السلام عليكم ورحمة الله
R03;
أنا بعت مشكلتي قبل كده بعنوان وحيدة وخائفة من المستقبل بس كل اللي أقدر أقوله أني بجد محتاجة مساعدة ورد أطول من الرد اللي فات.
أنا بقى عندي رغبة في الانتحار بشكل كبير الأول كنت بفكر بس وأقول أسط وسيلة إيه وده من فترة لكن كنت براجع نفسي وأقول لا حرام دلوقتي الموضوع تطور أكتر بقيت بجد ببص لشرايين إيدي وأفكر إزاي هقطعها ممكن يكون كل ده مجرد إني بفكر في حل لكن أنا أوقات بحس بجد إن مفيش حل في حياتي غير الموت رغم أني الحمد لله عمري ما عملت غلطة كبيرة لدرجة أني أكره حياتي لكن ما أنكرش أني بمر ومريت بألم شديد وليه أسباب كتير.
أوقات بحس بألم رهيب في قلبي ببقى بجد حاسة إني مش قادرة أتحمله وده اللي بيخليني أفكر في الموت أنا واثقة في رحمة ربنا بس بجد بحس إن ما فيش حل فكرت أروح لدكتور نفسي وفعلا قلت لماما ووافقت لكن إحنا في بلد ضيقة وكل حاجة بتتعرف بسرعة وأخاف حد يعرف لأننا مشهورين أنا لما بوصل للحالة دي بقوم أصلي أو أقرأ قرآن وأنا الحمد لله بحاول أعمل أكتر من المفروض في عباداتي وبعيط كتير لربنا إنه يرحمني ويفرج كروبي.
جربت آخذ مهدئات بسيطة زي الدورميفال والكافا بتجيب نتيجة لكن بتنيمني كتير وأنا بشتغل وكمان عندي دراسة أنا بجد خايفة ومحتاجة حد يحضني ويطبطب علي زي العيلة الصغيرة لكن مش بقدر أطلب من حد طلب زي ده صدقوني أنا مش بدلع ولا بكبر الأمور لكن يمكن فعلا محتاجة مساعدة من حضرتكم
26/10/2007
رد المستشار
ما فيش حل!! لا الحل موجود
R03;
الأخت الفاضلة؛
أقول لك وكوني على ثقة الحل موجود!!
والحل ليس حل واحد وليس هو الموت، بل هنالك آلاف الحلول نكتشفها لما نفكر صح، فمهما كانت المشكلة لابد لها من حل وفرج، صدقيني!!!...
ويلي يحصل عند الذين يفكرون بالانتحار أنه يصلون بفكرهم لطريق مسدود فلا يجدون إلا الموت المتعمد طريقا وحيدا للخلاص. نعم قد يظهر أنه هو طريق النجاة، ولكنه يا عزيزتي طريق يفضي لمشاكل كبرى في الدنيا قبل الآخرة!!!
الانتحار هو نوع من الحل الخادع الذي في جوهره وحقيقته مشاكل رهيبة وفظيعة، أولها وأهمها وأشدها ألماً أنك لم تنجح أيها الإنسان يا صاحب العقل في أن تجد حلاً من آلاف الحلول لمشكلتك، ثم أنك تركت ربك الحي القيوم وهربت من قدره ولم تعرف أن تتعامل معه، ولن أتكلم عن الآخرة فمشاكلها الخطيرة والفظيعة لا يغفل عنها أي مؤمن!!!!
ولا تقولي لي بعد أعطيني حلاً من هذه الحلول الآلاف!!!
لأني سأقول لك ((عزيزتي تذكري أن أحسن حل يصل له الإنسان لمشكلته هو حلٌ من صياغته ينبع من ذاته قد يستفيد من خبرات الآخرين في صناعته، ليتحمل تبعاته ويسعد بنتائجه..))، ثم ماذا عن قولك ((أنا بجد خايفة ومحتاجة حد يحضني ويطبطب علي زي العيلة الصغيرة)).
أقول لك أين أهلك.. أمك.. أباك؟!
صارحيهم بحقيقة مشاعرك.. وصاحبيهم.. فخير صاحب للولد الأب والأم.. نعم، ثم أين أنت من رحمة الله الرحيم الرحمن؟! الله تعالى يرحم كل الناس ويتلطف بهم فاستشعري آثار رحمة الله تعالى جل جلاله!!!
اعذرينا فالإجابة لن تكون مطولة لأن طبيعة الاستشارات الإلكترونية هكذا.. وأعود وأكرر عليك قولي: راجعي عيادة نفسية الآن.
وأتساءل أنت رفضت مراجعة عيادة نفسية خوفا من الفضيحة في منطقة ضيقة، ولم يخطر ع بالك أن الانتحار فضيحة أكبر تستمر أجيال والناس يذكرونها؟؟؟!!!
وتوكلي على الله ولا تشعري بالعجز مع هذا التوكل على صاحب القوة المطلقة ومن بيده مقاليد السموات والأرض ((الله)) تعالى، لا بد لي أن أتمنى لك كل الخير، تابعينا بأخبارك، ولا تنسي أن هنالك من يدعو لك...
اللهم اشمل أختنا بواسع رحمتك.. وطهّر قلبها وأصلح شأنها وأدخلها مدخلاً مباركاً يا رب العالمين..
لا بد للحديث من بقية.. واقبل مني هذه التحية على طريقتي النفسية..
السلام عليكم والأمن والعافية والراحة والسعادة النفسية في جنةٍ أرضية قطوفها قرآنية..