|
| 
|
صباح الخير
أنا متابعة موقعكم من مدة سنين وذي أول مرة أرسل سؤال: محتارة جدا ومش عارفة أعمل إيه... لسه متخرجة من قريب واشتغلت في بنك بقالي ٤ شهور بس مش حاسة إن ذا مكاني وحاسة أني مضغوطة أوي كل مرة بدخل المكان وأتضايق على حالي وعلى التعب الذي تعبته خصوصا أيام الكلية والكورسات التي أنزلها لدرجة أني مش بس تعبت نفسيا بل صحيا بسبب الموضوع
كمان في الشغل للأسف في سوء إدارة بشتغل لوحدي شغل أكثر من فرد، مديري تحديدا إنسان عديم الشعور والتقدير كل الذي أبذله من مجهود وطاقتي التي أعطيها للشغل مش شايفها ومبيفتكرنيش غير لما بيلاقي غلط في الشغل حتى لو مش غلطي بس بيرجع لي بشكل أو بآخر يلومني عليه
بصراحة نفسيتي تعبانة من ضغط الشغل والمجهود الذي أبذله وفي الآخر ألاقي لوم على حاجات حتى لو مش خطأي، ده أول شغل لي يعتبر وأنا من أول ما اشتغلت مش قادرة أحط باوندريز أو أنظم علاقاتي في الشغل.
أتعامل معه إزاي لأني بجد قرفت وزهقت، أحاول أن أعامله كويس وده مش فارق وحتى لما مبتعاملش معاه بردو مش فارق، مثال كويس جدا للـ toxic manager هو سئ معنا كلنا بس أنا تحديدا مش قادرة أتحمل لأن علي عبء كبير بالنسبة لحجم الوظيفة بتاعتي والمرتب اللي آخذه أصلا
وعايزة أسيب الشغل بس في نفس الوقت أهلي وناس كتير بيقولولي لاء أكمل وخلاص ومحدش لاقي شغل ودا مسبب لي ضغط نفسي أكبر بكتير أنا مش فارق معي أوي أسيب الشغل عشان معنديش التزامات أو أي حاجة أحتاج لها الفلوس دلوقتي ضروري بس بفكر في كلامهم وأن محدش ضامن فعلا المستقبل ممكن يحصل إيه وبقيت محتارة أوي ومش قادرة أعمل أي حاجة هل أكمل ولا أقف ولا أعمل إيه بالضبط
وبقيت فعلا محتارة وعمالة أفكر هل إن أنا بقدم استقالتي دا قرار صح ولا تهور من عيلة على رأي أهلي وإن صعب ألاقي بعدين شركة حتى لو إدتني مرتب أعلى مش هتأمن عليّ وممكن يحصل لي أي حاجة وحشة ومش هعرف أتعالج ولا أعيش
بجد محتارة أوي ومضغوطة أوي
ومش عارفة أعيش أعمل إيه...؟
25/2/2026
رد المستشار
صديقتي
لا داعي لكل هذا
من ناحية مديرك والعمل تصرفي بطريقة الموظفة البارعة التي تدري أنها بارعة وتريد أن تحسن من أدائها بصفة مستمرة..... لا تنتظري الإطراء ولكن أيضا لا تقبلي اللوم على أشياء لم تفعليها.
عدم قبول اللوم يساوي أن تسألي أسئلة للبحث عن الحلول وعن الصواب وأسئلة توضح ما ليس لك مسؤولية فيه..... مثلا: كيف أعرف أن هذه معلومة خاطئة؟ ما هو الأداء المطلوب أو الخطوات المطلوبة في هذه الحالة؟
إن كنت تريدين ترك هذا العمل فابحثي عن وظيفة أخرى واحصلي على عرض آخر يعجبك قبل الترك أو الاستقالة.
مشاكل العمل والمديرين موجودة في كل مكان وزمان..... حاولي أن تفهمي كيفية الأداء الذي يجبره على الصمت والإنصاف.... أنت موجودة في هذا العمل من أجل العمل وعليك أن تبرعي فيه، ولست موجودة للإطراء والتشجيع من مديرك..... إذا كان مديرا ساما وغبيا (وهما صفتان متلازمتان) فعليكم جميعا كموظفين مساعدته على الترقية..... بهذا سوف تتخلصون منه وتفعلون الخير في نفس الوقت.
وفقك الله وإيانا لما فيه الخير والصواب
واقرئي أيضًا:
لا يهم المدير ولا التقدير! عليك بالتطوير
تصرفات المدير
زميلتي ومديري والشخصنة!
غضب كالنار: مديري والزحام والأسعار!
همسات في أذن مدير
شخصية المدير ومدير المدير م
تعليقات الأعضاء