|
| 
|
إلى متى يا أخي؟ غشاء البكارة أم جرح في القلب م1.!؟
السلام عليكم ورحمة الله وبركاته؛
أولا؛ مبروك يا حبيبتي وربنا يوفقك ويرزقك بالخلف الصالح إن شاء الله..
ثانيا؛ أنا اكتر واحدة في الدنيا دي ممكن تحس بك لأني جربت اللي أنت مريتي بيه وعرفت أد إيه عذاب أنك تكوني مش غلطانة في حاجة وماعملتيش أي حاجة بس أنت لوحدك اللي يبقى عليك للوم الفرق اللي ما بيني وبينك أن التحرش معايا كان أقوى وكان اغتصاب من صاحب أخويا وأن أمي عرفت وتعبت جدا وفضلت طول عمري من يوم ما عرفت وكنت عندي حوالي 8 سنين حد ما اتجوزت وهي دايما محسساني أني أنا السبب وأنا الغلطانة وتأنيب دايما لدرجة أني كرهت نفسي وكرهت كل اللي حوليا وجاء لي اكتئاب بس الحمد لله أنا اتجوزت..
بس أنا طلعت أشجع منك وصرحت جوزي من الأول قبل الخطوبة وللعلم أنا بعد الجواز عرفت أني كنت عذراء ودلوقتي أنا عندي بنوته زي القمر عقبالك يا رب وحاولي تعيشي حياتك وتنسي الماضي وتسعدي جوزك لأنه واضح أنه إنسان كويس وربنا يوفقك..
1/9/2010
رد المستشار
أهلاً ومرحباً بمشاركتك معنا في مجانين..
الحمد لله فعلاً أن من الله عليك بزوج عاقل تمكن من تجاوز الأمر وندعو الله تعالى لكل من لديها معاناة مشابهة بالفرج القريب كما ندعوها لتفتح قلبها ولا تغلقه على أحزانها وتختار بعناية من يساعدها في الخروج من أزمتها..
أتمنى لكما كل الخير والعناية من الله عز وجل..
تعليقات الأعضاء