|
| 
|
التخطي
السلام عليكم، يمكن اللي هقوله خارج المنطق بس ده اللي حصلي من حوالي سنتين كنت في عمرة عرفت شخص هناك طلب يتقدم لي وأنا فرحت جدا حياتي من قبل العمرة كانت واقفة حاولت كثيرا جدا أوصل لأي حاجة في حياتي من بعد ما خلصت الكلية المهم لما عرفته قلت ده تعويض ربنا لي طبعي إني لو أحد مثلا دخل حياتي وحسيته بيبعد خلاص عمري ما أفرض نفسي على حد
فهمني إنه منفصل وعنده ولد وبنت أول شهرين كان كويس معي جدا بعدها بدأ يبعد من غير سبب المهم رجع لي بعدها استمر الحال ده لمدة سنة وتقدم لي وكلم أهلي وقال لما يرجع مصر سيكتب كتابنا على طول الفترة دي ولا مرة قال لي كلام خارج وطول الوقت يحدد مواعيد يرجع فيها وكان في مماطلة بس أنا كنت ألاقي نفسي مش قادرة أبعد عنه ماسكة الموبايل في إيدي طول اليوم أستناه بس يرد علي وأعيط طول الليل وأدعي ربنا يخرجه من قلبي
في رمضان الذي فات قلت أنا لو كنت بعمل كده أو متعلقة به علشان محتاجة حد جنبي وكلها مشاعر احتياج أو يخرجني من مرحلة في حياتي في غيره ممكن يعمل كده بس كان في حاجة غلط مرة نمت حلمت إن في واحدة قالت لي إنه متجوز وعنده عيال ثانية صحيت من النوم كأنه بجد سألته إنت متجوز تتريق علي وقال لي تغطي وأنت نائمة بعدها بفترة نزل مصر وكان مشغولا مع أهله ولما ضغطت عليه يجيء يتقدم قال لي إنه متجوز وعنده عيال ثانية فعلا وبدل ما أنا أقول له كل حاجة نصيب قلت له طيب ولو أنا وافقت قال لي هتجوزك مراتي تعاملني وحش وأنا من الصدمة مش سامعة ومش فاهمة أنا ليه مغلطش فيه وقال لي أنا كنت بدعي ربنا إنه كان نفسي أنت تكوني أول واحدة في حياتي وفعلا كلم أهلي ثاني وأنا أقنعهم إنه خلاص أنا راضية هو هيبعدني عن عيلته خالص واستمرت بعدها المماطلة
من كام شهر كنت مشغولة شوية عن قراءة القرآن فجأة صحيت على كابوس وحش وجسمي مقشعر جدا قمت بدأت أقرأ قرآن لقيت لساني وقف وأغمي عليّ مقدرتش أكمل قراءة وقتها خرجت من البيت الصبح بدري كنت لوحدي وخائفة رجعت هو كلمني بعدها لقيت البيت هدأ فجأة حتى قطتي كانت باصة على حاجة وبتجري وخائفة لقيت نفسي من بعد العصر يتكرر معي كل يوم ده ومش بهدي غير لما يرد علي جربت ثالث يوم أعمل نفسي هتجنن وأبعث له ويرد وأشوف اللي بحس بيه ده هيروح ولا لأ وفعلا هديت شكيت إن في حاجة غلط
وقتها كتبت بوست على جروب أنا في شخص أنا مش عايزاه وكتبت الأعراض في حد قال لي سأعالجك وفعلا كان عندي حلم غريب يتكرر كأني موجودة في مكان والمكان ده بيجي العصر ويبقي ظلمة وأتحبس جوه لحد ما فجأة خرجت منه والدنيا نورت
وفي يوم صايحة مش فاكرااه مش عارفة مين ده مش هو ده مش شكله الحقيقي ومش حاسة ناحيته بأي مشاعر كلمت المعالج ده قال لي احمدي ربنا هو عاملك سحر جلب وهو بنفسه يسيطر على تفكيرك افتكرت إنه أول ما عرفته زمان كنت مثلا أقرأ سورة من القرآن ألاقيه الصبح بعث لي تفسيرها! مرة مثلا كنت أقرأ ذكر مش متعودة عليه لقيته كاتبه على الواتس ستوري ثاني يوم
