وسواسك طال وذا استهلال الاختلال! م

وسواسك طال وذا استهلال الاختلال!
 مش عارف
 
 أنا 23 عام، خريج من أول سنة في الكلية كنت دائما خائف من الفشل وخائف من أي كلمة تفوتني وأنا بتفرج على كورس وكنت بكتب بتفاصيل عشان منساش ودائما بفكر كثير وكل الكلام ذا، كان الموضوع في الأول بسيط وكان كل سنة بيزيد من غير ما أحس.... لغاية ما تخرجت وأنا إنجازي الوحيد في الحياة أني طول الـ4 سنين كنت أعيد مشاهدة كورس واحد فقط خائف أنتقل منه.... لغاية ما وصلت لنقطة أنا مش فاهم إيه اللي بيحصل بالضبط
 
 الآن أنا آخذ كورسات، أول ما أبدأ أقعد على المكتب عشان أذاكر وأفتح اللاب وأبدأ أفتح المحاضرة طبعا هنا بيكون في خوف شديد لدرجة إيدي بترتعش، خوف كأن الموضوع مصيري كأن كل كلمة مصيرية، كأن طريقة حلي للتاسك مصيرية، لكن مش هنا المشكلة، المشكلة بتبدأ لما أقول يلا أركز في الشرح، هنا بيحصل حاجات غريبة: أفضل أقول هو إزاي أركز؟ طب أبص فين؟ أبص في وش المحاضر؟ طب أبص فين في وشه؟ طب خلاص مش هبص في وشه أنا هبص على الصورة بتاعة الشرح، طب أبص فين على الصورة؟ ألاقي نفسي ببص على كل كلمة وكل حرف بيتكتب وأحس إني مش ملاحق أقعد إزاي علي المكتب؟ أحط إيدي فين؟ أحط رجلي فين؟
 
 ومش ذا الأسوأ! الأسوأ إني لما أسمع الشرح، مببقاش عارف أسمع إزاي؟ أتخيل الكلام؟ ألاقي نفسي بتخيل كل كلمة، بحس إني بوجه عقلي من جوه إنه يركز ويستوعب
 
 الأسوأ والأسوأ، وأنا بقرأ حاجة، ألاقي نفسي بقرأ كلمة كلمة، حرف حرف، مش فاهم حاجة، فأحاول أتخيل الكلام عشان أفهمه، حاسس إن في طبقة زيادة وفي ثقل في الفهم وبطء استيعاب
 
 حاجة كمان طول الوقت لو بسمع حاجة سواء تبع المذاكرة أو بعيد عن المذاكرة وأكون فاهمها، أفضل أتخيل أو صور تجيء لي عن إزاي الفهم والعمليات الإدراكية وكل ذا بيحصل جوه دماغي، مع إحساس خوف إن كل ذا يقف فجأة مرة واحدة، الموضوع بالضبط كأني واقف جوه ماتور وشايفه شغال وخايف يقف في أي لحظة
 
 حاجة كمان، بسبب إني عندي رهاب اجتماعي ومش بعرف أبص لعين أحد، لكن لما بدأت أقول خلاص هبدأ أبص في عين الناس، ألالقي نفسي بسأل طب أبص فين بالضبط؟ وألاقي أني أصلا مش مركز معه وكأني شايف نفسي وأنا ببص على الشخص
 
 طول الوقت شايف نفسي وأنا بذاكر، وأنا بتفرج وأنا بقرأ، مش عارف أخرج بره دماغي، ولو حاولت أركز في اللي بعمله وأخرج بره دماغي ألاقي إني رجعت لنفس الدائرة بتاعة إني طب أبص فين؟ أركز إزاي؟ أسمع إزاي؟ أقرأ إزاي؟ إزاي الصورة اللي شايفها بستوعبها؟ وألاقي نفسي ببص على كل نقطة في الصورة عشان مفكر إن هو ذا الاستيعاب والإدراك
 
 الموضوع متعب وبكون قدامي من المذاكرة كارهها وعندي صداع شديد ومش عارف أعمل حاجة في يومي، مع العلم إني فعلا مش خائف من الفشل وبقول حتى لو هتشرد أنا مش خائف
 
 ولكن أحس أني مشدود، خائف، كأن الموضوع مصيري،
 تفكير تلقائي بيفتح جوه دماغي، حتى لو بلعب لعبة
 26/4/2026