أحبه لا لا أحبه! القلق المفرط والحداد م5

أحبه لا لا أحبه أنا أنفر منه! م4
القلق المفرط
 
السلام عليكم، دلوقتي أنا طول عمري قلوقة جدا بس كان الموضوع محتمل لحد ما من شهرين بابا جاء له ورم في المخ واكتشفناه في المراحل الأخيرة وفي الآخر توفي الأسبوع اللي فات
 
طول الشهرين اللي فاتوا لاحظت أنه بقيت يجيئ لي نوبات قلق قوية أوي ببقا برتجف جدا وضربات قلبي عالية جدا لدرجة إني كنت أحس بأعراض تشبه الذبحة أحيانا ورحت لدكتور قلب قال لي كل ذا قلق وتوتر وكتب لي منظما لضربات القلب ونصف قرص مهدأ cipra pro بس المهدأ ذا قريبتي بتاخدة بتنام كثير وكويس أنا آخذه مش بيعمل معي أي حاجة مش بنام ومتوترة طول الوقت بحط احتمالات وحشة لأي حاجة غصب عني دائما حاسة إني مقصرة دائما حاسة إني وحشة وإن الناس هتبعد عني حقيقي الموضوع بقى مؤرق جدا بالنسبة لي
 
فأنا مش عارفة هل ذا بسبب الضغط النفسي الذي تعرضت له من أول مرض أبي واللف على المستشفيات لحد ما توفي والموضوع مؤقت وهيروح؟
ولا أنا كده في حاجة مش صح وجاء لي مرض بالقلق المفرط ولا إيه يا ليت حضراتكم تفيدوني وتقولون لي أتصرف إزاي
 
 وآسفة للإطالة
شكرا
27/4/2026