المعالج ده قال لي كان مسيطر على تفكيرك بعدها بفترة بدأت ترجع كوابيس أصعب من الأول شكيت في المعالج وعملت له بلوك والشخص ده رجع لي ثاني وقال أد إيه هو مشغول وإنه هيجي قريب أنا أهلي وأصحابي كانوا مستغربني مش عارفين مالي المهم فضلت علي الحال ده وكلمت كذا معالج وكلهم أكدوا كلام المعالج الأول وفي نفس الوقت مش بعرف أبعد عنه لحد ما في يوم بدأت أقرأ القرآن كله ودعيت ربنا يوريني إذا كان هو فعلا له دخل في ما يحصل لي ولا لأ؟ حلمت به واقف في مكان ظلمة ويدق مسامير في حائط قدامه وأثناء ما أنا أقرأ قرآن كنت بنهار من العياط وببعت له قلت له أنا حاسة بحاجة غلط ده مش حب وقلت له اعملي بلوك أنا مش عارفة أسيطر على نفسي قال لي أنا مليش ذنب في ما يحصل لك مع إني مقولتش صراحة إني شاكة فيه قلت له يمكن حاجه فيك بتعمل كده بعدها عمل لي بلوك وبعدها ولا كأني كنت أعرفه ولا كأني حاسة بأي حاجة وكل ما كان يحصل لي اختفى مرة واحدة يعني حتى لو كان عندي مشاعر ناحيته كنت آخذ وقت علشان أنسى
بس أنا مش قادرة أعدي نفسيا كل ده كرامتي كانت بتتهان وأنا مش حاسة بنفسي أنا اختصرت الذي كان يحصل معي لأني كنت أتعذب بسبب إنه مبيردش كل يوم لمدة سنيتن أنا عايزة أروح لدكتور نفسي أتكلم معه بس مكسوفة أتكلم في موضوع السحر ده
وطبعا عارفة إن العامل النفسي إني نفسي يبقى لي زوج وأسرة يؤثر بس أنا وضحت إنه ده مش طبعي
أنا مش قادرة أسامحه ومش قادرة أتخطى الذي حصل لي
24/11/2024
رد المستشار
صديقتي
عندما تقولين 'لا أستطيع' ففي الحقيقة أنت تقولين 'لا أريد بالقدر الكافي'
لو كان السحر مؤثرا لهذه الدرجة بدون تعاونك أو تمسكك بهذا الكذاب فلماذا لا يمتلك السحرة كل الكوكب؟ لماذا لم يجتمع بعض السحرة على مر العصور ليخلصونا من حاكم ظالم مثلا؟
السحر لا يمكنه التأثير فيك بدون إيمانك به وبتأثيره عليك.
تقولين إن حياتك كانت متوقفة قبل العمرة التي قابلته فيها واعتقدت أن هذا تعويضا من الله.... تعويض عن ماذا؟
أعتقد أن أفكارك عن الله والحياة تشوبها السطحية والسذاجة... اعتقادك أن الزواج هو أهم شيء في الحياة جعلك تتعلقين برجل من الواضح أنه كذاب واستغلالي ويحب التلاعب بمشاعرك...
تضيعين عمرك وحياتك بالتمسك به أو بمسألة كرامتك.. أكثر من سبعمائة يوم قضيتها في التفكير فيه والأمل في عودته إليك... هذا يعني أن حياتك تخلو من أي شيء له معنى حقيقي وعميق وبالتالي تتمسكين بالارتباط على أنه العوض والشيء الوحيد الذي له معنى أو جدوى.
الدعاء لن يستجاب إذا كان في مقدورك الحصول على ما تدعين الله لكي يحدث... ومن ناحية أخرى الله يقول إنه لا يغير ما بقوم حتى يغيروا ما بأنفسهم.. يعني أفكارهم وأفعالهم.
لقد قابلت هذا الرجل في عمرة وطلب الارتباط بك... لماذا؟ ولماذا تريدين أنت الارتباط به؟ ما الذي تعلمينه عنه من خلال مشاهدة تصرفاته في الحياة (لا قيمة لما يقوله لك)؟ ما الذي تعلمينه عنه حقيقة مما يجعلك تريدينه زوجا (في الحاضر أو الماضي)؟
ما هي مواصفات شريك الحياة المثالي لك؟ ما هي أفكاره ومبادئه وهواياته واهتماماته ومستوى تعليمه ورغباته وأهدافه كيف يتعامل مع الآخرين في حالاته المختلفة؟
وماذا ستعطين أنت في مقابل كل هذا؟ ما الذي سوف يجعله يريد الارتباط بك؟
ليس هناك سن معينة ينتهي عندها احتمال الارتباط... ما زال أمامك متسع من الوقت للزواج والإنجاب، ولكن يجب أن تكفي عن تضييع وقتك وتنظري للمستقبل وتنمي في نفسك بما يؤهلك لتحقيق أهدافك بدون الاعتماد على الحظ أو الحلول السحرية.
وفقك الله وإيانا لما فيه الخير والصواب
واقرئي أيضًا:
متزوج لكن أحبه !! ما العمل ؟
عريس مناسب.... لكنه متزوج؟؟؟
حبيبي متزوج... أريده بجواري
حبيبي متزوج...ماذا أفعل؟!!
طلب خطبتي ومضى عامان ولم يتقدم!!
تعليقات الأعضاء