مذكرات متحرش

وسائل المواصلات والتحرش الجنسي..!؟

السلام عليكم.. أول مرة كنت في إعدادي، راجع من الدرس في الشتاء ليلا، وركبت أوتوبيس وقعدت في آخر صف من الكراسي، وجنبي بنتين في عمري، كنت عايز أجرب، حطيت الشنطة فوق رجليا بحيث محدش يشوف إيدي فين، وكانت إيدي بتعبث في صدرها، وهي لا تعبير على وجهها... نزلت وهي بتبصلي بشدة وكأنها تطلب مني أكمل..

الموضوع بعد كده زاد عن حده خصوصا في الأتوبيس، مرة حاولت أتحرش بواحدة متزوجة لكني فوجئت بزوجها بيبصلي بحدة فعملت نفسي بعمل حاجة تانية وبعدها جاء واحد تاني هو اللي لزق في من ورا، واستمنى كمان، كنت مزيج مابين المستمتع والهائج والخايف في نفس الوقت، وبعدها رجعت البيت وأنا عايز أرجع كل اللي في بطني من القرف..

تكرر الموضوع كذا مرة وأنا في المواصلات، كان فيه بنات بتستمتع وأنا بلعب في صدرها أو رجلها، وكان فيه بنات بتقاوم وممكن تزعق، كان فيه كل الأنواع كان فيه بنات هي اللي عايزة، وكان فيه بنات ممكن تزعق وتصرخ، آخر مرة أتذكرها... كان في أتوبيس، والمرة ديه البنت كانت هي اللي بتبص للرجالة عايزة حد يقعد جانبها... تذكرت أني لسه قاري فاتحة على بنت وكنت ما بين عايز ربنا يبارك لي، وخايف يحصل معاها كده، قعدت في كرسي لوحدي ونسيت، وأنا نازل لقيت فعلا راجل لازق فيها وهي بنظرتها عاملة نفسها موش واخدة بالها، بصيت لهم باحتقار أوي..

بعدها بكذا شهر كان في فرح لدي عائلة خطبيتي، وجاء البوفيه ولاحظت إن واحد لازق في خطبتي أوي من ورا، الدم غلي في عروقي، بعدها هي مشيت بعيد كأن شيء لم يكن، وأنا كنت متضايق جدا، اتكرر الموقف كتير إني ممكن أتحرش ببنت في المواصلات لكن بكون خايف إنه يحصل كده لزوجتي أو بنتي لما تكبر، حاليا بحب أقعد جنب البنات أو السيدات علشان أحميهم، علشان محدش متحرش يقعد جنبهم، دايما بحط حاجة بيني وبينهم علشان يقعدوا براحتهم، ولو جات بنت أو سيدة بخليها تقعد مكاني بدون تردد..

مهما كان الإغراء لا يمكن أسيب نفسي، أنا خايف جدا على بنتي يحصل فيها أي حاجة... وكل ما زوجتي تروح مشوار بتاكسي بدعي ربنا أنه يحفظها...
أنا آسف، موش عارف أقدم اعتذاري لمين، لكن أكيد أنا آسف... وأتمنى إرضاء كل اللي غلطت في حقهم..
28/03/2013