسبب أهلي لأنهم رافضين العلاج الدوائي مع إني محتاج للعلاج الدوائي
حياتي ضائعة وكل يوم الدائرة بتزيد مع إن بلاقي الي في الشغل بيعاملوا عادي مع بعض وأي حد في الشارع بس أنا لاء الخوف مكتفني ومش عارف أبقى طبيعي ومش عارف أشخص نوع الخوف اللي عندي ومش عارف إيه الصح والغلط وإيه العلاج وعارف إن حضراتكم هتقولوا لي لاء استخدم كل الذي تحاشيته وارجع اشتغل عليهم تاني بس إزاي وأنا متوقف على مشكلة الحكم الشرعي والسبب إن أنا الذي أستجلب الوسواس في مخيلتي وده مش عارف هل دماغي اتبرمجت كده ولا إيه ولا ده من نفسي ومثلا أقول أطهر الحاجات ديه طيب أطهرها ازاي مش عارف؟
أنقذوني مش عارف أعيش
وأرجو أنكم فهمتم معاناتي وأكون قدرت أوصل مأساتي
2/6/2024
رد المستشار
الابن المتابع الفاضل "Hazem" أهلا وسهلا بك على مجانين وشكرا على ثقتك، واستعمالك ومتابعتك خدمة الاستشارات بالموقع.
أعطيناك تشخيصنا المبدئي في ردنا الأول عليك قائلين: (الأعراض في مجموعها تصف عرض وسواس الذنب التعمق القهري)، وجعلنا عنوان ردنا عليك: وساوس مختلفة: لكن كلها و.ذ.ت.ق! لنبين لك أن العامل المشترك والمحور الجامع لوساوسك التي تراها مختلفة هو مخافة الذنب المرضية وأفعال التكفير التعمقية في صورة التحاشي المفرط.
رغم ذلك أنت تقول (عندي وسواس غريب وبيزيد أنا مش عارف أشخصه هل هو وسواس شذوذ ولا وسواس ديني ولا وسواس نجاسة ولا وسواس تشاؤم ولا إيه) ... لماذا تفترض أنك يجب أن تعرف كيف تشخص حالتك؟ واقع الحال أن التشخيص ليس هو الأهم بالنسبة للمريض وخاصة في الطب النفساني بل كثيرا ما يكون غير ذي معنى، والمهم حقيقة هو أن يفهم المريض كيفية العلاج.
أنت لم تضف كثيرا في التفاصيل ولا في مواضيع وسواسك، لكنك ربما فصلت أكثر في وصف التحاشي المبني على وسواس الشذوذ، وغير خفي أن الجنس هو أحد أهم مولدات الشعور بالذنب الذي تتحاشاه أنت أيضًا في مخافة التقصير أو مخافة الحرام أو ما يرتبط به إلى آخر ما فصلت في وصفه.
المؤسف يا "Hazem" يا ولدي أنك على حالك إن لم تكن أسوأ، ونحن لا نستطيع تقديم شيء أكثر مما قدمنا بالفعل، يمكنك أن تجد من المعالجين النفسانيين من يساعدك في إقناع الأهل بأهمية العلاج الدوائي خاصة وأنك تبدو هذه المرة أكثر اضطرابا من المرتين السابقتين.
ومرة أخرى أهلا وسهلا بك دائما على موقع مجانين فتابعنا بالتطورات.
تعليقات الأعضاء